ەلىمىزدە گازدى ەسەپكە الۋدىڭ بىرىڭعاي تسيفرلىق پلاتفورماسى قۇرىلادى. پرەمەر-مينيستر ولجاس بەكتەنوۆ ۇكىمەت وتىرىسىندا تسيفرلىق ترانسفورماتسيا گاز سالاسىنىڭ تيىمدىلىگىن ارتتىرۋدىڭ ماڭىزدى قۇرالى ەكەنىن اتاپ ءوتتى.

«پرەزيدەنت تسيفرلاندىرۋدى مەملەكەتتىك باسقارۋدى جاڭعىرتۋدىڭ نەگىزگى فاكتورلارىنىڭ ءبىرى رەتىندە ايقىندادى. بۇل رەتتە تسيفرلىق ترانسفورماتسيا سالانىڭ تيىمدىلىگىن ارتتىرۋدىڭ ماڭىزدى قۇرالىنا اينالۋدا. جاساندى ينتەللەكت مينيسترلىگىنە ەنەرگەتيكا مينيسترلىگىمەن بىرلەسىپ، گازدى ەسەپكە الۋدىڭ بىرىڭعاي تسيفرلىق پلاتفورماسىن قۇرۋدى قامتاماسىز ەتۋدى تاپسىرامىن»، — دەدى ولجاس بەكتەنوۆ.

Abai.kz