الماتى قالاسىنىڭ بوستاندىق اۋداندىق سوتى «ت» جشس-ءنىڭ ب.-عا قاتىستى ىسكەرلىك بەدەلىن قورعاۋ جانە شىندىققا سايكەس كەلمەيتىن اقپاراتتى تاراتۋ سالدارىنان كەلتىرىلگەن زالالدى ءوندىرۋ تۋرالى تالاپ قويۋى بويىنشا ازاماتتىق ءىستى قارادى.

سوتقا جۇگىنۋگە ب.-نىڭ YouTube جەلىسىندەگى «گ» ارناسىندا جانە Instagram الەۋمەتتىك جەلىسىندەگى «V» پاراقشاسىندا جاريالاعان جازبالارى مەن بەينەماتەريالدارى نەگىز بولعان. اتالعان ماتەريالداردا جاۋاپكەر بەلگىسىز تۇلعالاردىڭ كەڭ اۋقىمىنا تۇرعىن ءۇي كەشەنىنىڭ قۇرىلىسى زاڭسىز جۇرگىزىلىپ جاتقانى جانە قۇرىلىس سالۋشىدا قاجەتتى رۇقسات قۇجاتتارىنىڭ جوقتىعى تۋرالى مالىمەتتەر تاراتقان.

سوت تاراپتار ۇسىنعان دالەلدەمەلەر مەن سوت ساراپتامالارىنىڭ قورىتىندىلارىن زەرتتەي كەلە، ب. تاراتقان مالىمەتتەردىڭ شىندىققا سايكەس كەلمەيتىنى انىقتالدى.

سوت-ەكونوميكالىق ساراپتامانىڭ قورىتىندىسىنا سايكەس، شىندىققا سايكەس كەلمەيتىن مالىمەتتەردى تاراتۋ ناتيجەسىندە «ت» جشس-نە كەلتىرىلگەن زالالدىڭ مولشەرى 43 ملن تەڭگەدەن استام سومانى قۇرادى.

سوت تالاپ قويۋدى ءىشىنارا قاناعاتتاندىردى:

ب.-نىڭ YouTube جەلىسىندەگى «گ» ارناسىندا جانە Instagram الەۋمەتتىك جەلىسىندەگى «V» پاراقشاسىندا تاراتقان مالىمەتتەرى شىندىققا سايكەس كەلمەيدى جانە «ت» جشس-ءنىڭ ىسكەرلىك بەدەلىنە نۇقسان كەلتىرەدى دەپ تانىلدى;
ب.-عا سوت شەشىمى زاڭدى كۇشىنە ەنگەن كۇننەن باستاپ كۇنتىزبەلىك ون كۇن ىشىندە ءوز ەسەبىنەن اتالعان ينتەرنەت-رەسۋرستاردا تەرىسكە شىعارۋ جاريالاۋ، سونداي-اق داۋلى جاريالانىمدار مەن بەينەماتەريالداردىڭ ۇزىندىلەرىن جويۋ مىندەتى جۇكتەلدى;
«ت» جشس-ءنىڭ پايداسىنا ب.-دان 43 ملن تەڭگەدەن استام زالال، سونداي-اق سوت شىعىندارى ءوندىرىلدى.

سوت شەشىمى زاڭدى كۇشىنە ەنگەن جوق.

Abai.kz