تالدىقورعان قالاسىنداعى «سالتانات سارايىندا» «TURGYNDAR AMANATY» پارتيالىق جوباسى اياسىندا «ءۇيدى باسقارۋ: جاۋاپكەرشىلىك، سەنىم، ناتيجە» تاقىرىبىندا وڭىرلىك فورۋم ءوتتى. ءىس-شارا بارىسىندا قاتىسۋشىلار تۇرعىن ءۇي-كوممۋنالدىق شارۋاشىلىق سالاسىنداعى وزەكتى ماسەلەلەردى، ينفراقۇرىلىمدى جاڭعىرتۋ، باسقارۋ ورگاندارى قىزمەتىنىڭ اشىقتىعىن ارتتىرۋ جانە حالىقپەن كەرى بايلانىستى كۇشەيتۋ جولدارىن تالقىلادى. فورۋم بيلىك وكىلدەرى، ساراپشىلار، مۇلىك يەلەرى بىرلەستىكتەرى (ميب) مەن پاتەر يەلەرى كووپەراتيۆتەرى (پيك) باسشىلارى اراسىندا ءتيىمدى ديالوگ الاڭىنا اينالدى.

القالى جيىنعا جەتىسۋ وبلىسىنىڭ اكىمى بەيبىت يساباەۆ, «AMANAT» پارتياسىنىڭ حاتشىسى شولپان كارينوۆا, قر پارلامەنتى ءماجىلىسىنىڭ دەپۋتاتى بولات كەرىمبەك, وبلىس اكىمىنىڭ ورىنباسارى اسەت قاناعاتوۆ, سونداي-اق سالالىق باسقارما باسشىلارى مەن بارلىق دەڭگەيدەگى ءماسليحات دەپۋتاتتارى قاتىستى.

سۋرەت: amanatpartiasy.kz سايتىنان الىندى.

فورۋمدى تىزگەندەگەن «AMANAT» پارتياسى وبلىستىق فيليالىنىڭ توراعاسى ارىستانعالي ارىن اتالعان جوبانىڭ تۇرعىن ءۇي سالاسىنداعى ماسەلەلەردى جۇيەلى شەشۋدەگى ماڭىزىن اتاپ ءوتتى.

وتىرىستى اشقان ءوڭىر باسشىسى كەيىنگى ءۇش جىلدا وڭىردە سۋ، جىلۋ جانە ەلەكتر جەلىلەرىنىڭ 1 مىڭ شاقىرىمنان استامى جاڭعىرتىلعانىن ايتتى. 2025 جىلدىڭ قورىتىندىسى بويىنشا, 329 ەلدى مەكەن ورتالىقتاندىرىلعان سۋمەن قامتاماسىز ەتىلىپ، كورسەتكىش 99,9%-عا جەتكەن. سونىمەن قاتار حالىقتىڭ 67%-ى تابيعي گازعا قوسىلعان، بۇل ازاماتتاردىڭ تۇرمىس جاعدايىن ەداۋىر جاقسارتتى.

سۋرەت: amanatpartiasy.kz سايتىنان الىندى.

«AMANAT» پارتياسىنىڭ «TURGYNDAR AMANATY» جوباسى بۇل جۇمىستى جاڭا دەڭگەيگە كوتەرۋگە مۇمكىندىك بەرەدى. ءبىزدىڭ مىندەتىمىز – ءاربىر تۇرعىن ءۇشىن جايلى ءارى قاۋىپسىز ورتا قالىپتاستىرۋ. وسى ماقساتقاقول جەتكىزۋ ءۇشىن الداعى ۋاقىتتا دا بىرلىگىمىزدى ساقتاي وتىرىپ, جۇيەلى جۇمىس جۇرگىزەتىن بولامىز. ەڭ باستىسى – حالىقتىڭ ءال-اۋقاتىن ارتتىرۋ جانە ءوڭىردىڭ تۇراقتى دامۋىن قامتاماسىز ەتۋ», – دەدى بەيبىت يساباەۆ.

ءوز كەزەگىندە «AMANAT» پارتياسىنىڭ حاتشىسى شولپان كارينوۆاجوبا ميب جانە پيك توراعالارىن وقىتۋ، «حالىق قاتىساتىن بيۋدجەت» باعدارلاماسىن ەنگىزۋ جانە تسيفرلىق سەرۆيستەردى دامىتۋ ارقىلى تۇرعىنداردىڭ تۇرمىسىن جاقسارتۋعا باعىتتالعانىن اتاپ ءوتتى.

«اباتتاندىرۋ، تاريفتەر، جارىقتاندىرۋ جانە قاۋىپسىزدىك ماسەلەلەرى – ءاربىر قالا تۇرعىنىنىڭ ءومىر ساپاسىنا تىكەلەي اسەر ەتەتىن نەگىزگى فاكتور. سوندىقتان پارتيا باستاماسىمەن كوپپاتەرلى تۇرعىن ۇيلەردىڭ وزەكتى ماسەلەلەرىن جۇيەلى شەشۋگە باعىتتالعان «TURGYNDAR AMANATY» جوباسى ىسكە قوسىلدى. ءبىز تۇرعىندارمەن كۇندەلىكتى تىكەلەي بايلانىستا بولىپ، ولاردىڭ ناقتى سۇرانىستارىن بىلەتىن ميب جانە پيك توراعالارىنىڭ قولداۋىنا ۇلكەن ءۇمىت ارتامىز. سىزدەردىڭ تاجىريبەلەرىڭىز بەن كەرى بايلانىستارىڭىز حالىق پەن بيلىك اراسىنداعى ءتيىمدى ديالوگتى قالىپتاستىرۋدا ماڭىزدى ءرول اتقارادى», – دەدى شولپان كارينوۆا.

وبلىس اكىمىنىڭ ورىنباسارى اسەت قاناعاتوۆ وڭىردەگى تۇرعىن ءۇي قورىنىڭ جاعدايىنا توقتالىپ، بۇگىندە وبلىستا 1 715 كوپقاباتتى تۇرعىن ءۇي بار ەكەنىن جەتكىزدى. ونىڭ 627-ءسى زاماناۋي باسقارۋ نىساندارىنا وتكەن. ءۇش جىلدا 284 تۇرعىن ءۇي جاڭارتىلىپ، 289 اۋلا اباتتاندىرىلىپ، 30 ليفت اۋىستىرىلعان. گازداندىرۋ ماسەلەسىنە ەرەكشە نازار اۋدارىلىپ وتىر: قازىرگى ۋاقىتتا 600 كوپقاباتتى ءۇي تابيعي گازعا قوسىلعان.

«TURGYNDAR AMANATY» جوباسى تۇرعىن ءۇي-كوممۋنالدىق شارۋاشىلىق جۇيەسىن دامىتۋدىڭ جاڭا باعىتىن ايقىندايدى. مۇندا ءاربىر ءۇي – ەڭ الدىمەن مەنشىك يەلەرىنىڭ جاۋاپكەرشىلىك ايماعى. ءبىز اشىق ءارى ەسەپ بەرەتىن باسقارۋ مودەلىنە كوشىپ جاتىرمىز. ونىڭ ناتيجەسى ادامداردىڭ تۇرمىس جاعدايى مەن ءار اۋلاداعى ناقتى وزگەرىستەر ارقىلى ولشەنەدى. وڭىردە بۇل وزگەرىستەرگە بەرىك نەگىز قالاندى، ەندىگى مىندەت – ولاردىڭ جۇيەلى ءارى تۇراقتى جۇزەگە اسۋىن قامتاماسىز ەتۋ. جوبانىڭ باستى ناتيجەسى – بارلىق ازامات ءۇشىن قولايلى ورتا قالىپتاستىرۋ», – دەدى اسەت قاناعاتوۆ.

فورۋم بارىسىندا ءماجىلىس دەپۋتاتى بولات كەرىمبەك تە ءسوز سويلەپ، جوبانىڭ باستى مىندەتى تۇرعىن ءۇي قورىن باسقارۋدا ءتارتىپ ورناتۋ جانە كوممۋنالدىق ماسەلەلەردى شەشۋ ىسىنە ازاماتتاردىڭ قاتىسۋىن ارتتىرۋ ەكەنىن اتاپ ءوتتى.

سۋرەت: amanatpartiasy.kz سايتىنان الىندى.

«TURGYNDAR AMANATY» جوباسىنىڭ ماقساتى – كوپپاتەرلى تۇرعىن ۇيلەردەگى جىلدار بويى قوردالانعان ماسەلەلەردى شەشۋ، اسىرەسە پيك پەن ميب جۇمىسىنا قاتىستى تۇيتكىلدەردى رەتتەۋ. ءبىز «ءبىر ءۇي – ءبىر بىرلەستىك – ءبىر ەسەپشوت» قاعيداتىن ەنگىزدىك. بۇل تۇرعىنداردىڭ قاراجاتى تەك ءوز ءۇيىنىڭ قاجەتتىلىگىنە جۇمسالۋىنا مۇمكىندىك بەرەدى. سونداي-اق توراعانى سايلاۋ قۇقىعى تۇرعىنداردىڭ وزدەرىنە بەرىلىپ، ونىڭ وكىلەتتىك مەرزىمى ءۇش جىلعا دەيىن ۇزارتىلدى. ەندى ەكى ەسەپشوت اشىلادى: اعىمداعى جوندەۋ جۇمىستارىنا ارنالعان جانە شاتىردى نەمەسە قاسبەتتى جوندەۋ سياقتى ءىرى جۇمىستارعا ارنالعان جيناق. بۇل ءاربىر تۇرعىننىڭ ءوز مۇلكىن باسقارۋعا تىكەلەي قاتىسىپ، قارجىنىڭ قايدا جۇمسالىپ جاتقانىن باقىلاۋىنا مۇمكىندىك بەرەدى», – دەدى بولات كەرىمبەك.

فورۋمنىڭ ەكىنشى ءبولىمى وقىتۋ سەمينارىنا ارنالدى، وندا قاتىسۋشىلار تۇرعىن ءۇي قورىن باسقارۋدىڭ پراكتيكالىق داعدىلارىن مەڭگەرىپ، وزەكتى ماسەلەلەردى شەشۋ جولدارىن اشىق ديالوگ فورماتىندا تالقىلادى.

ءىس-شارا سوڭىندا ميب جانە پيك بەلسەندى توراعالارى وبلىس اكىمىنىڭ العىس حاتتارىمەن ماراپاتتالدى. سونىمەن قاتار بىرقاتار پيك توراعاسى «AMANAT» پارتياسىنىڭ قاتارىنا قوسىلۋ تۋرالى شەشىم قابىلدادى. جاڭا مۇشەلەرگە سالتاناتتى تۇردە پارتيالىق بيلەت تابىستالدى.

Abai.kz