«حالىقتىڭ ساياسي مادەنيەتىن ارتتىرۋعا باعىتتالعان تاقىرىپتىق ءىس-شارالار وتكىزۋ» جوباسى شەڭبەرىندە الماتى قالاسىنىڭ سەگىز اۋدانىندا وقىتۋ سەمينارلارى ۇيىمداستىرىلدى. شاراعا جەرگىلىكتى اتقارۋشى ورگانداردىڭ، قۇقىق قورعاۋ قۇرىلىمدارىنىڭ وكىلدەرى، پاك/مۇب توراعالارى جانە بەلسەندى تۇرعىندار قاتىستى. جالپى جيىنمەن 240-تان استام ازامات قامتىلىپ، ءار اۋداندا كەم دەگەندە 30 ادامنان وقىتۋدان ءوتتى.

سەمينارلار بارىسىندا قالا دامۋىنىڭ وزەكتى ماسەلەلەرى، جەرگىلىكتى ءوزىن-ءوزى باسقارۋ مەحانيزمدەرى جانە قۇقىقتىق ساۋاتتىلىق تاقىرىپتارى كەڭىنەن تالقىلاندى. قاتىسۋشىلار ءۇشىن ارنايى كوفە-برەيكتەر ۇيىمداستىرىلىپ، ەركىن فورماتتا پىكىر الماسۋعا مۇمكىندىك جاسالدى. «جاستار ءۇنى» رقب وتكىزگەن بۇل كەزدەسۋلەر تۇرعىنداردىڭ ازاماتتىق جاۋاپكەرشىلىگىن ارتتىرۋعا سەپتىگىن تيگىزدى.

Abai.kz