Wall Street Journal (WSJ) باسىلىمىنىڭ دەرەككوزىنە سۇيەنسەك، يران اقش-پەن ىقتيمال كەلىسسوزدەر الدىندا بىرقاتار تالاپتار قويعان.

يراننىڭ نەگىزگى تالاپتارى:

• پارسى شىعاناعى ەلدەرىندەگى بارلىق امەريكاندىق بازالاردى جابۋ;

• جاسالعان سوققىلار ءۇشىن وتەماقى تولەۋ;

• ورمۋز بۇعازىندا جاڭا ءتارتىپ ورناتۋ (بۇل يرانعا مىسىردىڭ سۋەتس كانالىنداعىداي وتەتىن كەمەلەردەن اقى الۋعا مۇمكىندىك بەرۋى ءتيىس);

• سوعىستىڭ قايتا باستالمايتىنىنا كەپىلدىك بەرۋ;

• ءيزرايلدىڭ ليۆاندىق «حەزبوللاعا» جاساعان سوققىلارىن توقتاتۋ;

• يرانعا سالىنعان بارلىق سانكتسيالاردى الىپ تاستاۋ;

• يراننىڭ زىمىران باعدارلاماسىن ەشقانداي شەكتەۋسىز ساقتاپ قالۋ.

باسىلىم امەريكاندىق شەنەۋنىكتىڭ ءسوزىن كەلتىرە وتىرىپ، يراننىڭ تالاپتارىن «كۇلكىلى ءارى شىندىققا جاناسپايدى» دەپ اتادى. سونىمەن قاتار، اراب جانە امەريكاندىق لاۋازىمدى تۇلعالار يراننىڭ بۇل ۇستانىمى مامىلەگە كەلۋ مۇمكىندىگىن سوعىسقا دەيىنگى كەزەڭنەن دە الىستاتىپ جىبەرگەنىن العا تارتۋدا.

بۇعان دەيىن باق بەتتەرىندە اقش-تىڭ يرانعا ءوز تالاپتارىن جولداعانى تۋرالى اقپارات تاراعان بولاتىن. ول 15 تارماقتان تۇراتىن جوسپار بولىپ، يادرولىق الەۋەتتى تولىق جويۋدى جانە ورمۋز بۇعازىن بۇعاتتاۋدان بوساتۋدى كوزدەيدى.

WSJ دەرەككوزدەرى يران مەن اقش اراسىنداعى حابارلامالار دەلدالدار ارقىلى بەرىلگەنىن راستاپ وتىر.

Abai.kz