دانيا ەسپاەۆا «سميت تسەنترالنايا ازيا» زاۋىتىنىڭ ۇجىمىمەن كەزدەستى. كاسىپورىن ۇجىمى دانيا ەسپاەۆانى زور ىلتيپاتپەن قارسى الىپ، قۇرمەت بەلگىسى رەتىندە ادەمى گۇل شوعىن سىيعا تارتتى.

ساپار بارىسىندا زاۋىت ەڭبەك ۇجىمىمەن كەزدەسۋ ءوتتى. دانيا ەسپاەۆا «اق جول» دەموكراتيالىق پارتياسىنىڭ سايلاۋالدى باعدارلاماسىنىڭ نەگىزگى ەرەجەلەرىن تانىستىرىپ، وتاندىق ونەركاسىپتى دامىتۋعا، وندىرىستىك كاسىپورىنداردى قولداۋعا جانە جاڭا جۇمىس ورىندارىن اشۋعا ەرەكشە نازار اۋداردى.

سونداي-اق ەڭبەك جاعدايلارىن جاقسارتۋ، بىلىكتى مامانداردى دايارلاۋ جانە وتاندىق كاسىپورىنداردىڭ كادرلىق الەۋەتىن نىعايتۋ ماسەلەلەرى جەكە تالقىلاندى. پارتيا وكىلدەرى ناقتى ەكونوميكا سەكتورلارىن دامىتۋ جانە ۇلتتىق ءوندىرىستى قولداۋ «اق جول» باعدارلاماسىنىڭ باستى باعىتتارىنىڭ ءبىرى بولىپ قالا بەرەتىنىن اتاپ ءوتتى.

كەزدەسۋ اشىق ديالوگ فورماتىندا ءوتتى. كاسىپورىن جۇمىسشىلارى پارتيا وكىلدەرىمەن ونەركاسىپ، ەكونوميكا جانە وتاندىق بيزنەستى ودان ءارى دامىتۋ جاعدايلارىنا قاتىستى وزەكتى سۇراقتاردى تالقىلادى.

جيىن قورىتىندىسى بويىنشا كاسىپورىن باسشىلىعى دانيا ەسپاەۆاعا مازمۇندى ءارى اشىق اڭگىمە ءۇشىن العىس ايتىپ، ەڭبەك ۇجىمدارىمەن تىكەلەي قارىم-قاتىناس جاساۋدىڭ جانە ءوندىرىس سالاسىنىڭ ماسەلەلەرىنە كوڭىل ءبولۋدىڭ ماڭىزدىلىعىن اتاپ ءوتتى.

ەسكەرتۋ: ماتەريالدىڭ اقىسى «اق جول» - قازاقستاننىڭ دەموكراتيالىق پارتياسىنىڭ سايلاۋالدى شتابى قورىنان تولەندى.

Abai.kz