دۋباي–تەل-اۆيۆ باعىتىنداعى ۇشاقتا توتەنشە جاعداي تىركەلدى: ۇشاق ساۋد ارابياسىنا شۇعىل قوندى...

دۋبايدان تەل-اۆيۆكە باعىت العان جولاۋشىلار ۇشاعى اۋەدە توتەنشە اپات سيگنالىن بەرىپ، باعىتىن شۇعىل وزگەرتتى. ساۋد ارابياسىنىڭ اۋە كەڭىستىگىندە بۇرىلعان اۋە كەمەسى كەيىن مونيتورينگتىك سەرۆيستەردىڭ رادارلارىنان كورىنبەي قالعان.

ءيزرايلدىڭ «12-ارناسىنىڭ» حابارلاۋىنشا، ۇشقىشتار راتسيا ارقىلى «سىرتقى ينتەرۆەنتسيا» (بورگقا زاڭسىز باسىپ كىرۋ نەمەسە باسىپ الۋ قاۋپى) تۋرالى سيگنال جىبەرگەن. بۇل اقپاراتتان كەيىن يزرايل اسكەري-اۋە كۇشتەرىنىڭ جويعىش ۇشاقتارى دەرەۋ اۋەگە كوتەرىلىپ، پرەمەر-مينيستر بينيامين نەتانياحۋ شۇعىل كەڭەس شاقىردى.

كەيىننەن يزرايل بۇقارالىق اقپارات قۇرالدارى بورتىندا 174 جولاۋشىسى بار ۇشاقتىڭ ساۋد ارابياسىنىڭ اۋەجايلارىنىڭ بىرىنە امان-ەسەن قونعانىن حابارلادى.

الدىن الا تاراعان مالىمەتتەرگە سايكەس، اۋەدەگى شتاتتان تىس جاعدايعا ۇشاقتى باسىپ الۋ ەمەس، ەكيپاج مۇشەلەرى اراسىنداعى قاقتىعىس سەبەپ بولۋى مۇمكىن. اتاپ ايتقاندا، ۇشقىشتاردىڭ ءوزارا توبەلەسىپ قالعانى تۋرالى بولجام ايتىلۋدا. CNN تەلەارناسى دا ءوز دەرەككوزدەرىنە سىلتەمە جاساي وتىرىپ، پيلوتتار كابينەسىندە كۇش قولدانۋ وقيعاسى ورىن العانىن راستادى.

قازىرگى ۋاقىتتا بۇل اقپارات بويىنشا رەسمي ورگاندار تاراپىنان تۇپكىلىكتى مالىمدەمە جاسالعان جوق. وقيعانىڭ تولىق ءمان-جايى تەكسەرىلىپ جاتىر.

Abai.kz