باتىس قازاقستان وبلىسىندا باستاۋىن رەسەيدەن الاتىن وزەندەردىڭ ءبىرى – قاراوزەندەگى سۋ دەڭگەيى سوڭعى تاۋلىكتە كوتەرىلگەنى بايقالادى.

«قازگيدرومەت» رمك بقو فيليالىنىڭ ديرەكتورى تىلەگەن شاپانوۆتىڭ ءمالىم ەتكەنىندەي، قاراوزەن كازتالوۆ اۋدانى جالپاقتال اۋىلى تۇسىندا 632 سانتيمەترگە (+25, قاۋىپتى شەگى – 820 سم) جەتتى. سونداي-اق قايىڭدى اۋىلىندا 515 سم (+27, 1 700 سم) بولدى. 

كازتالوۆ اۋدانى اۋماعىمەن اعاتىن سارىوزەندەگى سۋ دەڭگەيى تومەن، قوشانكول تۇسىندا 1 سانتيمەترگە عانا (407 سم، قاۋىپتىسى – 1 300 سم) كوتەرىلگەن.

ترانسشەكارالىق جايىق وزەنى رەسەيدىڭ ورىنبور قالاسىندا 501 (+32, قاۋىپتىسى – 930 سم), ەلەكتە 419 (+22, 890 سم) سانتيمەتردى كورسەتتى.

جايىقتىڭ ارىنى باتىس قازاقستان وبلىسى اۋماعىندا دا قايتا قويعان جوق. سونىڭ ىشىندە ورال قالاسىندا 315 (+42, 850 سم) سم بولسا، اقجايىق اۋدانى مەرگەن اۋىلىندا 455 سانتيمەترگە جەتتى.

سونداي-اق شاعان وزەنى بايتەرەك اۋدانى چۋۆاشين اۋىلىندا 928 (+8, 1 300 سم), ميچۋريندە 446 (+2, 1 100 سم) سانتيمەتر بولدى.

ەسكە سالا كەتەيىك، بۇدان بۇرىن جايىق وزەنىندەگى سۋ دەڭگەيى ورىنبور تۇسىندا 470 سانتيمەترگە جۋىقتاعانىن جازعان ەدىك.

سونداي-اق ورالدا تاسقىن كەزىندە جارامسىز بولعان 700 ساياجاي ءۇيى بۇزىلماي قالىپ وتىر.

Abai.kz