قازاقستان رەسپۋبليكاسى قارجى ءمينيسترىنىڭ مىندەتىن اتقارۋشىنىڭ 2025 جىلعى 31 قازانداعى № 654 بۇيرىعىمەن سالىق تولەۋشىلەردىڭ (سالىق اگەنتتەرىنىڭ) قىزمەتىن توقتاتۋ، قايتا ۇيىمداستىرۋ جانە تاراتۋ كەزىندە سالىق مىندەتتەمەلەرىن ورىنداۋ قاعيدالارى بەكىتىلدى، ونىڭ ىشىندە:

• سالىقتىق تەكسەرۋ جۇرگىزۋ;

• كامەرالدىق باقىلاۋ;

• وڭايلاتىلعان ءتارتىپ ارقىلى.

(اتالعان بۇيرىق 2026 جىلعى 1 قاڭتاردان باستاپ كۇشىنە ەندى)

       قازاقستان رەسپۋبليكاسىنىڭ سالىق كودەكسىنىڭ 74-بابىنىڭ 6-تارماعىنا سايكەس قىزمەتىن توقتاتاتىن تۇلعانىڭ سالىق مىندەتتەمەلەرىن تيىسىنشە ورىنداۋى سالىقتىق اكىمشىلەندىرۋ ارقىلى، ونىڭ ىشىندە سالىقتىق تەكسەرۋ جۇرگىزۋ جولىمەن تەكسەرىلەدى. بۇل جاعدايدا جەكە كاسىپكەردى جابۋ شامامەن ءبىر اي ۋاقىت الادى. ال وڭايلاتىلعان تارتىپپەن قىزمەتتى توقتاتۋ كەزىندە سالىقتىق تەكسەرۋ جۇرگىزىلمەيدى.

       وڭايلاتىلعان ءتارتىپتى كەلەسى تالاپتارعا تولىق سايكەس كەلەتىن جەكە كاسىپكەرلەر پايدالانا الادى:

• قوسىلعان قۇن سالىعى بويىنشا تىركەۋ ەسەبىندە تۇرماۋى;

• بىرلەسكەن كاسىپكەرلىك نىسانىندا قىزمەت جۇرگىزبەۋى;

• قازاقستان رەسپۋبليكاسىنىڭ سالىق كودەكسىنىڭ 104-بابىنىڭ 1-تارماعىندا كورسەتىلگەن قىزمەت تۇرلەرىمەن اينالىسپاۋى (ەلەكتروندىق ساۋدا، الكوگول، تەمەكى ونىمدەرىن ءوندىرۋ جانە ساتۋ جانە ت.ب.);

• سالىق بەرەشەگى مەن الەۋمەتتىك تولەمدەر بويىنشا قارىزدارىنىڭ بولماۋى;

• الدىڭعى سالىق كەزەڭى بويىنشا بارلىق سالىق مىندەتتەمەلەرىن تولىق ورىنداۋى;

• مەملەكەتتىك كىرىستەر ورگاندارىنىڭ ورىندالماعان حابارلامالارىنىڭ بولماۋى، ونىڭ ىشىندە كامەرالدىق باقىلاۋ ناتيجەلەرى بويىنشا.

        ەگەر جەكە كاسىپكەر وڭايلاتىلعان تارتىپپەن جابۋ تالاپتارىنا سايكەس كەلسە، وندا كەلەسى ارەكەتتەردى ورىنداۋ قاجەت:

        وڭايلاتىلعان تارتىپپەن قىزمەتتى توقتاتۋ تۋرالى سالىقتىق ءوتىنىشتى وڭدەۋ مەملەكەتتىك كىرىستەر ورگاندارىنىڭ اقپاراتتىق جۇيەلەرى ارقىلى اۆتوماتتى رەجيمدە فورماتتىق-لوگيكالىق باقىلاۋ نەگىزىندە جۇزەگە اسىرىلادى. ەگەر ورىندالماعان سالىق مىندەتتەمەلەرى انىقتالعان جاعدايدا، جەكە كاسىپكەر رەتىندە تىركەۋ ەسەبىنەن شىعارۋدان باس تارتۋ تۋرالى شەشىم قابىلدانادى.

     جەكە كاسىپكەردىڭ قىزمەتىنىڭ توقتاتىلعانى تۋرالى اقپاراتتى kgd.gov.kz سايتىنداعى «ەلەكتروندىق سەرۆيستەر / بيزنەسكە كومەك / سالىق تولەۋشىلەردى ىزدەۋ» بولىمىندە «جەكە كاسىپكەرلەر» ىزدەۋ فۋنكتسيونالى ارقىلى كورۋگە بولادى.

  تاماشاەۆا مادينا مارسبەكوۆنا

الماتى قالاسى المالى اۋدانى بويىنشا مەملەكەتتىك كىرىستەر باسقارماسىنىڭ سالىق تولەۋشىلەرمەن جۇمىس ءبولىمىنىڭ باس مامانى

Abai.kz