سەيسەنبى, 17 قاراشا 2026
جاڭالىقتار 94 0 پىكىر 17 قاراشا, 2026 ساعات 16:13

ۋكراينا: قازاقستاننىڭ قولداۋىن باعالايمىز...

سۋرەت: qaz.ulysmedia.kz سايتىنان الىندى.

قر ءسىم باستىعى مۇحتار تىلەۋبەردى بريۋسسەلدە ۋكراينا ءسىم باستىعى اندرەي سيبيگامەن كەزدەستى...

قازاقستاننىڭ سىرتقى ىستەر ءمينيسترى مۇحتار تىلەۋبەردى بريۋسسەلدە ۋكراينالىق ارىپتەسى اندرەي سيبيگامەن كەزدەستى. كەلىسسوزدەن كەيىن ۋكراينا ءسىم باسشىسى قازاقستانعا ەلىنىڭ ەگەمەندىگى مەن اۋماقتىق تۇتاستىعىن قولداعانى ءۇشىن العىس ءبىلدىردى.

كەزدەسۋ تۋرالى ۋكراينا سىرتقى ىستەر ءمينيسترى اندرەي سيبيگا مالىمدەدى. مينيسترلەر ەكى ەل اراسىنداعى ىنتىماقتاستىقتى ودان ءارى دامىتۋ جانە قازاقستان مەن ۋكراينا قارىم-قاتىناسىنا قاتىستى ماسەلەلەرمەن اينالىساتىن مەملەكەتارالىق كوميسسيانىڭ جۇمىسىن جالعاستىرۋ جايىن تالقىلادى.

سيبيگا تاراپتاردىڭ ساۋدا بايلانىستارىن نىعايتۋعا مۇددەلى ەكەنىن دە اتاپ ءوتتى. سونىمەن قاتار ورتالىق ازيا مەن وڭتۇستىك كاۆكاز ارقىلى ەۋروپاعا شىعاتىن كولىك باعىتتارى ءسوز بولدى.

«ۋكراينا قازاقستانمەن بۇرىننان قالىپتاسقان بايلانىستاردى جانە ەلىمىزدىڭ ەگەمەندىگى مەن اۋماقتىق تۇتاستىعىن تۇراقتى قولداپ كەلە جاتقانىن جوعارى باعالايدى»، – دەدى ۋكراينا سىرتقى ىستەر ءمينيسترى.

ەسكە سالساق، 16 قاراشادا مۇحتار تىلەۋبەردى ەۋروپالىق وداق، قارا تەڭىز ءوڭىرى، وڭتۇستىك كاۆكاز جانە ورتالىق ازيا اراسىنداعى كولىك قاتىناسىن دامىتۋعا ارنالعان حالىقارالىق كەزدەسۋگە قاتىستى.

جيىنعا اتالعان وڭىرلەردىڭ سىرتقى ىستەر مينيسترلەرى مەن ەۋروپالىق كوميسسيا وكىلدەرى قاتىسىپ، كولىك ينفراقۇرىلىمىن دامىتۋ ماسەلەلەرىن تالقىلادى.

Abai.kz

0 پىكىر