2026 جىلعى 15 قىركۇيەكتە ساعات 14:00-دە الماتى قالاسىندا ەڭبەك كۇنى مەن الماتى قالاسىنىڭ كۇنىنە وراي جالپىقالالىق بوس جۇمىس ورىندارى جارمەڭكەسى وتەدى.

ءىس-شارا ارباتتا ، جىبەك جولى جانە پانفيلوۆ كوشەلەرىنىڭ قيىلىسىندا ۇيىمداستىرىلادى.

جارمەڭكەنى الماتى قالاسى اكىمدىگى مەن الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ قولداۋىمەن الماتى قالاسىنىڭ ەڭبەك موبيلدىلىگى ورتالىعى ۇيىمداستىرادى.

جارمەڭكەنىڭ نەگىزگى ماقساتى – جۇمىس ىزدەۋشىلەر مەن جۇمىس بەرۋشىلەر اراسىندا ءتيىمدى بايلانىس ورناتۋ، قالا تۇرعىندارىن جۇمىسپەن قامتۋعا جاردەمدەسۋ جانە ەڭبەك نارىعىنداعى وزەكتى بوس جۇمىس ورىندارى تۋرالى اقپارات بەرۋ.

سۋرەت: الماتى قالاسى اكىمدىگىنەن الىندى.

ءىس-شاراعا ەكونوميكانىڭ ءتۇرلى سالالارىنان 100 جۇمىس بەرۋشى قاتىسىپ، 400-دەن استام بوس جۇمىس ورنى بويىنشا 2 500-گە جۋىق جۇمىس ورنىن ۇسىنادى. قاتىسۋشىلار جۇمىس بەرۋشىلەرمەن تىكەلەي كەزدەسىپ، بوس جۇمىس ورىندارى تۋرالى اقپارات الىپ، ەڭبەك جاعدايلارى، ەڭبەكاقى دەڭگەيى، الەۋمەتتىك كەپىلدىكتەر جانە كاسىبي دامۋ مۇمكىندىكتەرى جونىندە تولىق مالىمەت الا الادى.

جارمەڭكە بارىسىندا كەلۋشىلەرگە جۇمىسپەن قامتۋ سالاسىنداعى مەملەكەتتىك قولداۋ شارالارى، جۇمىسقا ورنالاسۋ مۇمكىندىكتەرى، كاسىپتىك وقىتۋ باعدارلامالارى جانە ەڭبەك نارىعىندا سۇرانىسقا يە ماماندىقتار بويىنشا كەڭەستەر بەرىلەدى.

جالپىقالالىق بوس جۇمىس ورىندارى جارمەڭكەسى – بىرنەشە جۇمىس بەرۋشىمەن بىردەن سۇحباتتاسىپ، ءوز بىلىمىنە، تاجىريبەسىنە جانە كاسىبي قىزىعۋشىلىقتارىنا سايكەس كەلەتىن جۇمىس تابۋعا مۇمكىندىك بەرەتىن ءتيىمدى الاڭ.

قاتىسۋ تەگىن. جۇمىس بەرۋشىلەرمەن كەزدەسۋدى ءتيىمدى وتكىزۋ ءۇشىن قاتىسۋشىلارعا وزدەرىمەن بىرگە تۇيىندەمە الىپ كەلۋ ۇسىنىلادى.

وتەتىن كۇنى: 2026 جىلعى 15 قىركۇيەك

قاتىسۋشىلاردى تىركەۋ: 13:00

جارمەڭكەنىڭ باستالۋى: 14:00

وتەتىن ورنى: الماتى قالاسى، اربات، جىبەك جولى جانە پانفيلوۆ كوشەلەرىنىڭ قيىلىسى.

الماتى قالاسىنىڭ تۇرعىندارىن ەڭبەك كۇنى مەن الماتى قالاسىنىڭ كۇنىنە وراي وتەتىن جالپىقالالىق بوس جۇمىس ورىندارى جارمەڭكەسىنە قاتىسۋعا شاقىرامىز!

Abai.kz