تابيعاتتى قورعاۋ - جاي ۇران ەمەس، ناقتى ارەكەت. بۇگىن تالدىقورعان قالاسىنداعى قىزىلتاس-تاسباقا شاتقالى اۋماعىندا «تازا قازاقستان» رەسپۋبليكالىق ەكولوگيالىق باعدارلاماسى اياسىندا اۋقىمدى اكتسيا ۇيىمداستىرىلدى.

شارا بارىسىندا اۋماق قوقىستان تازارتىلىپ، 250-دەن استام كوشەت ەگىلدى. يگى ىسكە 100-دەن استام جەتىسۋلىق بەلسەندى اتسالىستى.

ەكوشاراعا قاتىسقان وبلىس ورتالىعىنىڭ تۇرعىنى ايگەرىم سابىرجانوۆانىڭ ايتۋىنشا، بۇل كۇن ەرەكشە اسەرگە تولى بولعان:
«وسىنشا ادامنىڭ ءبىر ماقساتپەن جينالعانىن كورگەندە، شىنىمەن دە جۇرەككە جىلى تيەدى. ءبىز تەك تازالىق جۇمىستارىمەن شەكتەلمەي، بولاشاق ءۇشىن ەڭبەك ەتتىك. ءار وتىرعىزىلعان اعاش ەرتەڭگى جاسىل قالا. وسىنداي باستامالار كوبەيسە ەكەن دەيمىن».

ۇيىمداستىرۋشىلاردىڭ مالىمەتىنشە، بۇل باعىتتاعى جۇمىستار الداعى ۋاقىتتا دا جالعاسادى. اتالعان اۋماقتا ەكوپارك اشۋ جوسپارلانۋدا. جوبا قالانىڭ تۋريستىك الەۋەتىن ارتتىرىپ، ءوڭىردىڭ دامۋىنا جاڭا سەرپىن بەرمەك.

Abai.kz