قازاقستاننىڭ سولتۇستىك وڭىرلەرىندەگى حالىق سانى 2050 جىلعا قاراي ميلليون ادامعا ازايۋى مۇمكىن. بۇگىن ءماجىلىستىڭ الەۋمەتتىك-مادەني دامۋ كوميتەتىنىڭ كەڭەيتىلگەن وتىرىسىندا ەكونوميكا جانە بيۋدجەتتىك جوسپارلاۋ ۆيتسە-ءمينيسترى ءمادينا ابىلقاسىموۆا وسىلاي دەپ مالىمدەگەن. بۇل تۋرالى «قازاقپارات» حابارلادى.

قازاقستاننىڭ ىشكى جانە سىرتقى كوشى-قون پروبلەمالارى تالقىلانعان جيىندا، ۆيتسە-مينيستر اتالمىش ۇدەرىس نەگىزىنەن ىشكى جانە سىرتقى كوشى-قون پروبلەمالارىندا قوردالانعان ماسەلەلەرگە بايلانىستى ورىن الۋى مۇمكىن ەكەنىن ايتتى.  «رەسپۋبليكامىزدىڭ قوستاناي، پاۆلودار، سولتۇستىك قازاقستان، شىعىس قازاقستان سەكىلدى وبلىستارىندا قالىپتاسقان دەموگرافيالىق قۇلدىراۋ ۇدەرىسى ساقتالاتىن بولسا، ونىڭ سالدارىنان كەلەشەكتە  جۇمىسشى كادرلار تاپشىلىعى ورىن الۋى ىقتيمال. ال 2050 جىلعا قاراي وسىنداي جاعدايعا سايكەس، سولتۇستىك وبلىستارداعى حالىق سانى ميلليون ادامعا دەيىن ازاياتىنىن بولجاۋعا بولادى.  بۇل رەتتە ەلىمىزدىڭ وڭتۇستىك وڭىرلەرىندەگى حالىق سانى كەرىسىنشە  5,2 ميلليون ادامعا ارتۋى مۇمكىن»، - دەگەن م. ابىلقاسىموۆا ءوز سوزىندە.  ول بۇنداي جاعىمسىز ۇدەرىستىڭ ساقتالۋى جۇمىس ورىندارىنا قاتىستى ۇسىنىستىڭ سايكەسسىزدىگى، وڭىرلىك جالپى ىشكى ءونىم ءوسىمىنىڭ كەمۋى، ەڭبەك كۇشىنىڭ جەتىسپەۋشىلىگى سەكىلدى پروبلەمالاردى تۋدىرادى دەپ پايىمدايدى.  سوندىقتان دا، ۆيتسە-ءمينيستردىڭ ويىنشا، جۇمىس كۇشى جەتكىلىكسىز وڭىرلەرگە ەڭبەك ميگرانتتارىن كوشىرۋدى ىنتالاندىرۋدىڭ تىڭ تەتىكتەرىن ىسكە قوسۋ كەرەك. 

نۇرعالي نۇرتاي

Abai.kz