2026 جىلعى 18 قىركۇيەكتە قاراعاندى قالاسىنداعى دوستىق ۇيىندە كوللەدج ستۋدەنتتەرىنىڭ قاتىسۋىمەن «بۇگىنگى قادامىڭ – ەرتەڭگى بولاشاعىڭ. ءومىردى تاڭدا، زامانمەن بىرگە ەسىرتكىسىز قادام باس!» تاقىرىبىندا پروفيلاكتيكالىق كەزدەسۋ وتەدى.

ءىس-شاراعا قاراعاندى قالاسى پوليتسيا باسقارماسىنىڭ وكىلدەرى، سونداي-اق قاراعاندى وبلىسىنىڭ ىشكى ساياسات باسقارماسىنىڭ «قوعامدىق كەلىسىم» كمم ەتنوسارالىق قاتىناستار جانە مەدياتسيا سالاسىن تالداۋ جانە مونيتورينگتەۋ ءبولىمىنىڭ باسشىسى - ديۋسەكەەۆا ايجان اۋتاەۆنا جانە الەۋمەتتانۋ عىلىمدارىنىڭ كانديداتى، اكادەميك ە.ا. بوكەتوۆ اتىنداعى قاراعاندى ۇلتتىق زەرتتەۋ ۋنيۆەرسيتەتىنىڭ ساياساتتانۋ جانە الەۋمەتتانۋ كافەدراسىنىڭ قاۋىمداستىرىلعان پروفەسسورى - ينجيگوليان انجەلا الۆانوۆنا قاتىسادى.

كەزدەسۋ بارىسىندا جاستارعا ەسىرتكىنىڭ زاڭسىز اينالىمىنا تارتىلۋ قاۋپى، الەۋمەتتىك جەلىلەر مەن مەسسەندجەرلەر ارقىلى جۇزەگە اسىرىلاتىن ارباۋ تاسىلدەرى، قىلمىستىق جاۋاپكەرشىلىك، سونداي-اق پسيحولوگيالىق ىقپال مەن زاڭعا قايشى كونتەنتتەن قورعانۋ جولدارى تۇسىندىرىلەدى.

سونىمەن قاتار، ەتنوسارالىق قاتىناستار سالاسىنداعى قۇقىق بۇزۋشىلىقتاردىڭ الدىن الۋعا، جانجالدى جاعدايلاردى بولدىرماۋعا جانە قازاقستان رەسپۋبليكاسى قىلمىستىق كودەكسىنىڭ 174-بابىندا كوزدەلگەن الەۋمەتتىك، ۇلتتىق، رۋلىق، ناسىلدىك، تەكتىك-توپتىق نەمەسە ءدىني الاۋىزدىقتى قوزدىرۋعا جول بەرمەۋ ماسەلەلەرىنە ەرەكشە نازار اۋدارىلادى.

Abai.kz