كەشە اقتاۋ قالاسىندا پوليتسيا قىزمەتكەرلەرى قارۋ-جاراققا تولى اۆتوكولىكتى قولعا ءتۇسىردى. تەكسەرۋ بارىسىندا كۇدىكتىلەردىڭ اۆتوكولىگىنەن وتتى قارۋلاردىڭ كوپتەگەن ءتۇرى تابىلدى. قازىر سول بويىنشا كۇدىكتىلەر قاماۋعا الىنىپ، ولاردىڭ ۇستىنەن قىلمىستىق ءىس قوزعالىپ، تەرگەۋ امالدارى باستالدى.
ماڭعىستاۋلىق ءتارتىپ ساقشىلارى كەزەكتى رەيدتىك شارالارى كەزىندە دجيپ «ميتسۋبيشي پادجەرو» ماركىلى اۆتوكولىگىنەن سەزىكتەنىپ، ونى توقتاتادى. تەكسەرۋ بارىسىندا ب. ەسىمدى ازاماتتان ماكاروۆ تاپانشاسى مەن تاپانشانىڭ وقتارى شىعادى. سودان سوڭ بۇلتارتپاس ايعاقتى تاپقان پوليتسەيلەر كولىكتى تەكسەرۋدى جالعاستىرادى. «باقساق، باقا ەكەن» دەمەكشى، ماشينا ىشىنەن ۇلكەن قارا قوبديشاعا سالىنعان كالاشنيكوۆ اۆتوماتىن جانە قارۋ-جاراقتىڭ باسقا دا ون شاقتى ءتۇرى مەن جۇزگە جۋىق وق-دارىلەردى تاۋىپ الادى. تەكسەرىستى ارى قاراي جالعاستىرعان قىلمىسپەن كۇرەس پوليتسياسىنىڭ قىزمەتكەرلەرى كۇدىكتىنىڭ ۇيىنە دە ءتىنتۋ جۇرگىزىپ، ول جەردەن اڭ اتۋعا ارنالعان 2 مىلتىق پەن ەلەكتروشوكەردى تاركىلەيدى. ال ب-نىڭ قاسىنداعى جول سەرىگىنەن دە كالاشنيكوۆ اۆتوماتى تابىلدى. اقتاۋداعى ءوندىرىس ورىندارىنىڭ بىرىندە جۇمىس ىستەيتىن ج-نىڭ ءۇيىن تىنتكەن كەزدە ونىڭ ۇيىنەن دە اۆتوماتتى قارۋدى جاسايتىن سىزبا (ەسكيز) تاركىلەندى.
باستاپقىدا كۇدىكتىلەردەن سۇراق-جاۋاپ الۋ كەزىندە اۆتوكولىك جۇرگىزۋشىسى قارۋلاردى «دالادان تاۋىپ الدىم» دەپ جالتارماق بولادى. الايدا جان-جاقتى تەكسەرىستىڭ ناتيجەسىندە ولار قىلمىستارىن تولىق مويىندادى.

كەشە اقتاۋ قالاسىندا پوليتسيا قىزمەتكەرلەرى قارۋ-جاراققا تولى اۆتوكولىكتى قولعا ءتۇسىردى. تەكسەرۋ بارىسىندا كۇدىكتىلەردىڭ اۆتوكولىگىنەن وتتى قارۋلاردىڭ كوپتەگەن ءتۇرى تابىلدى. قازىر سول بويىنشا كۇدىكتىلەر قاماۋعا الىنىپ، ولاردىڭ ۇستىنەن قىلمىستىق ءىس قوزعالىپ، تەرگەۋ امالدارى باستالدى.
ماڭعىستاۋلىق ءتارتىپ ساقشىلارى كەزەكتى رەيدتىك شارالارى كەزىندە دجيپ «ميتسۋبيشي پادجەرو» ماركىلى اۆتوكولىگىنەن سەزىكتەنىپ، ونى توقتاتادى. تەكسەرۋ بارىسىندا ب. ەسىمدى ازاماتتان ماكاروۆ تاپانشاسى مەن تاپانشانىڭ وقتارى شىعادى. سودان سوڭ بۇلتارتپاس ايعاقتى تاپقان پوليتسەيلەر كولىكتى تەكسەرۋدى جالعاستىرادى. «باقساق، باقا ەكەن» دەمەكشى، ماشينا ىشىنەن ۇلكەن قارا قوبديشاعا سالىنعان كالاشنيكوۆ اۆتوماتىن جانە قارۋ-جاراقتىڭ باسقا دا ون شاقتى ءتۇرى مەن جۇزگە جۋىق وق-دارىلەردى تاۋىپ الادى. تەكسەرىستى ارى قاراي جالعاستىرعان قىلمىسپەن كۇرەس پوليتسياسىنىڭ قىزمەتكەرلەرى كۇدىكتىنىڭ ۇيىنە دە ءتىنتۋ جۇرگىزىپ، ول جەردەن اڭ اتۋعا ارنالعان 2 مىلتىق پەن ەلەكتروشوكەردى تاركىلەيدى. ال ب-نىڭ قاسىنداعى جول سەرىگىنەن دە كالاشنيكوۆ اۆتوماتى تابىلدى. اقتاۋداعى ءوندىرىس ورىندارىنىڭ بىرىندە جۇمىس ىستەيتىن ج-نىڭ ءۇيىن تىنتكەن كەزدە ونىڭ ۇيىنەن دە اۆتوماتتى قارۋدى جاسايتىن سىزبا (ەسكيز) تاركىلەندى.
باستاپقىدا كۇدىكتىلەردەن سۇراق-جاۋاپ الۋ كەزىندە اۆتوكولىك جۇرگىزۋشىسى قارۋلاردى «دالادان تاۋىپ الدىم» دەپ جالتارماق بولادى. الايدا جان-جاقتى تەكسەرىستىڭ ناتيجەسىندە ولار قىلمىستارىن تولىق مويىندادى.
«قولعا تۇسكەن سوڭ كۇدىكتىلەر ءوز قىلمىستارىن مويىنداپ، ءبىزدىڭ قىزمەتكەرلەرگە وزدەرىنىڭ قارۋلاردى دايىندايتىن جەرلەرىن كورسەتتى. تەكسەرۋ جۇمىستارى بارىسىندا ول جەردەن قارۋ-جاراقتاردىڭ بولشەكتەرىن دە تاپتىق. قازىرگى كەزدە قولعا تۇسكەن ەكى ازامات اقتاۋ قالالىق ىشكى ىستەر باسقارماسىنىڭ ۋاقىتشا قاماۋ ورتالىعىنا جابىلدى. سول بويىنشا قىلمىستىق ءىز قوزعالىپ، تەرگەۋ امالدارى باستالىپ كەتتى» – دەپ، ماڭعىستاۋ وبلىستىق ءىىد باستىعىنىڭ مىندەتىن اتقارۋشى امانجول قابىلوۆ وتتى قارۋلاردى زاڭسىز ساقتاپ، ونى تاسىعانى ءۇشىن قازاقستان رەسپۋبليكاسى قىلمىستىق كودەكسىنىڭ 251-بابى بويىنشا ءىس قوزعالعانى جونىندە مالىمدەدى.

تەلمان بەيسەنوۆ
«ايقىن» گازەتى، (23.05.2009)