سەيسەنبى, 17 قاراشا 2026
الاساپىران 195 0 پىكىر 17 قاراشا, 2026 ساعات 13:02

ءپۋتيننىڭ ميللياردتارى جەلگە ۇشتى: قىرىم كوپىرى قيرادى...

سۋرەت: bbc.com سايتىنىڭ تەلەگرام ارناسىنان الىندى.

ۋكراينا قارۋلى كۇشتەرى كەشەلى-بۇگىن قىرىم كوپىرىن سوققىلادى. كوز كۋاگەرلەردىڭ ايتۋىنشا، قىرىمدا جارىلىس داۋسى دۇركىن-دۇركىن ەستىلىپ جاتتى.

ەكى كۇن قاتارىنان جاسالعان سوققىلاردان رەسەي ميللياردتاعان قارجى جۇمساپ سالعان كوپىر وپىرىلىپ ءتۇستى. كوپىردىڭ ءبىر اركاسى اربيىپ، قيسايىپ قالعان (تەمىرجول وتەتىن بولىگى). ال جەڭىل كولىك وتەتىن جولى وپىرىلىپ تۇسكەن. كەرچ بۇعازىندا كەمە قاتىناسى دا تولىق توقتاتىلدى…

رەسەيدىڭ كولىك مينيسترلىگى بۇگىن: «ۇشقىشسىز ۇشۋ اپپاراتتارىنىڭ شابۋىلىنان كەيىن قىرىم كوپىرى ارقىلى پويىزدار مەن جەڭىل جانە جۇك كولىكتەرىنىڭ قوزعالىسى ۋاقىتشا توقتاتىلدى»، - دەپ مالىمدەدى.

ۆەدومستۆو مالىمەتىنشە، قازىر ماماندار كەلتىرىلگەن شىعىن كولەمىن ەسەپتەپ جاتىر. ءوز كەزەگىندە، اننەكسيالانعان قىرىمنىڭ ماسكەۋ تاعايىنداعان باسشىسى سەرگەي اكسەنوۆتىڭ كەڭسەسى تۇبەك تۇرعىندارىن كراسنودار ولكەسىنە بارۋدان ۋاقىتشا باس تارتا تۇرۋعا شاقىردى.

كەرچ بۇعازى ارقىلى وتەتىن كوپىردىڭ ۇزىندىعى 19 شاقىرىم. قۇرىلىسى 2016 جىلى باستالىپ، اۆتوموبيل قوزعالىسى 2018 جىلى، ال تەمىرجول قاتىناسى 2019 جىلى اشىلدى. كوپىر رەسەي مەن قىرىم اراسىنداعى تىكەلەي قۇرلىق قاتىناسىن قامتاماسىز ەتۋدە.

ۋكراينا سوعىس باستالعالى بۇل كوپىردى بىرنەشە مارتە سوققىلاعان. اۋەلى 2022 جىلدىڭ قازانىندا سوقتى. جۇك كولىگىن جارىپ، جانىندا ءوتىپ بارا جاتقان جانارماي تاسىعىش پويىز جارىلىپ، ازان-قازان بولعان. ونان سوڭ 2023 جىلدىڭ جازىندا ۋكراينا «Sea Baby» دەيتىن تەڭىز درونى ارقىلى كوپىردىڭ ءوزىن سوقتى. ال 2025 جىلدىڭ جازىندا كوپىردىڭ باعاناسىن جارىپ جىبەرمەك بولىپ، وپەراتسيا ۇيىمداستىردى. كەشە، 16-قاراشادا قىرىم كوپىرىنە تاعى سوققى جاسالدى. بۇگىنگىسى ءتىپتى جويقىن بولدى.

رەسەي قىرىم كوپىرىنىڭ قۇرىلىسىنا 227 ملرد رۋبل، دوللارعا ساپ ايتساق - 3,6 ملرد دوللار، تەڭگەلەي ايتساق 1,6 ترلن تەڭگە جۇمساعان…

Abai.kz

0 پىكىر