بىرىككەن ۇلتتار ۇيىمىنىڭ ءبولىنۋدى باقىلاۋ جونىندەگى ميسسياسى (UNDOF) اياسىندا بىتىمگەرلىك تاپسىرمالاردى اتقارىپ جۇرگەن ءبىزدىڭ اسكەري قىزمەتشىلەر قازاق حالقىنىڭ باي مادەني داستۇرلەرى مەن ۇلتتىق قۇندىلىقتارىن الەمگە تانىتۋعا دا بەلسەندى ۇلەس قوسىپ كەلەدى.

سونىڭ ءبىر دالەلى رەتىندە قازاقستاندىق بىتىمگەرلەر ۇلىستىڭ ۇلى كۇنىنە وراي سپورتتىق-كوپشىلىك ءىس-شارالار ۇيىمداستىرىپ، قازاق حالقىنىڭ سالت-داستۇرلەرى مەن ادەت-عۇرىپتارىن تانىستىردى. ۇلتتىق تاعامدارعا، ونىڭ ىشىندە ناۋرىز كوجەگە تولى مەرەكەلىك داستارحان دوستىق پەن ءوزارا قۇرمەت راۋىشىندە ءوتتى.

سونداي-اق، ءۇندىستان، نەپال، ۋرۋگۆاي جانە فيدجي ەلدەرىنىڭ بىتىمگەرلىك كونتينگەنتتەرى قاتىسقان سپورتتىق جارىستار دا تارتىستى ءوربىدى. كەدەرگىلەر جولاعىمەن ەستافەتا، ارقان تارتۋ، قول كۇرەسى، كىر تاسىن كوتەرۋ سياقتى سايىستاردا ءبىزدىڭ جىگىتتەر جوعارى دەڭگەيدەگى دەنە دايىندىعى مەن ۇيىمشىلدىعىن كورسەتىپ، ءبىرىنشى ورىنعا يە بولدى.

UNDOF ميسسياسىنىڭ ۇلتتىق كونتينگەنتتەرى قاتىسقان بۇل ءىس-شارا بىتىمگەرلەر اراسىنداعى دوستىق قارىم-قاتىناستى نىعايتۋعا ىقپال ەتتى.

Abai.kz