قىتاي جاستارى قايتادان ماو تسزەدۋن مۇراسىنا قىزىعۋشىلىق تانىتا باستادى...

قىتاي جاستارى ەلدەگى زاماناۋي تۇيتكىلدەردى شەشۋدە ماو تسزەدۋن يدەيالارىن باستى باعدار رەتىندە كورىپ، ونىڭ مۇراسىنا قايتادان ىقىلاس ءبىلدىرىپ جاتىر. بۇل تۋرالى South China Morning Post باسىلىمى جازدى.

جاس قىتايلىقتار ونىڭ ەڭبەكتەرىن زەرتتەيتىن كلۋبتار اشىپ، دايەكسوزدەرى مەن ۆيدەوروليكتەرىن جاساندى ينتەللەكت كومەگىمەن كەڭىنەن تاراتۋدا. سونداي-اق ماوعا ارنالعان مەموريالدارعا كەلۋشىلەر سانى دا ايتارلىقتاي وسكەن. ماونىڭ تۋعان جەرى — چانشاداعى مەموريالدىق كەشەنگە كەلۋشىلەر سانى سوڭعى ون جىلدا ءۇش ەسەدەن استام ارتىپ، 2025 جىلى 19 ميلليون ادامعا جەتتى.

ساراپشىلار بۇل ءۇردىستى ۇلتشىلدىقتىڭ وسۋىمەن بايلانىستىرادى، الايدا بەيجىڭنىڭ مۇنداي بەتبۇرىسقا كادىمگىدەي ساقتىقپەن قارايتىنىن اتاپ وتەدى. بيلىك ءماويزمنىڭ كەڭىنەن ناسيحاتتالۋى قىتاي حالىق رەسپۋبليكاسىنىڭ قازىرگى ەكونوميكالىق ساياساتىن سىناۋعا ۇلاسۋى مۇمكىن دەپ قاۋىپتەنەدى.

Abai.kz