«رەسەي ۋكراينانىڭ تەرريتوريالىق ء بىر تۇتاستىعىنا كەپىلدىك بەرە المايدى جانە كەپىلدىك بەرۋدى وزىنە مىندەتتەۋدى قاراستىرمايدى». رەسەيدىڭ پرەمەر-ءمينيسترى دميتري مەدۆەدەۆ Bloomberg اگەنتتىگىنە بەرگەن سۇحباتىندا وسىلاي دەپ مالىمدەگەن. بۇل تۋرالى BBC حابارلادى.

ء«بىز ەشكىمگە كەپىلدىك قارىز ەمەسپىز. سەبەبى ءبىز ەشقاشان وزىمىزگە ونداي مىندەت جۇكتەمەدىك. بىراق ءبىز ءۇشىن باستى تاپسىرما - ۋكرايناداعى جاعدايدى تىنىشتاندىرۋ. بۇل تۋراسىندا ەشكىم وزىنە مىندەت ارقالاپ وتىرعان جوق»، - دەگەن رەسەي پرەمەرى.

مەدۆەدوۆتىڭ ايتۋىنشا، رەسەي قىرىمداعى تۇراقسىزدىقتى قالپىنا كەلتىرۋگە كومەكتەسكەن. ءارى ۋكراينا تىنىشتىعى تۋراسىندا ناسيحات تا جۇرگىزىپ كەلەدى.

1994 جىلعى بۋداپەشت كەلىسىمى بويىنشا يادرولىق قارۋسىز ۋكراينانىڭ تاۋەلسىزدىگى مەن تەرريتوريالىق بۇتىندىگىنە رەسەي، اقش، ۇلىبريتانيا ەلدەرىنىڭ قول قويعان كەپىلدىك ۋادەلەرى بار.

مەدۆەدوۆ Bloomberg-كە بەرگەن سۇحباتى بارىسىندا باسقا ەلدەر ۋكراينا تۇتاستىعىنا كەپىلدىك بەرسىن دەپ ۇسىنىس ايتا كەلىپ: ء«بىزدىڭ ۋكرايناعا بايلانىستى ديالوگتاعى ارىپتەستەرىمىز ەۋرووداق پەن اقش ۋكراينانىڭ ىشكى ماسەلەلەرىنە ارالاسىپ، سولتۇستىك اتلانتيكالىق ەل جاساعىسى كەلەدى. ءبارىبىر ۋكراينانىڭ شىعىس ايماعىندا تۇرىپ جاتقان ادامدار ورىس تىلىندە سويلەۋ مۇمكىندىگىنەن ايىرىلمايتىن بولادى»، -  دەگەن.

ۋكراينا ماسەلەسىندە اقش جانە ەۋرووداق ەلدەرى رەسەيدى بۋداپەشت كەلىسىمىن بۇزدى دەپ ايىپتاعان بولاتىن. ال رەسەي بولسا، اقش پەن ەۋرووداق ەلدەرىنىڭ وزدەرىنە كىنا تاعىپ، ۋكرايناداعى بولىپ جاتقان ساياسي تۇراقسىزدىقتارعا ەل ىشىندەگى ەكونوميكالىق، الەۋمەتتىك فاكتورلار سەبەپ بولىپ وتىر دەپ سانايدى.

نۇرعالي نۇرتاي

Abai.kz