كەشە كەشكىلىك اقتوبە وبلىسى اكىمدىگىنىڭ عيماراتىنان ءورت شىقتى. ءورت نەدەن شىققانى ءالى بەلگىسىز.

قر تجم مالىمەتىنشە، وبلىس اكىمدىگى عيماراتىنىڭ شاتىرىنداعى 300 شارشى مەتر اۋماقتى قامتىعان ءورتتى سوندىرۋگە 80-نەن استام ادام مەن 30-عا جۋىق تەحنيكا جۇمىلدىرىلعان.

7 ءساۋىر كەشكە وبلىس اكىمدىگىنىڭ 6 قاباتتى عيماراتىنىڭ شاتىرىنان ءورت شىعىپ، باستاپقىدا ءۇش بىردەي وشاق انىقتالعان. قۇتقارۋشىلار جالىننىڭ وزگە قاباتتارعا تارالۋىنا جول بەرمەدى، دەيدى تجم.

ورتتەن ادامدار زارداپ شەكپەگەن. ونىڭ نەدەن شىققانى ازىرگە بەلگىسىز. توتەنشە وقيعاعا بايلانىستى قىلمىستىق ءىس قوزعالىپ، ءورتتىڭ سەبەپتەرى انىقتالىپ جاتىر.

Abai.kz