قازاقستان مەن اقش اراسىندا تىكەلەي اۋە قاتىناسىن اشۋدىڭ قاۋىپسىزدىگى باعالانباق.

اقش-تىڭ فەدەرالدى اۆياتسيا اكىمشىلىگىنىڭ (FAA) ساراپشىلارى 21–25 قىركۇيەك ارالىعىندا قازاقستاندا ۇشۋ قاۋىپسىزدىگىنە بايلانىستى حالىقارالىق باعالاۋ (IASA) ءاۋديتىن جۇرگىزەدى.

بۇل ءىس-شارا قازاقستان مەن اقش اراسىندا تىكەلەي اۋە قاتىناسىن اشۋ جۇمىستارى اياسىندا ۇيىمداستىرىلىپ وتىر. بۇل تۋرالى قازاقستان رەسپۋبليكاسى كولىك مينيسترلىگىنىڭ ازاماتتىق اۆياتسيا كوميتەتى حابارلادى.

IASA ءاۋديتى بارىسىندا FAA ساراپشىلارى تومەندەگى باعىتتاردى باعالايدى:

• قازاقستاننىڭ اۆياتسيا سالاسىنداعى زاڭناماسى مەن نورماتيۆتىك-قۇقىقتىق اكتىلەرى;

• ۇشۋ قاۋىپسىزدىگىن باقىلايتىن مەملەكەتتىك جۇيەنىڭ مۇمكىندىكتەرى مەن تيىمدىلىگى.

ازاماتتىق اۆياتسيا كوميتەتىنىڭ حابارلاماسىنان:

«باعالاۋ ۇشۋ قاۋىپسىزدىگىن مەملەكەتتىك قاداعالاۋ جۇيەسىنە جۇرگىزىلەدى. بۇل اۆياتسيا بيلىگىنىڭ يكاو-نىڭ (ICAO) قولدانىستاعى ستاندارتتارى مەن ۇسىنىلعان پراكتيكالارىنا سايكەستىگىن انىقتاۋعا باعىتتالعان».

IASA باعالاۋى اياقتالعاننان كەيىن FAA وكىلدەرى قورىتىندى بريفينگ وتكىزەدى، كەيىن رەسمي جازباشا ەسەپ ۇسىنادى.

Abai.kz