شىمكەنت قالاسىنداعى قوناق ءۇي كەشەندەرىنىڭ بىرىندە پوليتسيا قىزمەتكەرلەرى ەسىرتكى قۇرالدارىنىڭ زاڭسىز اينالىمىنا قاتىسى بار دەگەن كۇدىكپەن بەلگىلى اسابانى ۇستادى. ول استانا قالاسىنىڭ 36 جاستاعى تۇرعىنى س. ەسىمدى ازامات بولىپ شىقتى.

ءتىنتۋ بارىسىندا قوناق ءۇي بولمەسىنەن اق ءتۇستى ۇنتاق ءتارىزدى زات سالىنعان پوليمەرلى پاكەت جانە وسىمدىك تەكتەس زات تابىلىپ، تاركىلەندى.

ەر اداممەن بىرگە، الدىن الا مالىمەت بويىنشا ينتيمدىك قىزمەت كورسەتەتىن ايەل بولعان.

ۇستالعان ازامات تاركىلەنگەن زاتتاردىڭ مەفەدرون جانە “ماك” ەكەنىن، ولاردى جەكە قولدانۋ ءۇشىن ساتىپ العانىن كورسەتتى.

تاركىلەنگەن زاتتاردىڭ ناقتى قۇرامى مەن مولشەرى انىقتالۋدا.

اتالعان جايت بويىنشا سوتقا دەيىنگى تەرگەۋ جۇرگىزىلىپ جاتىر. وزگە اقپارات قر قپك-ءنىڭ 201-بابىنا سايكەس تەرگەۋ مۇددەسىندە جاريا ەتۋگە جاتپايدى.

Abai.kz