«جومارت» كەنىشىنە جۇمىس ساپارى بارىسىندا «قازاقمىس كورپوراتسياسى» جشس باسقارما توراعاسى ورىنباسارىنىڭ مىندەتىن اتقارۋشى مۇقان ۇڭگىتباەۆقا ونەركاسىپتىك قاۋىپسىزدىكتى ارتتىرۋ جانە وندىرىستىك باقىلاۋ جۇيەسىن دامىتۋ جونىندەگى كەشەندى باعدارلامانىڭ ىسكە اسىرىلۋ ناتيجەسى تانىستىرىلدى.

بۇگىنگى تاڭدا باعدارلاما اياسىندا جوسپارلانعان 45 ءىس-شارانىڭ 39-ى ورىندالدى. ولاردىڭ ءبىر بولىگى تۇراقتى وندىرىستىك قىزمەتكە ەنگىزىلدى، ال قالعانى ىسكە اسىرۋدىڭ قورىتىندى كەزەڭىندە تۇر. قاۋىپسىزدىك دەڭگەيىن ارتتىرۋعا جانە كەنىشتى دامىتۋعا باعىتتالعان ينۆەستيتسيانىڭ جالپى كولەمى 2,7 ملرد تەڭگەدەن استى.

قازاقستان مەن تمد ەلدەرىنىڭ جەتەكشى سالالىق ۇيىمدارىن تارتا وتىرىپ ۇيىمداستىرىلعان عىلىمي-زەرتتەۋ جۇمىسى نەگىزگى باعىتتاردىڭ ءبىرى بولدى. 2025-2026 جىلدارى كەن ورنىنىڭ گاز رەجيمىن، گيدروگەولوگيالىق جاعدايىن، جەلدەتۋ جۇيەسىن جانە تاۋ جىنىسى ءماسسيۆىنىڭ سوققى بەرۋ قاۋپىن زەرتتەۋگە ارنالعان سەگىز كەشەندى زەرتتەۋ جۇرگىزىلدى. وسىنىڭ ناتيجەسى كاسىپورىندا جۇزەگە اسىرىلىپ جاتقان وندىرىستىك تاۋەكەلدى باقىلاۋعا جانە ونىڭ الدىن الۋعا باعىتتالعان قوسىمشا شارالاردى ازىرلەۋگە نەگىز بولدى.

زاماناۋي اەروگازدىق مونيتورينگ جۇيەسىن دامىتۋعا ەرەكشە نازار اۋدارىلدى. كەنىشتەگى اتموسفەرانىڭ جاعدايىن تاۋلىك بويى باقىلاۋ ۇيىمداستىرىلىپ، تاۋ-كەن قازبالارىنىڭ تسيفرلىق جىلۋ كارتاسى ەنگىزىلدى. ستاتسيونارلىق داتچيكتەن الىنعان دەرەك بىرىڭعاي ديسپەتچەرلىك ورتالىققا ناقتى ۋاقىت رەجيمىندە كەلىپ تۇسەدى.

وندىرىستىك باقىلاۋدى كۇشەيتۋ ماقساتىندا كاسىپورىن 130 ءپورتاتيۆتى گاز تالداعىش، 20 سىناما الۋ قۇرىلعىسىن جانە وزگە دە ارنايى جابدىقتاردى ساتىپ الدى. وزدىگىنەن جۇرەتىن تەحنيكا اۆتوماتتى تۇردە ءوشىرۋ قىزمەتى بار مەتان رەلەلەرىمەن جابدىقتالعان، ال كاسىپورىننىڭ ەكسپرەسس-زەرتحاناسى كەنىش اتموسفەراسىنىڭ جاعدايىن جەدەل تالداۋعا مۇمكىندىك بەرەدى. 

سونىمەن قاتار بايلانىس، پوزيتسيالاۋ جانە پەرسونالعا حابار بەرۋ جۇيەلەرىن جاڭعىرتۋ شارالارى جۇزەگە اسىرىلۋدا. كەنىشتە 7 شاقىرىم كابەل جەلىسى قالپىنا كەلتىرىلىپ، قوسىمشا 15 شاقىرىمنان استام ساۋلەلەندىرگىش كابەل مونتاجدالدى. بۇل جەراستى قازبالارىن ءتيىستى جۇيەمەن تولىق قامتاماسىز ەتتى. جەراستى قىزمەتكەرلەرىنىڭ بارلىعى پوزيتسيالاۋ جانە اپاتتىق حابارلاۋ قۇرالدارىمەن قامتىلدى.

قاۋىپسىزدىك دەڭگەيىن ارتتىرۋدىڭ قوسىمشا قۇرالى رەتىندە جەكە بەينەتىركەگىشتەر ەنگىزىلۋدە. جەراستى ۋچاسكەلەرىنىڭ جۇمىسكەرلەرى ءۇشىن 74 «دوزور» بەينەتىركەگىشى جانە ولاردى قۋاتتاۋعا، دەرەكتەردى جۇكتەۋگە ارنالعان ءۇش تەرمينال ساتىپ الىندى. جابدىق وندىرىستىك ۇدەرىستى بەينەتىركەۋگە، قاۋىپسىزدىك تالاپتارىنىڭ ساقتالۋىن قاداعالاۋعا جانە وندىرىستىك ورتاعا قوسىمشا مونيتورينگ جۇرگىزۋگە مۇمكىندىك بەرەدى.

جەلدەتۋ كەشەنىن دامىتۋ جۇمىسى جەكە باعىت رەتىندە ىسكە اسىرىلۋدا. كاسىپورىننىڭ باستى جەلدەتۋ قوندىرعىلارىنا كۇردەلى جوندەۋ جۇرگىزىلىپ، ناتيجەسىندە جۇيەنىڭ ونىمدىلىگى سەكۋندىنا 200 تەكشە مەترگە ارتتى. بۇل تاۋ-كەن قازبالارىن جەلدەتۋدە سەنىمدىلىكتى كۇشەيتتى. سونىمەن قاتار №1 جانە №2 جەلدەتۋ وقپاندارىنداعى رەزەرۆتىك جەلدەتۋ قوندىرعىلارىن جوبالاۋ جۇمىسى جالعاسىپ، گازسىزداندىرۋ شارالارى جۇزەگە اسىرىلۋدا جانە بەيىندى ساراپتاما ۇيىمدارىنىڭ كەنىشتى تۇراقتى عىلىمي-تەحنيكالىق سۇيەمەلدەۋى قامتاماسىز ەتىلۋدە.

جۇمىس ساپارىن قورىتىندىلاي كەلە  مۇقان ۇڭگىتباەۆ ونەركاسىپتىك قاۋىپسىزدىك دەڭگەيىن ارتتىرۋ كومپانيانىڭ نەگىزگى باسىمدىعى بولىپ قالا بەرەتىنىن اتاپ ءوتتى.

«جومارت» كەنىشىندە مونيتورينگ جۇيەسىن ودان ءارى دامىتۋ، جەلدەتۋ ينفراقۇرىلىمىن جاڭعىرتۋ جانە زاماناۋي باقىلاۋ تەحنولوگيالارىن ەنگىزۋ جۇمىسى جالعاسا بەرەدى.

Abai.kz