كەشە اقش-تىڭ اراعايىندىق جاساۋىمەن، ابۋ-دابيدە ۋكراينا-رەسەي-اقش اراسىندا ۇشجاقتى كەلىسسوزدەردىڭ العاشقى راۋندى ءوتتى.

كەلىسسوزدەردىڭ اۋانى بىلاي بولدى:

The Economist باسىلىمىنىڭ مالىمەتىنشە، اقش-تىڭ ۇسىنىسى:

▪رەسەي دونەتسك جانە لۋگانسك وبلىستارىن تولىق باقىلاۋعا الادى. ول ءۇشىن ۋكراينا وسى ايماقتاردىڭ اكىمشىلىك شەكارالارىن وزگەرتۋى كەرەك.
▪ال قازىرگى ۋاقىتتا ۋكراينانىڭ باقىلاۋىندا تۇرعان سلاۆيانسك، كراماتورسك جانە باسقا دا قالالار كيەۆتىڭ قاراماعىندا قالادى.
▪بۇدان باسقا اقش - رەسەيدى ەۋروپانىڭ ەنەرگەتيكالىق نارىعىنا قايتارۋ ماسەلەسىن كوتەرگەن.
▪ال ۋكراينا مەن ەۋروپا بۇعان قارسى شىعىپ وتىر.

قاۋىپسىزدىك كەپىلدىكتەرى بويىنشا دا كەلىسپەۋشىلىكتەر بار:

▪كيەۆ كەم دەگەندە 10 جىل بويى قارجىلاي جانە اسكەري قولداۋ كورسەتىلۋىن، جانە اسكەر سانى 800 مىڭ ادامنان كەم بولماۋىن تالاپ ەتۋدە.
▪ۆاشينگتون مۇنداي شىعىنداردى تىم ارتىق دەپ سانايدى جانە اقش-تىڭ قاۋىپسىزدىك كەپىلدىكتەرى جەتكىلىكتى بولادى دەگەن پىكىردە.
▪ءوز كەزەگىندە رەسەي - ۋكراينانىڭ بەيتاراپ مارتەبەسىن جانە ۋكراينا اسكەرىن قىسقارتۋدى تالاپ ەتۋدە.
▪سونداي-اق كوپۇلتتى بىتىمگەرلىك كۇشتەردى ۋكراينا اۋماعىنا ورنالاستىرۋعا قارسى بولىپ وتىر.

بۇگىن تاراپتار تاپجىلماي وتىرىپ 5,5 ساعات كەلىسسوز جۇرگىزدى. كەلىسسوزدەردىڭ العاشقى كۇنى ايتارلىقتاي ناتيجەلى بول قويعان جوق. ۋكراينا مەن رەسەي جاقىن ارادا اۋقىمدى تۇتقىن الماسۋ جاساساتىن بولىپ كەلىسىپ، اياقتالدى...

كەزدەسۋلەردىڭ كەلەسى راۋندى بۇگىن جالعاسۋدا.

ال پرەزيدەنت زەلەنسكي بۇگىن: «ەگەر دونباستى قالدىرساق، پۋتين توقتايدى دەگەنگە ەشكىم سەنبەيدى. ول ءسال ۇزىلىستەن سوڭ قايتا شابۋىلدايدى»، - دەدى.

مىسالى، سوعىس باستار الدىندا پۋتين دونباسس تۋرالى ايتقانىمەن، كەيىن كيەۆتى وككۋپاتسيالاۋدى ۇيعاردى. ول ءورىستىلدى حالىقتى قورعاپ جاتقانىن ۇنەمى قايتالاپ كەلدى، الايدا رەسەيلىكتەر بۋچادا جانە باسقا دا ەلدى مەكەندەردە جۇزدەگەن، مىڭداعان ادامدى اياۋسىز قىردى.

«بىزدەن يادرولىق قارۋدى تارتىپ الدى. مەن يادرولىق قارۋدى قولدامايمىن. الەم ونسىز دا جاقسىراق بولار ەدى دەپ ويلايمىن. بۇعان قاراماستان، رەسەيلىكتەر ءبىزدىڭ يادرولىق قارۋىمىزدى تارتىپ الدى، سولاي ەمەس پە؟ تارتىپ الدى. ودان كەيىن ولار ءبىزدىڭ ەۋروپامەن ينتەگراتسيامىزدى توقتاتتى، سوسىن ناتو-عا وتۋىمىزگە مۇمكىندىك بەرمەدى. ال سوڭىندا جەرىمىزدى باسىپ الدى. مىنە، سوندىقتان بۇل — ابستراكتىلى ماسەلە. ەگەر ءبىز دونباسستى قالدىرساق، پۋتين توقتايدى دەگەنگە ەشكىم سەنبەيدى. كەيىن ءبىر، ەكى نەمەسە بەس جىلدان سوڭ قايتا سوعىس باستايدى. سوندا بۇعان كىم كىنالى بولادى؟» - دەدى زەلەنسكي.

Abai.kz