وتاندىق فيلمدەردىڭ قاتارى تاعى دا ءبىر رومانتيكالىق كينوتۋىندىمەن تولىقتى. استانادا «ماحاببات تالكەگى» اتتى كومەديانىڭ تۇساۋكەسەر ءراسىمى بولدى. قازاقستان مەن رەسەيدىڭ بىرلەسكەن جوباسىنا قوس ەلدىڭ اتاقتى كينوجۇلدىزدارى قاتىستى. ءفيلمنىڭ تۇساۋكەسەر ءراسىمىنىڭ ەلوردادان باستاۋ الۋى تەگىن ەمەس. كينونىڭ باسىم بولىگى استانادا تۇسىرىلگەن. ويتكەنى جاڭادان بوي كوتەرىپ كەلە جاتقان جاس قالا - جاستىقتىڭ، جاسامپازدىقتىڭ سيمۆولى ىسپەتتەس. «قازاقفيلمنىڭ» پرەزيدەنتى ەرمەك امانشاەۆتىڭ ايتۋىنشا، بۇل تۋىندى كينوكومپانيانىڭ جاستارعا، وسكەلەڭ ۇرپاققا ۇسىنعان بازارلىعى.

ەرمەك امانشاەۆ، ش. ايمانوۆ ات. «قازاقفيلم» اق پرەزيدەنتى:
- بۇل ءوزى نەگىزى جاستارعا ارنالعان فيلم كومەديالىق جانرىندا تۇسىرىلگەن، مەن ويلايمىن، اسىرەسە 15-25 جاستار ارالىعىنداعى ءبىزدىڭ كورەرمەندەر ءۇشىن قىزىقتى بولادى.

«ماحاببات تالكەگى» ءفيلمى العاش رەت تمد اۋماعىندا 600 دانامەن شىعاتىن وتاندىق كينوونىم. بۇعان دەيىن تۇسىرىلگەن فيلمدەردىڭ تارالىم مولشەرى 50-دەن اسقان ەمەس. وعان قوسا، بۇل كينوتۋىندى تەك قازاقستان مەن رەسەيدە عانا ەمەس، ۋكراينا، بەلورۋسيانىڭ ءىرى كينو ورىندارىندا كورسەتىلمەك. فيلم ۇلكەن پروكاتقا 25-ناۋرىزدا شىعادى. ءفيلمنىڭ پروديۋسەرى رينات داۋلەتياروۆ قازاقستاندىق تاراپتىڭ جوعارى پروفەسسيونالدىق دەڭگەيىن ەرەكشە اتاپ ءوتتى.

وتاندىق فيلمدەردىڭ قاتارى تاعى دا ءبىر رومانتيكالىق كينوتۋىندىمەن تولىقتى. استانادا «ماحاببات تالكەگى» اتتى كومەديانىڭ تۇساۋكەسەر ءراسىمى بولدى. قازاقستان مەن رەسەيدىڭ بىرلەسكەن جوباسىنا قوس ەلدىڭ اتاقتى كينوجۇلدىزدارى قاتىستى. ءفيلمنىڭ تۇساۋكەسەر ءراسىمىنىڭ ەلوردادان باستاۋ الۋى تەگىن ەمەس. كينونىڭ باسىم بولىگى استانادا تۇسىرىلگەن. ويتكەنى جاڭادان بوي كوتەرىپ كەلە جاتقان جاس قالا - جاستىقتىڭ، جاسامپازدىقتىڭ سيمۆولى ىسپەتتەس. «قازاقفيلمنىڭ» پرەزيدەنتى ەرمەك امانشاەۆتىڭ ايتۋىنشا، بۇل تۋىندى كينوكومپانيانىڭ جاستارعا، وسكەلەڭ ۇرپاققا ۇسىنعان بازارلىعى.

ەرمەك امانشاەۆ، ش. ايمانوۆ ات. «قازاقفيلم» اق پرەزيدەنتى:
- بۇل ءوزى نەگىزى جاستارعا ارنالعان فيلم كومەديالىق جانرىندا تۇسىرىلگەن، مەن ويلايمىن، اسىرەسە 15-25 جاستار ارالىعىنداعى ءبىزدىڭ كورەرمەندەر ءۇشىن قىزىقتى بولادى.

«ماحاببات تالكەگى» ءفيلمى العاش رەت تمد اۋماعىندا 600 دانامەن شىعاتىن وتاندىق كينوونىم. بۇعان دەيىن تۇسىرىلگەن فيلمدەردىڭ تارالىم مولشەرى 50-دەن اسقان ەمەس. وعان قوسا، بۇل كينوتۋىندى تەك قازاقستان مەن رەسەيدە عانا ەمەس، ۋكراينا، بەلورۋسيانىڭ ءىرى كينو ورىندارىندا كورسەتىلمەك. فيلم ۇلكەن پروكاتقا 25-ناۋرىزدا شىعادى. ءفيلمنىڭ پروديۋسەرى رينات داۋلەتياروۆ قازاقستاندىق تاراپتىڭ جوعارى پروفەسسيونالدىق دەڭگەيىن ەرەكشە اتاپ ءوتتى.

رينات داۋلەتياروۆ، «ماحاببات تالكەگى» ءفيلمىنىڭ پروديۋسەرى:
- «قازاقفيلممەن»، قازاقستاندىق ارىپتەستەرمەن بىرلەسىپ جۇمىس ىستەي وتىرىپ، مەن كوپ نارسەنى اڭعاردىم، بۇل مەن ءۇشىن ۇلكەن تاجىريبە. ءبىزدىڭ شىعارماشىلىق توپ وتە جاقسى جۇمىس ىستەدى، ناتيجەسى وتە جەمىستى بولدى، قازاقستاندىق ارىپتەستەرگە العىسىم شەكسىز.

ءفيلمنىڭ سيۋجەتى قاراپايىم. اسەل اتتى اتاققۇمار، سۇلۋ بويجەتكەن قوعامنىڭ اۋقاتتى توبىنىڭ قاتارىنا قوسىلۋدى كوزدەيدى. وسى ماقساتتى جۇزەگە اسىرۋ ءۇشىن تەلەجۇرگىزۋشى بولۋعا بەل بۋادى. الايدا اياق استىنان قىزىقتى وقيعاعا تاپ بولىپ، يۆان دەگەن وقىمىستى جىگىتتى كەزدەستىرەدى. وسىلايشا، ماحاببات تالكەگىنە ۇشىراعان ەكى عاشىق قوسىلىپ، رومانتيكالىق كومەديا ادەتتەگىدەي ادەمى اياقتالادى.

ەرىك جولجاقسىنوۆ، اكتەر:
- بۇل ءبىر ءوزىنىڭ ورنىن تاباتىنداي جوبا بولۋى كەرەك. اكتەرلىك ويىندارعا قارايىن بولسا، قاتىسقان اكتەرلەردىڭ بارلىعى بەلگىلى اكتەرلار رەسەيدىڭ كۋتسەنكو، چادوۆ، ءبىز جاقتان اسەل ساعاتوۆا، مۇنىڭ توڭىرەگىندە ويناعان اكتريسالار دا جۇلدەلى-جۇلدەلى كادىمگىدەي تالاي-تالاي كينولاردا وبرازداردى سومداعان اكتريسالار.

الداعى جىلى «قازاقفيلم» بىرلەستىگى وتاندىق كورەرمەندى جاڭا تۋىندىلارمەن قۋانتپاق. بۇل ماقساتتا رەسەيدىڭ ماڭدايالدى رەجيسسەرلەرىنىڭ قاتىسۋىمەن بىرقاتار جاڭا جوبالار وندىرىسكە ەنگىزىلدى. كينوكومپانيا تيمۋر بەكمامابەتوۆپەن بىرلەسىپ «التىن جاۋىنگەر»، ەگور كونچالوۆسكيمەن بىرگە «قارا مايور» ءفيلمىن جارىققا شىعارادى. ەرمەك امانشاەۆتىڭ ايتۋىنشا، ءبىر ايدىڭ كولەمىندە باحتيار قۇداينازاروۆتىڭ جاڭا تۋىندىسى كورەرمەنگە جول تارتپاق.