استانا. 4 اقپان. قازتاگ – ايناگۇل بەكەەۆا. پروكۋرورلار، تەرگەۋدەگىلەردى قۇقىققورعاۋ ورگاندارى قىزمەتكەرلەرىنىڭ ازاپتاۋى مەن ۇرۋ فاكتىلەرىنىڭ بولعان، بولماعاندىعىن انىقتاۋ ءۇشىن اپتا سايىن الدىن-الا ۇستاۋ ورىندارىن تەكسەرىپ وتىرماق. بۇل جايىندا باس پروكۋراتۋرانىڭ رەسمي وكىلى نۇرداۋلەت سۇيىندىكوۆ حابارلادى.

بۇل شارا پروكۋرورلىق قاداعالاۋدى جەتىلدىرۋ ءۇشىن ەنگىزىلىپ وتىر جانە باس پروكۋرور قول قويعان نۇسقاۋلىقپەن بەكىتىلگەن.

«نۇسقاۋلىق پروكۋرورلارعا ۇستالعان ادامدى تەرگەۋ بارىسىندا، سوتتىڭ تۇتقىنداۋعا سانكتسيا بەرۋ ماسەلەسىن قاراعاندا، باسقى سوت قاراۋىن جۇرگىزگەندە ازاپتاۋ مەن وزگە دە قاتاڭ شارالاردىڭ قولدانىلۋ فاكتىلەرىنىڭ بولعاندىعىن انىقتاۋدى مىندەتتەيدى. الدىن-الا ۇستاۋ ورىندارىندا جانە جازانى اتقارۋ مەكەمەلەرىندە پروكۋرورلار اپتا سايىن، تەرگەۋ جانە جەدەل ارەكەتتەرىن جۇرگىزۋ ءۇشىن شىعارىلعان بارلىق كۇدىكتىلەردى، ايىپتىلاردى، سوتتالۋشىلار مەن سوتتالعانداردى وڭاشا قابىلدايدى»، -دەدى ن.سۇيىندىكوۆ بەيسەنبى كۇنى وتكەن بريفينگتە.

بۇدان بولەك، دەدى ول، ۇستالعاندار مەن تۇتقىندالعانداردى ۋاقىتشا وقشاۋلاۋ اباقتىسى (ۋوا) تەرگەۋ اباقتىسىنا (تا) جەتكىزگەندە، سونىمەن بىرگە ازاپتاۋدىڭ قولدانىلۋىنا بايلانىستى تۇسكەن ءاربىر شاعىم بويىنشا مەديتسينالىق تەكسەرۋ مەن كۋالاندىرۋ جۇرگىزىلەدى.

ەگەر ازاپتاۋ مەن سوققىعا جىعۋ وقيعالارىنىڭ بولعانى دالەلدەنسە، وندا پروكۋرورلار مۇنداي جولمەن الىنعان دالەلدەردى قابىلداماۋ جونىندە ماسەلە قويماق.

استانا. 4 اقپان. قازتاگ – ايناگۇل بەكەەۆا. پروكۋرورلار، تەرگەۋدەگىلەردى قۇقىققورعاۋ ورگاندارى قىزمەتكەرلەرىنىڭ ازاپتاۋى مەن ۇرۋ فاكتىلەرىنىڭ بولعان، بولماعاندىعىن انىقتاۋ ءۇشىن اپتا سايىن الدىن-الا ۇستاۋ ورىندارىن تەكسەرىپ وتىرماق. بۇل جايىندا باس پروكۋراتۋرانىڭ رەسمي وكىلى نۇرداۋلەت سۇيىندىكوۆ حابارلادى.

بۇل شارا پروكۋرورلىق قاداعالاۋدى جەتىلدىرۋ ءۇشىن ەنگىزىلىپ وتىر جانە باس پروكۋرور قول قويعان نۇسقاۋلىقپەن بەكىتىلگەن.

«نۇسقاۋلىق پروكۋرورلارعا ۇستالعان ادامدى تەرگەۋ بارىسىندا، سوتتىڭ تۇتقىنداۋعا سانكتسيا بەرۋ ماسەلەسىن قاراعاندا، باسقى سوت قاراۋىن جۇرگىزگەندە ازاپتاۋ مەن وزگە دە قاتاڭ شارالاردىڭ قولدانىلۋ فاكتىلەرىنىڭ بولعاندىعىن انىقتاۋدى مىندەتتەيدى. الدىن-الا ۇستاۋ ورىندارىندا جانە جازانى اتقارۋ مەكەمەلەرىندە پروكۋرورلار اپتا سايىن، تەرگەۋ جانە جەدەل ارەكەتتەرىن جۇرگىزۋ ءۇشىن شىعارىلعان بارلىق كۇدىكتىلەردى، ايىپتىلاردى، سوتتالۋشىلار مەن سوتتالعانداردى وڭاشا قابىلدايدى»، -دەدى ن.سۇيىندىكوۆ بەيسەنبى كۇنى وتكەن بريفينگتە.

بۇدان بولەك، دەدى ول، ۇستالعاندار مەن تۇتقىندالعانداردى ۋاقىتشا وقشاۋلاۋ اباقتىسى (ۋوا) تەرگەۋ اباقتىسىنا (تا) جەتكىزگەندە، سونىمەن بىرگە ازاپتاۋدىڭ قولدانىلۋىنا بايلانىستى تۇسكەن ءاربىر شاعىم بويىنشا مەديتسينالىق تەكسەرۋ مەن كۋالاندىرۋ جۇرگىزىلەدى.

ەگەر ازاپتاۋ مەن سوققىعا جىعۋ وقيعالارىنىڭ بولعانى دالەلدەنسە، وندا پروكۋرورلار مۇنداي جولمەن الىنعان دالەلدەردى قابىلداماۋ جونىندە ماسەلە قويماق.

«ازاپتاۋعا بايلانىستى قارالعان ءاربىر ماتەريال بويىنشا، ىقپال ەتۋدىڭ رۇقسات ەتىلمەگەن تاسىلدەرىن قولدانعان قىزمەتكەرلەردى دە، وسى ارەكەتكە ەنجارلىق  تانىتقان نەمەسە شاعىستىرعان لاۋازىمدى تۇلعالاردى دا قىلمىستىق جاۋاپكەرشىلىككە تارتۋ ماسەلەسى قويىلادى»، -دەپ اتاپ ءوتتى باس پروكۋراتۋرانىڭ وكىلى.

سونىمەن بىرگە، نۇسقاۋلىق بويىنشا، دەنساۋلىق ساقتاۋدىڭ، ءبىلىم بەرۋدىڭ، الەۋمەتتىك قورعاۋدىڭ جانە ىشكى ىستەر ورگاندارىنىڭ مامانداندىرىلعان مەكەمەلەر جۇيەسىندە ازاپتاۋلار مەن قاتاڭ قارىم-قاتىناستىڭ وزگە دە تۇرلەرىن قولدانۋدىڭ الدىن الۋ  مەن جولىن كەسۋ ءۇشىن ارنايى شارالار بەلگىلەنەدى، دەدى ول.

«اتالعان قۇجاتتىڭ ەرەجەلەرىن جۇزەگە اسىرۋ، ازاماتتاردىڭ كونستيتۋتسيالىق قۇقىقتارىنىڭ سەنىمدى قورعالۋىن قامتاماسىز ەتەدى دەپ ويلايمىز»، - دەدى ن.سۇيىندىكوۆ.