بۇگىنگى زاماندا الەم ەلدەرى اراسىندا تەك ەكونوميكالىق قانا ەمەس، اقپاراتتىق تۇرعىداعى قاقتىعىستار، استىرتىن مايداندار ءورشىپ بارا جاتقانى جاسىرىن ەمەس. اسىرەسە، «وتىرىكتى شىنداي»، «بولماعاندى بولعانداي» دابىرايتىپ ايتىپ، داۋ شاقىرۋشىلاردىڭ ءداۋىرى ءجۇرىپ-اق تۇر...

جۋىردا ارمەنيا پرەمەرى نيكول پاشينيان «قازاقتارعا قاراتا كەكەسىن سوزدەر ايتتى» دەگەن اقپارات جەلدەن جىلدام تارادى، جەلىگە. «باقساق باقا ەكەن» دەگەندەي، نيكولدىڭ نە دەگەنىن ارى ىزدەدىك، بەرى ىزدەدىك. تاپقانىمىز مىناۋ:

«مەن رەسەيگە شاقىرسا بارا بەرەتىن قازاقستان پرەزيدەنتى ەمەسپىن. ءبىز جىلىنا ءتورت رەت رەفەرەندششۋم وتكىزەتىندەي قازاقتار سەكىلدى باي ەمەسپىز. ولار مەنى ارمەنيادا رەفەرەندۋم وتكىزۋگە ماجبۇرلەي المايدى»، - دەپتى-ءمىس.

انىعى – بۇل سوزدەردىڭ اۆتورى – پاشينيان ەمەس.، سەرگەي اسلانيان دەگەن بىرەۋ. ءوزى رەسەي ءجۋرناليسى. «ەحو موسكۆى» رەداكتسياسىندا ۇزاق جىلدار قىزمەت ەتكەن ادام. جازعان دا، تاراتقان دا سول ادام. «ايتپاعاندى ايتتى قىلعان» بۇل جازبانى ءالنۇر مۇساەۆ دەگەن قازاقستاننىڭ ۇقق توراعاسى بولعان، كەيىن ەلدەن كەتىپ، شەكارا سىرتىن پانالاعان ادام ءبولىسىپتى.

سۋرەت: الەۋمەتتىك جەلى سكرينى.

پاشينيان نە دەپ ەدى؟

قىركۇيەكتىڭ ۇشىندە پاشينيان جۋرناليستەر الدىنا شىعىپ، ەرەۆان مەن ماسكەۋ اراسىنداعى سوڭعى ساياسي جاعدايلار جايلى بايانداعان. سول جەردە ارمەنيانىڭ ەۋروينتەگراتسيانى تاڭداۋىنا قاتىستى رەفەرەندۋم وتكىزۋ جايلى دا ءسوز بولعان.

«پاشينياندى رەسەيگە شاقىرتىپ الدى» دەگەن اڭگىمەگە قاتىستى پاشينيانننىڭ ءوزى:

«مەنى رەسەيگە شاقىرتىپ سويلەستى»، دەيسىز. قۇددى الدارىڭىزدا ارميان سسر كومپارتياسىنىڭ ءبىرىنشى حاتشىسى تۇرعانداي ايتاسىز عوي»، - دەيدى. ونان ءارى پاشينيان «ارمەنيانى ەشكىم رەفەرەندۋم وتكىزۋگە ماجبۇرلەي المايتىنىن» ايتادى. قازاقستان تۋرالى دا، ءتورت بىردەي رەفەرەندۋم تۋرالى دا، قازاقتار تۋرالى دا ءسوز جوق. وندا بۇل ءسوز قايدان شىقتى؟

«داۋدىڭ باسى – دايرابايدىڭ سيىرى» دەگەندەي، 3 قىركۇيەكتە «JAMnews» دەيتىن پورتال «سوۆەتتىك ارمەنيانى» ەسكە سالىپ، بريفينگتەگى ايتىلعان اڭگىمەلەر جايلى ماتەريال جاريالايدى. كەيىن رەسەي تارابى مەن سوعان سەنگەن ءبىرلى-جارىم قازاقتار الگى وتىرىكتى ءىلىپ الىپ، تاراتىپ كەتكەن.

استانا مەن ەرەۆاننىڭ اراسىنا وت سالۋ

انىعى بۇل جاي عانا جالعان اقپارات ەمەس. استانا مەن ەرەۆان اراسىنا قاساقانا وت سالۋ. كەرەك بولسا، مەملەكەت پەن مەملەكەت اراسىن الىستاتۋدى كوزدەيتىن ارانداتۋشىلىق. قازاقستان مەن ارمەنيا سوڭعى جىلدارى ەلارالىق بايلانىستاردى قايتا جانداندىرىپ، ستراتەگيالىق سەرىكتىستىكتى جولعا قويىپ كەلە جاتقانى جاسىرىن ەمەس.

Abai.kz