بەلگيا استاناسىندا «قازاقستان تەمىر جولى» ۇك» اق ۇيىمداستىرعان قازاقستان رەسپۋبليكاسى ۇكىمەتى مەن قر-نىڭ بەلگيا كورولدىگىندەگى ەلشىلىگىنىڭ قولداۋىمەن «قازاقستان مەن ەو بايلانىسىن نىعايتۋ: ترانسكاسپي حالىقارالىق كولىك باعدارىنىڭ (تحكب) پەرسپەكتيۆالارى مەن ستراتەگيالىق الەۋەتى» اتتى حالىقارالىق بيزنەس-كونفەرەنتسيا وتۋدە.

ءىس-شارا قازاقستان مەن ەۋروپالىق وداق ەلدەرىنەن 100 استام جوعارى دارەجەلى قاتىسۋشىلاردى بىرىكتىردى. ولاردىڭ ىشىندە: ەۋروپالىق پارلامەنت دەپۋتاتتارى; ەۋروپالىق كوميسسيا وكىلدەرى; قازاقستان رەسپۋبليكاسى پرەزيدەنتى اكىمشىلىگىنىڭ جانە ۇكىمەتىنىڭ باسشىلارى; «قازاقستان تەمىر جولى» ۇك» اق باسشىلىعى; حالىقارالىق قارجى ينستيتۋتتارىنىڭ (ەقدب، ەيب) وكىلدەرى; ءىرى كولىكتىك-لوگيستيكالىق كومپانيالار، جۇك يەلەرى جانە سالالىق قاۋىمداستىقتار.

كونفەرەنتسيادا قر پرەزيدەنتى اكىمشىلىگىنىڭ، قر ۇكىمەتىنىڭ، ەۋروپالىق پارلامەنتتىڭ، قتج باسشىلىعىنىڭ وكىلدەرى، سونداي-اق DHL Global Forwarding, Alstom, DB Cargo, HHLA International, RHENUS, Hellmann Worldwide Logistics, Ahlers Logistics جانە A.P. Moller – Maersk سياقتى ەو جەتەكشى لوگيستيكالىق كورپوراتسيالارىنىڭ توپ-مەنەدجمەنتى نەگىزگى باياندامالار جاسادى.

كونفەرەنتسيا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ ەۋروپالىق كەڭەس پرەزيدەنتىنىڭ شاقىرۋىمەن بەلگيا كورولدىگىنە رەسمي ساپارى اياسىندا وتۋدە.

بۇل الاڭ جوعارى دەڭگەيدەگى ستراتەگيالىق ديالوگتىڭ پراكتيكالىق جالعاسى بولىپ تابىلادى. مەملەكەت باسشىسىنىڭ ساپارى اياسىندا ەۋروپالىق كەڭەس پرەزيدەنتى انتونيو كوشتامەن; ەۋروپالىق كوميسسيا پرەزيدەنتى ۋرسۋلا فون دەر ليايەنمەن; بەلگيا پرەمەر-ءمينيسترى بارت دە ۆەۆەرمەن ماڭىزدى كەلىسسوزدەر جوسپارلانعان.

قاتىسۋشىلار نازارىندا ورتا ءدالىزدى دامىتۋدىڭ ستراتەگيالىق ماسەلەلەرى، ونىڭ ىشىندە تحكب-نىڭ وتكىزۋ قابىلەتىن ارتتىرۋ; تەمىرجول، پورت جانە تەرمينالدىق ينفراقۇرىلىمدى جاڭعىرتۋ; لوگيستيكالىق پروتسەستەردى تسيفرلاندىرۋ; ەۋرازيالىق كەڭىستىكتە تۇراقتى جەتكىزۋ تىزبەگىن قالىپتاستىرۋ جانە باسقالار بار.

پىكىرتالاس بارىسىندا ورتا ءدالىزدى ەۋروپالىق وداقتىڭ Global Gateway جاھاندىق باستاماسىمەن ينتەگراتسيالاۋعا، سونداي-اق ەۋروپا مەن ورتالىق ازيا اراسىنداعى كولىك جانە تسيفرلىق بايلانىستى كەڭەيتۋگە ەرەكشە نازار اۋدارىلادى.

دەلەگاتتاردىڭ جوعارى مارتەبەسى جانە قر پرەزيدەنتىنىڭ كۇن تارتىبىمەن سينەرگيا ەۋرازيا مەن ەو اراسىنداعى نەگىزگى ترانزيتتىك-لوگيستيكالىق حاب مارتەبەسىن قازاقستانعا بەكىتە وتىرىپ، ەۋروپالىق ينستيتۋتتاردىڭ، حالىقارالىق قارجى ۇيىمدارى مەن بيزنەستىڭ ورتا ءدالىزدى دامىتۋعا ءوسىپ كەلە جاتقان قىزىعۋشىلىعىن راستايدى.

انىقتاما: ەۋروپالىق كەڭەس – بۇل ەو ەلدەرىنىڭ مەملەكەت جانە ۇكىمەت باسشىلارى كىرەتىن ورگان. ول ەۋروپالىق وداق دامۋىنىڭ نەگىزگى ساياسي باعىتتارى مەن ستراتەگيالىق باسىمدىقتارىن انىقتايدى، بىراق ادەتتە زاڭدار قابىلدامايدى. ەۋروپالىق كوميسسيا – ەو-نىڭ اتقارۋشى ورگانى. ول زاڭ جوبالارىن ازىرلەيدى، ەۋروپالىق وداق زاڭدارىنىڭ ورىندالۋىن قاداعالايدى، ەو بيۋدجەتىن باسقارادى جانە جەكەلەگەن ەلدەردىڭ ورنىنا بۇكىل وداقتىڭ مۇددەلەرىن بىلدىرەدى.

«قازاقستان تەمىر جولى» ۇك» اق ءباسپاسوز قىزمەتى

Abai.kz