جۇما, 29 ناۋرىز 2024
جاڭالىقتار 3429 0 پىكىر 26 قاراشا, 2009 ساعات 07:05

بايجان دۋباي. قىتاي قازاقتىڭ نامىسىن جىرتا ما، الدە ىشتەن قۇرتا ما؟

وڭتۇستىك كورەيانىڭ گويانگ-سيتي قالاسىندا اۋىر اتلەتيكادان الەم چەمپيوناتى ءوتىپ جاتىر. جانكۇيەر قاۋىم وسى دودادا قازاقستاننىڭ نامىسىن جىرتىپ، جۇزدەن جۇيرىك شىققان ءزۇلفيا چينشانلونىڭ التىن مەدال جەڭىپ العانىنان حاباردار بولار. كەشە پرەزيدەنت نۇرسۇلتان نازارباەۆ جەدەلحات ارقىلى ونى جەڭىسىمەن قۇتتىقتاپ، التىن مەدالىن تاۋەلسىزدىك مەرەكەسىنە تارتۋ دەپ قابىلدايتىنىن ءبىلدىرىپتى. ءجون-اق.

بۇل ءدۇبىرلى دوداعا بارلىق مەملەكەتتەر ۇلكەن دايىندىقپەن كەلگەن. قازاقستان اۋىر اتلەتتەرىنىڭ باس باپكەرى الەكسەي ني جارىستان ەكى التىنمەن ورالامىز دەگەن بولاتىن. سەنىم ارتقان سپورتشىنىڭ ءبىرى چينشانلو ەدى. ول ءۇمىتتى اقتادى. ونىڭ ۇستىنە ءزۇلفيا چينشانلونىڭ ەسىمى گيننەستىڭ رەكوردتار كىتابىنا جازىلاتىن بولدى. ويتكەنى ول بار بولعانى 16 جاسىندا الەم چەمپيونى اتانىپ، بۇعان دەيىنگى رەكوردسمەن، «ەركە بالا» اتانىپ ەلگە سۇيكىمى كەتىڭكىرەپ جۇرگەن يليا ءيليننىڭ جەتىستىگىن باسىپ وزدى. 53 كەلىگە دەيىنگى سالماق دارەجەسىندە ءزۇلفيا چينشانلو قىتاي قىزى چەن ءسياوتيندى ۇتىپ جەڭىس تۇعىرىنا كوتەرىلدى. جۇلقا كوتەرۋدە 5 كەلى ۇتىلىپ تۇرعانىمەن سەرپە كوتەرۋدە قىتاي سپورتشىسىن ءبىر كەلىگە باسىپ وزدى. جالپى ەسەپ 219 كەلى.

وڭتۇستىك كورەيانىڭ گويانگ-سيتي قالاسىندا اۋىر اتلەتيكادان الەم چەمپيوناتى ءوتىپ جاتىر. جانكۇيەر قاۋىم وسى دودادا قازاقستاننىڭ نامىسىن جىرتىپ، جۇزدەن جۇيرىك شىققان ءزۇلفيا چينشانلونىڭ التىن مەدال جەڭىپ العانىنان حاباردار بولار. كەشە پرەزيدەنت نۇرسۇلتان نازارباەۆ جەدەلحات ارقىلى ونى جەڭىسىمەن قۇتتىقتاپ، التىن مەدالىن تاۋەلسىزدىك مەرەكەسىنە تارتۋ دەپ قابىلدايتىنىن ءبىلدىرىپتى. ءجون-اق.

بۇل ءدۇبىرلى دوداعا بارلىق مەملەكەتتەر ۇلكەن دايىندىقپەن كەلگەن. قازاقستان اۋىر اتلەتتەرىنىڭ باس باپكەرى الەكسەي ني جارىستان ەكى التىنمەن ورالامىز دەگەن بولاتىن. سەنىم ارتقان سپورتشىنىڭ ءبىرى چينشانلو ەدى. ول ءۇمىتتى اقتادى. ونىڭ ۇستىنە ءزۇلفيا چينشانلونىڭ ەسىمى گيننەستىڭ رەكوردتار كىتابىنا جازىلاتىن بولدى. ويتكەنى ول بار بولعانى 16 جاسىندا الەم چەمپيونى اتانىپ، بۇعان دەيىنگى رەكوردسمەن، «ەركە بالا» اتانىپ ەلگە سۇيكىمى كەتىڭكىرەپ جۇرگەن يليا ءيليننىڭ جەتىستىگىن باسىپ وزدى. 53 كەلىگە دەيىنگى سالماق دارەجەسىندە ءزۇلفيا چينشانلو قىتاي قىزى چەن ءسياوتيندى ۇتىپ جەڭىس تۇعىرىنا كوتەرىلدى. جۇلقا كوتەرۋدە 5 كەلى ۇتىلىپ تۇرعانىمەن سەرپە كوتەرۋدە قىتاي سپورتشىسىن ءبىر كەلىگە باسىپ وزدى. جالپى ەسەپ 219 كەلى.

جارايسىڭ، ءزۇلفيا، جارايسىڭ! قۇتتى بولسىن! بايگەنىڭ ءباسىنىڭ ەمەس، داڭقىنىڭ دابىرى ۇلكەن. بىزگە التىن كەرەك، اتاق كەرەك. كەرەگىمىزدى بەردىڭ، كەلەشەگىڭ كەمەل بولسىن! بىزگە قاجەتتى جەڭىستى كىم سىيلاسا دا ءبارىبىر. ول يليا ما، ءزۇلفيا ما ماڭىزدى ەمەس. ماڭىزدىسى جەڭىس. بىراق، جەڭىستەن دا ماڭىزدى ءبىر ماسەلە بار. ول ۇلتتىق قاۋىپسىزدىك. بۇل تۋرالى ايتپاي كەتۋ اۋىر كۇنا سەكىلدى. سپورتقا ۇلتتىق قاۋىپسىزدىكتىڭ قاتىسى قانشا دەرسىز، تىڭداڭىز، ەندەشە.

ءزۇلفيا چينشانلو دەگەن قاي ۇلتتىڭ وكىلى دەپ ويلايسىز؟ 2005 جىلى ەلىمىزدىڭ اۋىر اتلەتيكا فەدەراتسياسىنان ءبىر توپ مامان قىتايدىڭ اۋىر اتلەتيكادان ءوتىپ جاتقان ۇلتتىق وليمپيادا ويىندارىن تاماشالاي بارىپ لەگيونەرلەرگە كوز سالىپ قايتقان ەدى. قىتاي سپورتشىلارىنىڭ قارىمى قايران قالدىردى. بۇكىل ەل بويىنشا 500 مىڭنان استام اتلەت بار ەكەن. سونىڭ ءبارى بولماسا دا ءبىرازى وليمپياداعا قاتىسقان. ءبىرىنىڭ كورسەتكىشىن ءبىرى باسىپ وزىپ، الەمدىك رەكوردتىڭ تالايى جاڭالاندى. قىتايدا شتانگا كوتەرۋ كەرەمەت دامىعان بولىپ شىقتى. بىراق قازاق باپكەرلەرى كەز كەلگەن سالماق دارەجەسىندەگى الدىڭعى وندىققا كىرەتىن سپورتشىعا «قۇدا تۇسە» المادى. ءبىر جىلدان كەيىن ورتاڭقول ەكى سپورتشىسىن لەگيونەر رەتىندە بەرە الاتىندارىن مالىمدەدى. ءسويتىپ قىتايدىڭ ەكى قىزى ارقايسىسىنا 60 مىڭ دوللار تولەنگەن سوڭ قازاقستانعا بەت الدى. الايدا، ءبىزدىڭ ەلىمىزدىڭ زاڭنامالارىنا ساي قىتايدان كەلگەندەردىڭ ازاماتتىق الۋى وتە كۇردەلى. سپورتشىلاردىڭ تەزىرەك ازاماتتىق ماسەلەسىن شەشۋ كەرەك. باپكەرلەر ماسەلەگە كوپ باس اۋىرتىپ جاتپادى. سپورتشى قىزدار قىرعىزستاننان بىراق شىقتى. الدەبىر شەنەنۋنىكتىڭ كەڭىردەگىنەن ءۇش مىڭ دوللار وتكەن سوڭ ەكەۋى دە ءاپ-ساتتە قىرعىزستان ازاماتتىعىن الادى. ال قىرعىزداردىڭ قازاقستان ازاماتتىعىن الۋى وتە جەڭىل. ءسويتىپ ەكى سپورتشىنىڭ ءبىرى دۇڭعان ءزۇلفيا چينشانلو، ەكىنشىسى ۇيعىر مانەزا مايا بولىپ شىعا كەلگەن. ەكەۋىنىڭ دە اتى ويدان شىعارىلا سالعان. سوڭعىسىنىڭ اتىن باپكەرلەر قالجىڭداپ مايونەزگە ۇقساتىپ قويا سالىپتى (ايتپاقشى، ول كەشە 63 كەلىگە دەيىنگى سالماق دارەجەسىندە التىن مەدال جەڭىپ الدى. جالپى، وسى ويىندا التىن ۇتقان مەملەكەتتەر ازىرگە قىتاي مەن قازاقستان عانا). ال ءبىر جىلدان كەيىن ەكى سپورتشى دا قازاقستاننىڭ ازاماتى اتاندى. بۇگىن، مىنە، ەلىمىزدىڭ نامىسىن جىرتىپ ءجۇر.

وسى جايتقا وراي مىنا ماسەلەنىڭ بەتى اشىلىپ وتىر. دەرەك كوزدەرى رەسەي نەمەسە قىرعىزستاندا بىرنەشە جىل تۇرىپ، ورىس ءتىلىن ۇيرەنىپ العان سوڭ ءبىزدىڭ ەلىمىزگە كەلىپ، ۇيعىرمىن، دۇڭعانمىن، كارىسپىن دەپ تىرلىك ەتىپ جاتقان قىتايلار جىرتىلىپ ايىرىلاتىنىن ايتادى. ويباي-اۋ، سوندا ۇلتتىق قاۋىپسىزدىك كوميتەتى اي قاراپ وتىر ما؟ ولار ەگەر ءبىزدىڭ ءسوزىمىزدى جوققا شىعارعىسى كەلسە ءبىز مىنا ەكى سپورتشىنىڭ «ازاماتتىق الۋ» حيكاسىن ايعاق رەتىندە ۇسىنامىز. ايتپاقشى، باپكەرلەر ءزۇلفيانىڭ كەرەمەت پاتريوت ەكەنىن ايتادى. جاس قىز ءوزىنىڭ، ءوزىنىڭ عانا ەمەس بۇكىل حانزۋدىڭ بيلىكتەن ولەردەي قورقاتىنىن اشىپ ايتىپتى. بيلىكتىڭ بۇيرىعىنا جاراتقاننىڭ امىرىنەن ءارى باعىناتىن قىتايلار سوندا ءبىزدىڭ ەلىمىزگە قانداي ماقسات كوزدەپ كەلدى. شەتەل لەگيونەرلەرىن وسىلاي «كونتراباندالىق» جولمەن اكەلىپ ابىرويىمىزدى اسىرعانىمىز كىمگە كەرەك؟ بايگەگە دەلەبەمىز قوزىپ دالاقتاپ ءجۇرىپ ەلدىگىمىزگە سىزات ءتۇسىرىپ المايىق. ال شەتەلدىكتەردىڭ قيتۇرقى جولمەن ازاماتتىق الۋ ماسەلەسىنە وراي ۇلتتىق قاۋىپسىزدىك كوميتەتى جاۋاپ بەرۋگە ءتيىس. يليا «بالاقايدىڭ» ەركەلىگىن كوتەرە الماي جۇرگەندە، ەندى «ايداھار تەكتى» ارۋلار قيعىلىق سالماسىن. اباي بولايىق، اعايىن!

 

«اباي-اقپارات»

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563