الماتى. 9 ءساۋىر. قازتاگ –  بيلىكتەن الاستاتىلعان قىرعىزستان پرەزيدەنتى قۇرمانبەك باكيەۆ تەك قازاقستان مەن وزبەكستان پرەزيدەنتتەرى عانا جاعدايدى رەتتەۋگە كومەك ۇسىندى دەپ وتىر. بۇل تۋرالى ول «ەحو موسكۆى» راديوستانتسياسىنا بەيسەنبى كۇنى كەشكىسىن بەرگەن سۇحباتىندا ءمالىم ەتتى.

ول راديونىڭ تىلشىسىنە: «مەن 7-ءشى ءساۋىر كۇنى قازاقستان مەن وزبەكستان پرەزيدەنتتەرىمەن بايلانىستا بولعانىمدى ايتقىم كەلەدى. ولاردىڭ ەكەۋى دە: «ءبىز سىزگە قانداي كومەك كورسەتەيىك؟ ءبىز دايىنبىز» دەدى. مەن ولارعا: ءبىز ءوزىمىز جاعدايدى رەتتەۋگە تىرىسامىز، بۇل ءبىزدىڭ ىشكى ءىسىمىز، دەپ ايتتىم»، - دەدى.

«ال باسقا مەملەكەتتەرمەن ازىرگە بايلانىس بولعان جوق»، - دەپ قوستى ق. باكيەۆ. 

بۇگىن (8-ءشى ءساۋىر) رەسەي تاراپىنان بايلانىسقا شىعۋ ارەكەتى بولعان جوق پا؟ - دەگەنگە ول: «جوق» دەپ جاۋاپ بەردى.

بيلىكتەن الاستاتىلعان پرەزيدەنت ونىمەن اقش جانە ەۋروپا مەملەكەت وكىلدەرى بايلانىسقا شىققان جوق دەيدى.

الماتى. 9 ءساۋىر. قازتاگ –  بيلىكتەن الاستاتىلعان قىرعىزستان پرەزيدەنتى قۇرمانبەك باكيەۆ تەك قازاقستان مەن وزبەكستان پرەزيدەنتتەرى عانا جاعدايدى رەتتەۋگە كومەك ۇسىندى دەپ وتىر. بۇل تۋرالى ول «ەحو موسكۆى» راديوستانتسياسىنا بەيسەنبى كۇنى كەشكىسىن بەرگەن سۇحباتىندا ءمالىم ەتتى.

ول راديونىڭ تىلشىسىنە: «مەن 7-ءشى ءساۋىر كۇنى قازاقستان مەن وزبەكستان پرەزيدەنتتەرىمەن بايلانىستا بولعانىمدى ايتقىم كەلەدى. ولاردىڭ ەكەۋى دە: «ءبىز سىزگە قانداي كومەك كورسەتەيىك؟ ءبىز دايىنبىز» دەدى. مەن ولارعا: ءبىز ءوزىمىز جاعدايدى رەتتەۋگە تىرىسامىز، بۇل ءبىزدىڭ ىشكى ءىسىمىز، دەپ ايتتىم»، - دەدى.

«ال باسقا مەملەكەتتەرمەن ازىرگە بايلانىس بولعان جوق»، - دەپ قوستى ق. باكيەۆ. 

بۇگىن (8-ءشى ءساۋىر) رەسەي تاراپىنان بايلانىسقا شىعۋ ارەكەتى بولعان جوق پا؟ - دەگەنگە ول: «جوق» دەپ جاۋاپ بەردى.

بيلىكتەن الاستاتىلعان پرەزيدەنت ونىمەن اقش جانە ەۋروپا مەملەكەت وكىلدەرى بايلانىسقا شىققان جوق دەيدى.

ق. باكيەۆ ول نەمەن بايلانىستى ەكەنىن بىلمەيدى. «بىلەسىز بە، (ونىڭ سەبەبىن) ايتۋ قيىن. بالكىم، ولار جاڭا بيلىككە بوي ۇسىنعان شىعار، بىراق، مەنىڭشە ولار رەسپۋبليكادا نە بولىپ جاتقانىن، اسىرەسە استانادا، بىشكەكتە نە بولىپ جاتقانى تۋرالى ءىستىڭ ءمان-جايىن انىق بىلمەيدى. ماعان قالادا قۇقىق قورعاۋ ورگاندارىنىڭ عيماراتتارىن قارۋمەن باسىپ الدى دەگەن مالىمەت كەلىپ ءتۇستى، باسىمەن كەتكەن وزبىرلىق ورىن الىپ وتىر. مىنە، وسىعان بايلانىستى ولار ماسەلەنىڭ ءمان جايىن بىلمەيدى، سوندىقتان، بالكىم، وسىلاي دەپ ويلايدى. بىراق بۇل ولاردىڭ تاڭداۋى، مەن ولاردىڭ نەگە سولاي ويلايتىندىقتارىن ءتۇسىندىرىپ جاتپايمىن. بۇل ولاردىڭ ءوز ءىسى»، - دەدى ول.

«مەن تەك قانا، الەم قاۋىمداستىعى دا، بالكىم، بۇگىندەرى قىرعىزستان استاناسىندا نە بولىپ جاتقانى تۋرالى ۇنقاتۋلارى كەرەك دەپ ويلايتىندىعىمدى ايتقىم كەلەدى»، - دەپ قوستى ق. باكيەۆ.