استانادا قالا تۇرعىندارىنا قولايلى بولۋ ماقساتىندا مانساپ ورتالىعى ەندى ءۇش جەردە اشىلدى، دەپ حابارلايدى ەلوردا اكىمدىگىنىڭ رەسمي سايتى.

مانساپ ورتالىعى مىنا ورىنداردا جۇمىس ىستەيدى:
• ەسىل – نۇرا اۋداندارىنىڭ مانساپ ورتالىعى (دوستىق داڭعىلى، 13);
• سارىارقا – بايقوڭىر اۋداندارىنىڭ مانساپ ورتالىعى (بەيبىتشىلىك كوشەسى، 9);
• الماتى – سارايشىق اۋداندارىنىڭ مانساپ ورتالىعى (ا. بايتۇرسىنۇلى ك.، 29/2).

ءۇش اي ىشىندە مانساپ ورتالىعىنىڭ جۇمىسپەن قامتۋ شارالارىمەن 5 160 ادام قامتىلدى، ونىڭ ىشىندە 2560-ى – جاستار.

ماماندىعى بويىنشا جۇمىس تاجىريبەسى جوق تۇلەكتەرگە «جاستار پراكتيكاسى» باعدارلاماسى بويىنشا ايلىعى 130 مىڭ تەڭگە بولاتىن جۇمىس ۇسىنىلادى. قازىرگى ۋاقىتتا 400-دەن استام جۇمىس بەرۋشى جاستار پراكتيكاسى بويىنشا 1500 بوس جۇمىس ورنىن ۇسىنىپ وتىر.

50 جاستان اسقان ازاماتتارعا «كۇمىس جاس» باعدارلاماسىنا قاتىسۋ ۇسىنىلادى. بۇل باعدارلاما اياسىندا 3 جىلعا دەيىن جۇمىسقا ورنالاستىرىپ، مەملەكەت تاراپىنان جالاقىنىڭ 70%-ىنا دەيىن سۋبسيديا بەرىلەدى.

كادرلارعا قاجەتتىلىگى بار جۇمىس بەرۋشىلەر قىسقا مەرزىمدى كۋرستار ارقىلى ماماندار دايارلاۋعا ءوتىنىم بەرە الادى.

Enbek.kz ەلەكتروندىق ەڭبەك بيرجاسىندا 1 900 ۇيىمنان 5 000-نان استام بوس جۇمىس ورنى ورنالاستىرىلعان.

Abai.kz