«ۇلت دابىلى» قوعامدىق قوزعالىسىنىڭ جەتەكشىسى كەنەسارى قاپتاعاەۆ باستاعان ازاماتتار مەدەت قاسەنجانوۆتىڭ ورىمدەي جاس شاعىندا كوز جۇمىپ باقيلىق بولعانىن شىعىس قازاقستان وبلىسى اكىمدىگىندە مورالدىق-ەتيكالىق نورمالاردىڭ بۇزىلعانى دەپ بىلەدى. 8-جەلتوقسان كۇنى الماتىداعى «قالامگەر» ءباسپاسوز كلۋبىندا جيىن وتكىزگەن جاناشىر ازاماتتار جاس جىگىتتىڭ نە سەبەپتەن وزىنە قول جۇمساپ ولگەنىن پرەزيدەنت اكىمشىلىگى قاتاڭ تەكسەرۋ كەرەك دەيدى.

5 - جەلتوقسان كۇنى شىعىس قازاقستان وبلىسى اكىمىنىڭ ورىنباسارى سەرىك ابدەنوۆتىڭ كومەكشىسى مەدەت قاسەنجانوۆ 5-ءشى قاباتتان سەكىرىپ جان تاپسىرعان بولاتىن. وقيعانى باسىنان ءتۇسىپ باياندايىق.

«ۇلت دابىلى» قوعامدىق قوزعالىسىنىڭ جەتەكشىسى كەنەسارى قاپتاعاەۆ باستاعان ازاماتتار مەدەت قاسەنجانوۆتىڭ ورىمدەي جاس شاعىندا كوز جۇمىپ باقيلىق بولعانىن شىعىس قازاقستان وبلىسى اكىمدىگىندە مورالدىق-ەتيكالىق نورمالاردىڭ بۇزىلعانى دەپ بىلەدى. 8-جەلتوقسان كۇنى الماتىداعى «قالامگەر» ءباسپاسوز كلۋبىندا جيىن وتكىزگەن جاناشىر ازاماتتار جاس جىگىتتىڭ نە سەبەپتەن وزىنە قول جۇمساپ ولگەنىن پرەزيدەنت اكىمشىلىگى قاتاڭ تەكسەرۋ كەرەك دەيدى.

5 - جەلتوقسان كۇنى شىعىس قازاقستان وبلىسى اكىمىنىڭ ورىنباسارى سەرىك ابدەنوۆتىڭ كومەكشىسى مەدەت قاسەنجانوۆ 5-ءشى قاباتتان سەكىرىپ جان تاپسىرعان بولاتىن. وقيعانى باسىنان ءتۇسىپ باياندايىق.

وبلىس اكىمىنىڭ ورىنباسارى سەرىك ابدەنوۆتىڭ كومەكشىسى، 29 جاستاعى مەدەت قاسەنجانوۆ وتكەن سەنبى كۇنى اكىمشىلىكتىڭ بەسىنشى قاباتىنان سەكىرىپ قايتىس بولدى. بۇل تۋرالى «قازاقستان-بۇگىن» اقپارات اگەنتتىگى حابارلاپ وتىر. ايتۋشىلار،  «ارتىنا جارى مەن بالاسىن قالدىرىپ ءوز-وزىنە قول جۇمساعان كومەكشى باسشىلارىنىڭ كوڭىلىنەن شىعاتىن قىزمەت تۇرلەرىن ۇيىمداستىرىپ بەرە الماعانى ءۇشىن كىنالى بولىپتى-مىس»، -  دەيدى. اسلان ءمۋسيننىڭ امىرىمەن پرەزيدەنت اپپاراتى  تيىستى ورىندارعا وقيعاعا «كەزدەيسوق جاعداي» دەپ باعا بەرۋدى تاپسىرىپ جاتقان كورىنەدى. ويتكەنى بەردىبەك ساپارباەۆ (سۋرەتتە) اسلان ءمۋسيننىڭ "الاقانىندا الپەشەتەلىپ" جۇرگەن ادام. "شىعىس قازاقستاندى باندى جايلاپ العان" دەپ، وبلىس اكىمى بولىپ بارا جاتقان  ساپارباەۆقا استانادان ساتتىلىك تىلەپ قالعان اسلان ەسبولايۇلى ەندى مىنانداي جامانت حاباردىڭ جاريا بولىپ كەتۋىنە  قالاي عانا قاراپ وتىرا السىن...
امال كەم، دۇنيەدەن قايتقان جانعا يمان ءناسىپ ەتسىن دەپ تىلەيىك! الايدا، وسىندايدا كوپتەگەن كومەكشىلەردىڭ شىنىمەن دە باسشىسىنىڭ كوڭىلىن تابۋ ءۇشىن بارىنە كونەتىنىن،  «الىپ كەل، شاۋىپ كەلگە» جۇمسايتىن دەلدالى ەكەنىن كوزىمىز كورىپ ءجۇر. بيۋروكراتتاردىڭ «بالەلى» ىستەرىنە تيىم بولماي، تالاي كومەكشىنىڭ «جالالى» بولارى ءسوزسىز.

مىنە، وسى ماسەلەگە بايلانىستى دابىل قاققان  كەنەسارى قاپتاعاەۆ جۋرناليستەرمەن كەزدەسۋ بارىسىندا تومەندەگى جايتتارعا توقتالىپ، بىلاي دەدى:

1. ەلىمىزدە تولىققاندى جۇيەلى ايماقتىق ساياسات بولۋى كەرەك. جەرگىلىكتى ەليتاعا سەنىم كورسەتىلۋ كەرەك. ويتكەنى، جەرگىلىكتى ەليتا عانا ءوزىن-ءوزى باسقارۋ ساياساتىن جۇزەگە اسىرا الادى.

2. كادر ساياساتىن جۇيەلەۋ كەرەك. ەلباسى تاعايىنداعان وبلىس اكىمدەرى سوڭدارىنان شۇبىرتىپ «كومانداسىن» ەرتىپ اپارىپ، بيلىك بۇتاقتارىنا وتىرىعىزعان سوڭ كادر تاڭداۋ ماسەلەسى «قۇدا جەكجاتتىڭ»، «دوس-جاراننىڭ» قارىم-قاتىناسىنا ويىسىپ بارادى. ءسويتىپ ولار كوررۋپتسيامەن كۇرەس ساياساتىنا الگىندەي ارەكەتتەرىمەن قارسىلىق جاساپ باعۋدا.

3. «نۇر وتان» پارتياسى جەرگىلىكتى جەردىڭ دەپۋتاتتارىمەن بىرىگە وتىرىپ، كادىر تاڭداۋ ماسەلەسىن قاداعالاۋى قاجەت.

4. وسىنداي قايعىلى جاعداي وبلىس اكىمىنىڭ ورىنباسارى سەرىك ابدەنوۆتىڭ كەڭسەسىندە بولعانى سول جەردەگى مورالدىق-ەتيكالىق نورمالاردىڭ بۇزىلعانىن كورسەتەدى. سوندىقتان ارنايى كوميسسيا قۇرىلىپ، جىگىن جىكتەپ كىنالىلەردى جاۋاپقا تارتۋى كەرەك. بۇل ىسكە قۇقىق قورعاۋ ورىندارى كىرىسۋى قاجەت. تەكسەرۋلەردىڭ ناتيجەسى باق-تا جاريالانۋى كەرەك.

5. جاس جىگىتتىڭ ءولىمى ءباسپاسوز بەتتەرىندە جاريالانىپ جاتقاندىقتان وقيعانى باس پروكۋراتۋرا ءوزىنىڭ باقىلاۋىنا الۋى قاجەت.

6. وتكەن كوكتەمدە عانا شقو باسشىلارىنىڭ اراق ءىشىپ توبەلەسكەنىن، ونى پرەزيدەنت اكىمشىلىگىنىڭ تەكسەرگەنىنە ءبارىمىز كۋا بولدىق. سوندىقتان مىنا جايتتى دا پرەزيدەنت اكىمشىلىگى قاتاڭ تەكسەرۋى قاجەت.

7. بۇگىننەن باستاپ جەرگىلىكتى بيلىك قوعامنىڭ باقىلاۋىندا بولاتىنداي تەتىكتەر جاسالۋى كەرەك.

قايعىلى قازاعا ساياسي سيپات بەرۋدىڭ قاجەتى جوق. مارقۇمنىڭ وتباسىنا، اتا-اناسىنا قاتتى قايعىرىپ كوڭىل ايتامىز.