الماتى. 26 مامىر. قازتاگ – «قازاتومونەركاسىپ» قىزمەتكەرلەرى ۇلتتىق كومپانيانىڭ بۇرىنعى باسشىسى مۇحتار جاكىشەۆتىڭ قاماۋعا الىنۋى سالدارىنان شەتەلدىك ارىپتەستەرمەن كوپتەگەن ۋاعدالاستىقتاردى جۇزەگە اسىرۋدا قيىندىقتار تۋىندايدى دەپ ەسەپتەيدى. بۇل تۋرالى «ۆرەميا» گازەتىنىڭ سەيسەنبى كۇنگى نومەرىندە ايتىلعان.

«مۇحتار جاكىشەۆتىڭ ۇستالىپ، قاماۋعا الىنۋى سالدارىنان بۇل جوسپارلاردىڭ بارلىعىن جۇزەگە اسىرۋ ۇلكەن ماسەلەگە اينالىپ وتىر»، - دەدى گازەتكە سۇحبات بەرگەن «قازاتومونەركاسىپ» قازىناشىلىعىنىڭ ديرەكتورى عالىم نازاروۆ.

ونىڭ پىكىرىنشە، «بيزنەس الەمىندە ءبارى بولماسا، كوبى كومپانيا باسشىسىمەن جەكە قاتىناستاردىڭ، وعان دەگەن سەنىم مەن ونىڭ بەدەلىنىڭ ارقاسىندا قۇرىلادى».

«سوزىمە دالەل بولۋ ءۇشىن ايتا كەتەيىن، «توشيبا» كومپانياسى «قازاتومونەركاسىپتەن» «ۆەستينگحاۋز» اكتسيالارىن قايتارىپ الاتىنى ءسوزسىز، ويتكەنى كەلىسىمشارت جاكىشەۆ پەن «توشيبا» كومپانياسىنىڭ پرەزيدەنتى اتسۋتوشي نيشيدانىڭ جەكە قاتىناستارىنىڭ ارقاسىندا عانا جاسالدى، نيشيدا جاكىشەۆكە سەنەدى»، - دەيدى ع. نازاروۆ.

الماتى. 26 مامىر. قازتاگ – «قازاتومونەركاسىپ» قىزمەتكەرلەرى ۇلتتىق كومپانيانىڭ بۇرىنعى باسشىسى مۇحتار جاكىشەۆتىڭ قاماۋعا الىنۋى سالدارىنان شەتەلدىك ارىپتەستەرمەن كوپتەگەن ۋاعدالاستىقتاردى جۇزەگە اسىرۋدا قيىندىقتار تۋىندايدى دەپ ەسەپتەيدى. بۇل تۋرالى «ۆرەميا» گازەتىنىڭ سەيسەنبى كۇنگى نومەرىندە ايتىلعان.

«مۇحتار جاكىشەۆتىڭ ۇستالىپ، قاماۋعا الىنۋى سالدارىنان بۇل جوسپارلاردىڭ بارلىعىن جۇزەگە اسىرۋ ۇلكەن ماسەلەگە اينالىپ وتىر»، - دەدى گازەتكە سۇحبات بەرگەن «قازاتومونەركاسىپ» قازىناشىلىعىنىڭ ديرەكتورى عالىم نازاروۆ.

ونىڭ پىكىرىنشە، «بيزنەس الەمىندە ءبارى بولماسا، كوبى كومپانيا باسشىسىمەن جەكە قاتىناستاردىڭ، وعان دەگەن سەنىم مەن ونىڭ بەدەلىنىڭ ارقاسىندا قۇرىلادى».

«سوزىمە دالەل بولۋ ءۇشىن ايتا كەتەيىن، «توشيبا» كومپانياسى «قازاتومونەركاسىپتەن» «ۆەستينگحاۋز» اكتسيالارىن قايتارىپ الاتىنى ءسوزسىز، ويتكەنى كەلىسىمشارت جاكىشەۆ پەن «توشيبا» كومپانياسىنىڭ پرەزيدەنتى اتسۋتوشي نيشيدانىڭ جەكە قاتىناستارىنىڭ ارقاسىندا عانا جاسالدى، نيشيدا جاكىشەۆكە سەنەدى»، - دەيدى ع. نازاروۆ.

ول «قازاتومونەركاسىپ» بۇكىل الەم بويىنشا اەس سالاتىن «ۆەستينگحاۋز» كومپانياسىنىڭ 10 پايىز اكتسياسىن ساتىپ العانىن ەسكە سالدى. «وسىلايشا، قۇرىلىستان تۇسكەن كىرىس قازاقستاننىڭ بىرنەشە جىلداعى بارلىق تابيعي رەسۋرستارىن ساتۋدان تۇسكەن تابىستان اسىپ تۇسەتىن ەدى. جانە ءبىز جوعارعى تەحنولوگيالارعا قول جەتكىزە الاتىن ەدىك، ال اقىرعى بولىستەن شىعاتىن قوسىمشا قۇن ەلدە قالاتىن ەدى»، - دەپ ءتۇسىندىردى ۇلتتىق كومپانيانىڭ وكىلى.

سونداي-اق، ول الداعى ۋاقىتتا «قازاتومونەركاسىپتىڭ» كونتاگەنتتەرىمەن قيىندىقتارى تۋىنداپ، قول جەتكىزىلگەن ۋاعدالاستىقتار قايتا قارالۋى مۇمكىن» ەكەنىن جوققا شىعارمادى. «جاپونيالىق فيرمالارمەن بىرلەسكەن كاسىپورىنداردىڭ باسشىلارى قاماۋعا الىندى – ءسىزدىڭ پىكىرىڭىزشە، بۇعان ءبىزدىڭ جاپونياداعى ارىپتەستەرىمىز قالاي قارايدى؟ مەنىڭ ويىمشا، ولار قازىر تۇسىنىكتەمە سۇراپ ۇكىمەتتىك دەڭگەيگە شىعادى، ويتكەنى بۇل الەمدەگى ەڭ جاقسى دامىعان ەلدەردىڭ ەنەرگەتيكالىق قاۋىپسىزدىك ماسەلەسى. ال بۇل جاڭادان كەلىسسوز جۇرگىزىلەتىنىن بىلدىرەدى، وندا ءبىزدىڭ وسال تۇستارىمىز كوپ بولادى، ويتكەنى ەلدىڭ مۇددەسىن قورعاي الاتىن ماماندار قاماۋعا الىندى. سىزدەرگە ۇزاق اڭگىمەلەۋگە تۋرا كەلەتىن مۇحتاردىڭ جوسپارلارى جۇزەگە اسىرىلعان جوق، ولار مەموراندۋمدار، كەلىسىمدەر جانە ت.ب. تۇرىندە عانا بار. ولاردى جۇزەگە اسىرۋ ءۇشىن، كەلىسىمدەردىڭ ورىندالۋىنا قول جەتكىزۋ ءۇشىن كوپ تىرىسۋ قاجەت»، - دەيدى ع. نازاروۆ.

«قازىر «قازاتومونەركاسىپ» باسشىسىنان ايىرىلعاننان كەيىن كوپتەگەن جوسپارلاردى ۇمىتۋعا تۋرا كەلەدى. ءبىز بىرنەشە جىلعا ارتقا قادام جاسايمىز جانە بۇگىنگىدەي جاعدايدا قايتىپ ورالمايمىز دەپ قورقامىن. قيىندىقتار قازىردىڭ وزىندە باستالدى.كومپانيانىڭ قىزمەتى توقتادى، تولەمدەر جاسالماي جاتىر، شەتەلدىك ارىپتەستەرمەن، سونىڭ ىشىندە «روساتوممەن» جۇمىس تا توقتاپ قالدى...»، - دەدى ول.

«قازاتومونەركاسىپ» قازىناشىلىعىنىڭ باسشىسى قىلمىستىق قۋدالاۋدىڭ سەبەپتەرىنە دە كۇمانمەن قارايتىنىن جەتكىزدى. «تابىستى گۇلدەنىپ جاتقان ۇلتتىق كومپانيانىڭ توپ-مەنەدجەرلەرىن ءبىر كۇندە قاماۋعا الاتىنداي ماڭىزدى سەبەپتەردى كورمەي وتىرمىن. ءبىزدى جىل سايىن ەسەپ كوميتەتى تەكسەرەدى، رەۆيزورلاردىڭ ەسەبىندە ەڭ كوپ دەگەندە تەحنيكالىق قاتەلەر تۋرالى ايتىلعان، بىراق وندا قۇقىق بۇزۋشىلىقتار، ءتىپتى قىلمىستار تۋرالى ءبىر ءسوز دە بولعان جوق»، - دەپ ءمالىم ەتتى ول.

كومپانيا قىزمەتكەرى وقيعالاردىڭ سەبەپتەرىن «قازاتومونەركاسىپ» كەنىشتەرىنىڭ ەنەرگەتيكالىق ينفراقۇرىلىمىن جوبالاۋ بويىنشا تەندەردە جەڭىسكە جەتكەن كومپانيامەن» كەلىسپەۋشىلىكتەن ىزدەۋ كەرەكتىگىن جوققا شىعارمايدى. «مۇمكىن، بۇل كومپانيانىڭ ارتىندا ىقپالدى بىرەۋ تۇرعان شىعار، ويتكەنى ولار مۇحتار جاكىشەۆتەن ۋلتيماتۋم تۇرىندە كىشى ستانتسيالار مەن ەلەكتر جەتكىزۋ جەلىلەرىنىڭ بۇكىل قۇرىلىسىن سولارعا بەرۋدى تالاپ ەتتى، بىراق ءبىزدىڭ باسشىلىق ولارمەن جوبالاۋ جۇمىستارىنان ارى بارماۋعا ءتيىس ەدى. ارينە، ول بۇل كومپانيانىڭ تالاپتارىمەن كەلىسپەدى، ويتكەنى مۇنداي جاعدايدا، بۇكىل شىعىندار كومپانيانىڭ بيۋدجەتىنە تيەتىن ەدى. مۇحتار اقشانىڭ بوسقا شاشىلۋىنا جول بەرە المادى، ءتىپتى ودان بۇل تۋرالى قاتتى وتىنسە دە. ءبىز وزگە جولدى تاڭداپ، ءوندىرۋشى كومپانيالارعا وسى ينفراقۇرىلىمنىڭ قۇرىلىسىنا اقشا سالۋدى ۇسىندىق، وسىلايشا كوپ قارجىنى ۇنەمدەدىك. بىراق داۋ تۋىنداعاندا، ءبىزدىڭ دۇرىس جاساعانىمىز ايقىن كورىندى، سوندىقتان قانداي-دا ءبىر سانكتسيالار قولدانىلعان جوق. الايدا ول ادامدار وكپەسىن ۇمىتقان جوق، ال بيىلعى جىلى ساياسي قۇرىلىم ولاردىڭ پايداسىنا قالىپتاستى، ال بۇل ءبىزدىڭ ەلىمىزدە اقيقاتتان دا ارتىق ماعىناعا يە»، - دەدى ع. نازاروۆ.

سونداي-اق، ول داۋدىڭ ساياسي قۇرامداسى تۋرالى سۇراققا دا جاۋاپ بەردى. «جاكىشەۆ پەن ءابليازوۆ – جاقىن دوستار، بىرگە وقىعان، جاتاقحانادا ءبىر بولمەدە تۇرعان. بۇل كوپ جاعدايدى تۇسىندىرەدى، تاتيانا كۆياتكوۆسكايانىڭ ايىپتاۋلارىندا بۇل ادامداردىڭ ەسىمدەرى ءۇتىر ارقىلى اتالاتىنى تەگىن ەمەس. بۇگىن ءابليازوۆ تاعى دا قاتاڭ وپپوزيتسيادا، سوندىقتان ونىمەن بايلانىستا بولعانداردىڭ بارلىعىنا كولەڭكە ءتۇستىن شىعار. بىراق، تاعى دا قايتالايمىن، تالاپ «قازاتومونەركاسىپتىڭ» ەكونوميكالىق ساياساتىنا عانا قاتىستى، - دەدى «قازاتومونەركاسىپ» قازىناشىلىعىنىڭ ديرەكتورى عالىم نازاروۆ «ۆرەميا» گازەتىنە.