سونىمەن، ايدىڭ-كۇننىڭ امانىندا الاشىپقىن بولعان ايىرقالپاقتى اعايىننىڭ ارىنى سايابىرسىدى. اقىرى ازاماتتىق سوعىسقا اينالا جازداعان ساياسي داعدارىستى شەشۋگە الەم ساياساتكەرلەرى ات سالىستى. قىرعىزبەن توسكەيدە مالى، توسەكتە باسى قوسىلعان قازاق بيلىگى بۇل ىسكە بىلەك سىبانا كىرىسىپ، ارااعايىندىققا جۇگىندى. كەشە وشقا بارام وشارىلىپ قالعان، روزا وتىنباەۆانىڭ جەرلەستەرىنەن تاياق جەي جازداعان قۇرمانبەك باكيەۆ اقىرى ەلدەستىرگەن ەستى سوزدەردەن اسا الماي تۇنگە قاراي تارازعا ۇشىپ كەلدى. ءالى  دە تولىق انىقتالماعان اقپاراتتار بويىنشا ونىمەن بىرگە وتباسى، جاقىن-جۋىقتارى دا كەلگەن سىڭايلى. تارازدىڭ اۋەجايىندا وتىرىپ وتستاۆكاعا كەتۋگە كەلىسىمىن بەردى. ارينە، ازاماتتىق سوعىستىڭ الدىن الۋ ءۇشىن، قىرعىز حالقىنىڭ تۇتاستىعىن ساقتاۋ ءۇشىن وسىلاي ىستەۋگە ول مىندەتتى.

سونىمەن، ايدىڭ-كۇننىڭ امانىندا الاشىپقىن بولعان ايىرقالپاقتى اعايىننىڭ ارىنى سايابىرسىدى. اقىرى ازاماتتىق سوعىسقا اينالا جازداعان ساياسي داعدارىستى شەشۋگە الەم ساياساتكەرلەرى ات سالىستى. قىرعىزبەن توسكەيدە مالى، توسەكتە باسى قوسىلعان قازاق بيلىگى بۇل ىسكە بىلەك سىبانا كىرىسىپ، ارااعايىندىققا جۇگىندى. كەشە وشقا بارام وشارىلىپ قالعان، روزا وتىنباەۆانىڭ جەرلەستەرىنەن تاياق جەي جازداعان قۇرمانبەك باكيەۆ اقىرى ەلدەستىرگەن ەستى سوزدەردەن اسا الماي تۇنگە قاراي تارازعا ۇشىپ كەلدى. ءالى  دە تولىق انىقتالماعان اقپاراتتار بويىنشا ونىمەن بىرگە وتباسى، جاقىن-جۋىقتارى دا كەلگەن سىڭايلى. تارازدىڭ اۋەجايىندا وتىرىپ وتستاۆكاعا كەتۋگە كەلىسىمىن بەردى. ارينە، ازاماتتىق سوعىستىڭ الدىن الۋ ءۇشىن، قىرعىز حالقىنىڭ تۇتاستىعىن ساقتاۋ ءۇشىن وسىلاي ىستەۋگە ول مىندەتتى.

ۋاقىتشا ۇكىمەتتىڭ باسشىسى روزا وتىنباەۆا ونىڭ وتستاۆكاسى قابىلدانعانىن ءارى باكيەۆتەردىڭ بارلىعىنا قاتىستى قىلمىستىق ءىس قوزعالعانىن مالىمدەدى. بۇل تۋرالى قۇجاتتار بۇرىنعى پرەزيدەنت باكيەۆ بۇقپانتايلاپ كەلگەن قازاقستان تاراپىنا تاپسىرىلدى. ارينە، قۇرمانبەك باكيەۆ وزىنە نۇرسۇلتان نازارباەۆ قامقورلىق كورسەتەدى دەپ سانايدى. ءتىپتى، وعان قازىر-اق كومەكتەسۋگە بەلارۋس «باتكاسى» دا قۇلشىنىپ وتىر. دەگەنمەن، 7-ساۋىردە باستالىپ، سوڭى قاندى قىرعىنعا ۇلاسىپ، 80 ادامنىڭ ءومىرىن قيعان قاقتىعىستىڭ سەبەپشىلەرىن جازاسىز جىبەرۋگە قىرعىزدىڭ ۋاقىتشا ۇكىمەتى ىنتالى ەمەس. بۇگىن استاناعا قىرعىز تاراپىنان قۇرمانبەك باكيەۆتىڭ ۇلكەن ۇلى ماراتتى، بۇرىنعى پرەمەر-مينيستر دانيار ۇسەنوۆتى، ارنايى قىزمەتتىڭ باسشىسى مۇرات ءسۇتالينوۆتاردى قىرعىز قۇقىق قورعاۋ ورگاندارىنىڭ قولىنا تاپسىرۋ تۋرالى رەسمي قۇجاتتار جولداندى. ۋاقىتشا ۇكىمەتتىڭ پىكىرىنشە، ولاردىڭ بارلىعى الماتىدا ءجۇر ءارى بۇرىنعى ۇكىمەت باسشىسىنىڭ قازاقستاندىق پاسپورتى بولۋى مۇمكىن. ال قۇرمانبەك نە تۇركياعا، نە لاتۆياعا بەت الماق.

بەك داتۇلى.