سامارقاند، 2026 جىلعى 19 قازان – قازاقستان رەسپۋبليكاسىنىڭ سىرتقى ىستەر ءمينيسترى مۇحتار تىلەۋبەردى اقش مەملەكەتتىك حاتشىسى ماركو رۋبيومەن كەزدەستى.

ەكى ەلدىڭ سىرتقى ساياسات مەكەمەلەرىنىڭ باسشىلارى ساۋدا-ەكونوميكالىق جانە ينۆەستيتسيالىق ىنتىماقتاستىقتى نىعايتۋعا باسىمدىق بەرە وتىرىپ، كەڭەيتىلگەن ستراتەگيلىق ارىپتەستىكتى ءارى قاراي دامىتۋ كەلەشەگىن تالقىلادى.

تاراپتار ەكىجاقتى قارىم-قاتىناستىڭ وڭ سەرپىنىن اتاپ ءوتىپ، ءوزارا پراكتيكالىق ءىس-قيمىلدى كەڭەيتۋگە، تاۋار اينالىمىن ارتتىرۋعا جانە بىرلەسكەن ينۆەستيتسيالىق جوبالاردى جۇزەگە اسىرۋعا مۇددەلى ەكەندىكتەرىن راستادى.

جوعارى دەڭگەيدە قول جەتكىزىلگەن ۋاعدالاستىقتاردى، سونىڭ ىشىندە قازاقستان پرەزيدەنتى قاسىم-جومارت توقاەۆتىڭ 2025 جىلعى قاراشادا اقش پرەزيدەنتى دونالد ترامپپەن كەزدەسۋىنىڭ قورىتىندىلارى بويىنشا ۋاعدالاستىقتاردى ىسكە اسىرۋعا ەرەكشە نازار اۋدارىلدى.

م.تىلەۋبەردى ىسكەرلىك بايلانىستاردى نىعايتۋدىڭ، امەريكالىق ينۆەستيتسيالار مەن وزىق تەحنولوگيالاردى تارتۋدىڭ، سونداي-اق ەنەرگەتيكا، اسا ماڭىزدى مينەرالدار، تسيفرلاندىرۋ، كولىك جانە لوگيستيكا سالالارىنداعى ىنتىماقتاستىقتى دامىتۋدىڭ ماڭىزدىلىعىن اتاپ ءوتتى.

سونداي-اق تاراپتار ماياميدە وتەتىن G20 سامميتىنە دايىندىق ماسەلەلەرى بويىنشا پىكىر الماستى. بۇعان قوسا، م.رۋبيو G20 سامميتىنەن كەيىن تاياۋ ارادا قازاقستان رەسپۋبليكاسىنا تولىق فورماتتى ساپارمەن كەلۋگە مۇددەلى ەكەنىن راستادى.

كەزدەسۋ قورىتىندىسى بويىنشا قازاقستان مەن اقش اراسىنداعى كەڭەيتىلگەن ستراتەگيالىق ارىپتەستىكتى ودان ءارى نىعايتۋعا جانە ناقتى پراكتيكالىق ناتيجەلەرگە قول جەتكىزۋگە ءوزارا مۇددەلىلىك راستالدى.

Abai.kz