الماتى. 22 مامىر. قازتاگ – ديليارام اركين. الماتى قالاسىنىڭ المالى اۋداندىق سوتى جۇما كۇنى قورىتىندى وتىرىسىندا وپپوزيتسيانىڭ ءۇش جەتەكشىسى – «شاڭىراق» قوعامدىق بىرلەستىگىنىڭ باسشىسى اسىلبەك قوجاحمەتوۆتى، «ازات» پارتياسىنىڭ توراعاسى بولات ابىلەۆتى جانە كومپارتيانىڭ حاتشىسى تولەن توقتاسىنوۆتى «جاسىرۋ تۋرالى» اتى شۋلى ءىس بويىنشا ايىپتى دەپ تانىدى. الايدا ولاردى قىلمىستىق جاۋاپكەرشىلىكتەن بوساتتى. سوت ەشقايدا كەتپەۋ تۋرالى بۇلتارتپاۋ شاراسىن ۇكىم زاڭدى كۇشىنە ەنگەنگە دەيىن كۇشىندە قالدىردى.
بۇرىن حابارلانعانداي، پروكۋرور الەكساندر كيرياك ءوزىنىڭ ايىپتاۋ سوزىندە سۋديادان وپپوزيتسيونەرلەردى ايىپتى دەپ تانۋدى، الايدا قىلمىستىڭ مەرزىمى ەسكىرگەندىگىنە بايلانىستى ولاردى جازادان بوساتۋدى سۇراعان بولاتىن.
«قىلمىستىڭ مەرزىمى 2009 جىلدىڭ 10 ساۋىرىندە ءوتىپ كەتتى. ولار (سۋديا مەن پروكۋرور – قازتاگ) وسى سوت امالىن سول كەزدە توقتاتۋعا ءتيىس ەدى، ويتكەنى ونىڭ ەش ماعىناسى جوق ەدى»، - دەپ ءتۇسىندىردى ا. قوجاحمەتوۆ قازتاگ تىلشىسىنە.
سونىمەن قاتار، سۋديا اتالعان ءىس بويىنشا زاتتاي ايعاقتاردىڭ بارلىعىن جويۋدى قاۋلى ەتتى. سونداي-اق، سوت سابىر سابىروۆتىڭ (كۋاگەردىڭ لاقاپ اتى، قىلمىستىق ءىس ونىڭ كۋالىك ەتۋىنىڭ نەگىزىندە قوزعالدى – قازتاگ) كۋالىك ەتكەندەرىن جارامسىز دەپ تانىپ، قوعامدىق قورعاۋشى ەۆگەني ءجوۆتيستىڭ كۋاگەردى قورعاۋ باعدارلاماسىنا جاتقىزىلعان س. سابىروۆقا قاتىستى قورعاۋ شارالارىن وزگەرتۋ تۋرالى ءوتىنىشىن قاناعاتتاندىردى.

الماتى. 22 مامىر. قازتاگ – ديليارام اركين. الماتى قالاسىنىڭ المالى اۋداندىق سوتى جۇما كۇنى قورىتىندى وتىرىسىندا وپپوزيتسيانىڭ ءۇش جەتەكشىسى – «شاڭىراق» قوعامدىق بىرلەستىگىنىڭ باسشىسى اسىلبەك قوجاحمەتوۆتى، «ازات» پارتياسىنىڭ توراعاسى بولات ابىلەۆتى جانە كومپارتيانىڭ حاتشىسى تولەن توقتاسىنوۆتى «جاسىرۋ تۋرالى» اتى شۋلى ءىس بويىنشا ايىپتى دەپ تانىدى. الايدا ولاردى قىلمىستىق جاۋاپكەرشىلىكتەن بوساتتى. سوت ەشقايدا كەتپەۋ تۋرالى بۇلتارتپاۋ شاراسىن ۇكىم زاڭدى كۇشىنە ەنگەنگە دەيىن كۇشىندە قالدىردى.
بۇرىن حابارلانعانداي، پروكۋرور الەكساندر كيرياك ءوزىنىڭ ايىپتاۋ سوزىندە سۋديادان وپپوزيتسيونەرلەردى ايىپتى دەپ تانۋدى، الايدا قىلمىستىڭ مەرزىمى ەسكىرگەندىگىنە بايلانىستى ولاردى جازادان بوساتۋدى سۇراعان بولاتىن.
«قىلمىستىڭ مەرزىمى 2009 جىلدىڭ 10 ساۋىرىندە ءوتىپ كەتتى. ولار (سۋديا مەن پروكۋرور – قازتاگ) وسى سوت امالىن سول كەزدە توقتاتۋعا ءتيىس ەدى، ويتكەنى ونىڭ ەش ماعىناسى جوق ەدى»، - دەپ ءتۇسىندىردى ا. قوجاحمەتوۆ قازتاگ تىلشىسىنە.
سونىمەن قاتار، سۋديا اتالعان ءىس بويىنشا زاتتاي ايعاقتاردىڭ بارلىعىن جويۋدى قاۋلى ەتتى. سونداي-اق، سوت سابىر سابىروۆتىڭ (كۋاگەردىڭ لاقاپ اتى، قىلمىستىق ءىس ونىڭ كۋالىك ەتۋىنىڭ نەگىزىندە قوزعالدى – قازتاگ) كۋالىك ەتكەندەرىن جارامسىز دەپ تانىپ، قوعامدىق قورعاۋشى ەۆگەني ءجوۆتيستىڭ كۋاگەردى قورعاۋ باعدارلاماسىنا جاتقىزىلعان س. سابىروۆقا قاتىستى قورعاۋ شارالارىن وزگەرتۋ تۋرالى ءوتىنىشىن قاناعاتتاندىردى.
بۇرىن حابارلانعانداي، قر ءىىم تەرگەۋ كوميتەتى بىرقاتار قازاقستاندىق پارتيالاردىڭ جەتەكشىلەرىنە قاتىستى قىلمىستىق ءىس قوزعادى. ولار 2001 جىلى پاۆلودارلىق كاسىپكەردىڭ ولىمىنە قاتىستى دەپ كۇدىكتەلىپ وتىرعان اعالى-ءىنىلى بايساقوۆتاردى جاسىردى دەپ ايىپتالىپ وتىر. تەرگەۋ بولجامىنا سايكەس، وپپوزيتسيالىق ساياساتكەرلەردىڭ ءوتىنىشى بويىنشا قىلمىسكەرلەر ۋكراينادا ساياسي باسپانا العان.
ۋكراينالىق باق-تىڭ حابارلاۋىنشا، قازاقستان باسشىلىعىنا اعالى-ءىنىلى بايساقوۆتاردى ەكستراديتسيالاۋعا سوت تارتىبىمەن باس تارتىلدى.
وپپوزيتسيا وكىلدەرى قىلمىستىق قۋدالاۋدىڭ ساياسي استارى بار ەكەنىن مالىمدەگەن بولاتىن.