نازارباەۆ پاسحا قارساڭىندا بارشا قازاقستاندىقتارعا قازاقستانداعى بەيبىتشىلىك پەن كەلىسىمدى نىعايتا بەرۋىن تىلەدى
استانا. 3 ءساۋىر. قازتاگ – قازاقستان پرەزيدەنتى نۇرسۇلتان نازارباەۆ قازاقستاندىقتاردى پاسحا مەيرامىمەن قۇتتىقتاپ جانە ولارعا بەيبىتشىلىك پەن كەلىسىمدى نىعايتا بەرۋىن تىلەدى.
«قىمباتتى وتانداستار! سىزدەردى شىن جۇرەكتەن پاسحامەن قۇتتىقتايمىن! بۇل – ماحاببات پەن مەيىرىم، تۇسىنىستىك پەن كەشىرىم ءتارىزدى ادامي اسىل قاسيەتتەردى پاش ەتەتىن جارقىن مەرەكە»، - دەلىنگەن رەسمي باسىلىمدار جاريالاعان پرەزيدەنت قۇتتىقتاۋىندا.
ن.نازارباەۆ، كوپ ۇلتتىڭ جانە ارقيلى كونفەسسيانىڭ وكىلدەرى مەكەن ەتكەن قازاقستاندا دىنارالىق ءوزارا سىيلاستىقتىڭ يگى داستۇرلەرى ورنىققانىن اتاپ ءوتتى.
«بۇل ءبىزدىڭ حالقىمىزدىڭ كەڭپەيىلدىلىگى مەن كەمەڭگەرلىگىنىڭ ارقاسىندا، سونىمەن بىرگە مەملەكەتىمىزدىڭ قوعامداعى بەيبىتشىلىك پەن كەلىسىمدى نىعايتۋعا، ءتۇرلى ءدىني كونفەسسيالار مەن مەملەكەتتەر اراسىنداعى جەمىستى ۇنقاتىسۋدى قولداۋعا باعىتتالعان سىندارلى ساياساتىنىڭ ناتيجەسىندە مۇمكىن بولدى»، - دەپ ەسەپتەيدى پرەزيدەنت.
استانا. 3 ءساۋىر. قازتاگ – قازاقستان پرەزيدەنتى نۇرسۇلتان نازارباەۆ قازاقستاندىقتاردى پاسحا مەيرامىمەن قۇتتىقتاپ جانە ولارعا بەيبىتشىلىك پەن كەلىسىمدى نىعايتا بەرۋىن تىلەدى.
«قىمباتتى وتانداستار! سىزدەردى شىن جۇرەكتەن پاسحامەن قۇتتىقتايمىن! بۇل – ماحاببات پەن مەيىرىم، تۇسىنىستىك پەن كەشىرىم ءتارىزدى ادامي اسىل قاسيەتتەردى پاش ەتەتىن جارقىن مەرەكە»، - دەلىنگەن رەسمي باسىلىمدار جاريالاعان پرەزيدەنت قۇتتىقتاۋىندا.
ن.نازارباەۆ، كوپ ۇلتتىڭ جانە ارقيلى كونفەسسيانىڭ وكىلدەرى مەكەن ەتكەن قازاقستاندا دىنارالىق ءوزارا سىيلاستىقتىڭ يگى داستۇرلەرى ورنىققانىن اتاپ ءوتتى.
«بۇل ءبىزدىڭ حالقىمىزدىڭ كەڭپەيىلدىلىگى مەن كەمەڭگەرلىگىنىڭ ارقاسىندا، سونىمەن بىرگە مەملەكەتىمىزدىڭ قوعامداعى بەيبىتشىلىك پەن كەلىسىمدى نىعايتۋعا، ءتۇرلى ءدىني كونفەسسيالار مەن مەملەكەتتەر اراسىنداعى جەمىستى ۇنقاتىسۋدى قولداۋعا باعىتتالعان سىندارلى ساياساتىنىڭ ناتيجەسىندە مۇمكىن بولدى»، - دەپ ەسەپتەيدى پرەزيدەنت.
«بۇگىندە ەلىمىزدە بەيبىتشىلىك پەن تىنىشتىق ورناپ وتىر. ءبىز بولاشاققا باتىل كوز تىگىپ، گۇلدەنۋ مەن وركەندەۋ ۇستىندەگى جاسامپاز قازاقستاندى قۇرۋدامىز. بىزدە مەشىتتەر مەن شىركەۋلەر، كوستەلدەر مەن سيناگوگالار قاتار بوي كوتەرۋدە. ەلوردامىز الەمدىك دىندەردىڭ ديالوگى وتەتىن تانىمال ورتالىققا اينالدى. جاقىندا استانادا ورتالىق ازياداعى ەڭ ءىرى كافەدرالدى سوبور اشىلدى. ونىڭ اشىلۋ سالتاناتىنا ءوزىنىڭ قازاقستانعا جاساعان ءبىرىنشى ساپارى بارىسىندا ماسكەۋ جانە كۇللى رۋس پاتريارحى كيريلل كەلىپ قاتىستى»، - دەپ اتاپ ءوتتى ن. نازارباەۆ.
ول وسى كۇننىڭ ءبىزدىڭ ءار شاڭىراعىمىزعا جارقىن ءۇمىت پەن شىنايى شاتتىق اكەلەتىنىنە سەنىمدى.
«بۇل تەك تۋعان-تۋىسقا عانا ەمەس، قايىرىم مەن كومەككە مۇقتاج جاننىڭ بارشاسىنا قامقورلىق كورسەتىپ، مەيىر-شاپاعات توگەتىن مەزگىل. ەندەشە ءبىر-بىرىمىزگە مەيىرىمدى دە قايىرىمدى بولايىق! ارقايسىمىزدىڭ جۇرەگىمىزدەگى، وتباسىمىزداعى، ورتاق وتانىمىز – قازاقستان رەسپۋبليكاسىنداعى بەيبىتشىلىك پەن كەلىسىمدى ودان ءارى دە نىعايتا تۇسەيىك!»، - دەدى پرەزيدەنت قازاقستاندىقتارعا قاراتىپ.
«بارشاڭىزعا، قىمباتتى مەنىڭ وتانداستارىم، باقىت پەن دەنساۋلىق، يگىلىك پەن بەرەكە تىلەيمىن»، - دەپ اياقتايدى مەملەكەت باسشىسى ءوزىنىڭ قۇتتىقتاۋىن.
