بىرىككەن اراب امىرلىكتەرىنىڭ ء(باا) شارجا قالاسىندا قازاقستاننىڭ ەكى ازاماتى – اپالى-ءسىڭلىلى ەكى قىز بالا قازا بولدى.

قازاقستان سىرتقى ىستەر مينيسترلىگى ولاردىڭ قازاسىن راستادى، بىراق سەبەبىن ازىرگە ايتپادى.

تۋىستارىنىڭ ايتۋىنشا، قازا بولعان اقجان جانە جۇلدىز بوحانوۆا 2006 جانە 2004 جىلى تۋعان. ەكى قىز بالا اقشا تابۋ ءۇشىن ءباا-عا بارعان جانە وسى قىركۇيەكتە ۇيلەرىنە قايتۋى كەرەك بولعان. بىراق ءبىر اپتا بۇرىن ولاردان حابار ۇزىلگەن.

«بىزگە ەكى ءمايىت تابىلعانىن جانە ءبىزدىڭ جاقىندارىمىز ەكەنىن ايتتى. ولاردى ولتىرگەن. كۇدىكتى دە ۇستالعانىن، ول دا قازاقستاننان ەكەنىن ايتتى»، - دەدى تۋىستارى Tengrinews-گە.

قازاقستان ءسىم مەن ءىىم بۇل اقپاراتقا تۇسىنىكتەمە بەرگەن جوق.

دەرەككوزى: ازاتتىق راديوسى

Abai.kz