قازاقستاندىق اكادەميكالىق ەسۋ شەبەرلەرى ۆلاديسلاۆ ياكوۆلەۆ پەن يۆان چەرنۋحين جاپونيادا ءوتىپ جاتقان ازيادا-2026 ويىندارىندا التىن مەدال جەڭىپ الدى، دەپ حابارلايدى Sports.kz.

ەرلەر اراسىنداعى ءرۋلسىز ەكىلىك ەسۋ (M2-) سايىسىنىڭ ا فينالىندا ياكوۆلەۆ پەن چەرنۋحين 6:25.13 ۋاقىت كورسەتكىشىن تىركەپ، مارەگە ءبىرىنشى بولىپ كەلدى. كۇمىس جۇلدە قىتايلىق تساو چۋان مەن يان مەنشۋايعا بۇيىرسا (+2.09), قولا مەدالدى وزبەكستان سپورتشىلارى ماكسيم گولۋبەۆ پەن اليشەر تۋرديەۆ يەلەندى (+7.21).

بۇل التىن مەدال قازاقستان قۇراماسى ءۇشىن اعىمداعى ازيا ويىندارىنداعى سەگىزىنشى جۇلدە بولدى. جالپى ەل قورجىنىندا 22 مەدال بار (سەگىز التىن، التى كۇمىس جانە سەگىز قولا). ايچي مەن ناگويادا ءوتىپ جاتقان ازيادا-2026 جارىسى 4 قازاندا مارەسىنە جەتەدى.

Abai.kz