الماتى قالاسى ۇقك دەپارتامەنتىنىڭ مايورى حاليۋللا بالتاباەۆ قازكوممەرتسبانكتىڭ جەرگىلىكتى بولىمشەسىن توناعان. بۇل جونىندە Tengrinews.kz. قالا پروكۋراتۋراسىنىڭ مالىمدەمەسىنە سىلتەمە جاساپ حابارلادى. توناۋشىلار قازكوممەرتسبانكتەن 93 ميلليون تەڭگەنى قىمقىرىپ كەتكەن. الماتى پروكۋراتۋراسىنىڭ دەرەكتەرى بويىنشا، توناۋ 2009 جىلدىڭ قازان-قاراشا ايلارىندا بولىپتى. توپتا بالتاباەۆ، قاجىبەكوۆ ە.س.، كەڭسەباەۆ ك.م.، مامەدوۆ ر.م.، ساعىمقۇلوۆ ا.، ستوليارەنكو س.، ۋتياگانوۆ س.ۋ جانە باسقا دا انىقتالماعان ادامدار بولعاندىعى مالىمدەندى. ولار "قازكوممەرتسبانك" اق فيليالىنداعى "گارانت" جشس-ءنىڭ ەسەپشوتىنان 93 ميلليون تەڭگەنى "كزي بانك" اق-ىنا اۋدارۋ ءۇشىن قىلمىستىق رولدەردى ءوزارا ءبولىسىپ العان. "سول جىلى 11 قارشا ايىندا توپ مۇشەلەرى قولدان جاسالعان قۇجاتتاردى قولدانا وتىرىپ، "كزي بانك" اق-ىنداعى س.ۋتياگانوۆتىڭ ەسەپشوتىنا 92 721 500 تەڭگەنى اۋدارعان", - دەپ مالىمدەنگەن ءباسپاسوز قىزمەتىندە. قازكوممەرتسبانكتى توناعان بالتاباەۆتان باسقا زيانكەستەردىڭ ءبارى 2010 جىلى ايىپتالىپتى. 2013 جىلعا دەيىن بوي تاسالاپ جۇرگەن ۇقك مايورى قازان ايىندا ۇستالىپ، ۇستىنەن قوزعالعان قىلمىستىق ءىس بويىنشا سوتتالىپ وتىر.

بۇل ءىس بويىنشا ۇكىم 2014 جىلى 30 ساۋىردە جاريالانعان. ۇقكد-ءنىڭ بوستاندىق ءاۋدانى بولىمىنىڭ ەكس-قىزمەتكەرى ون جىل جازاسىن وتەۋگە كەسىلىپ، مايور شەنىنەن ايىرىلىپ جانە مۇلىكتەرى تاركىلەندى. ەستەرىڭىزگە سالا كەتەيىك، جاقىندا الماتىداعى بانكتەردىڭ بىرىنەن ءبىر ميلليون دوللار قولدى بولدى. الاياقتارعا قارجى ينستيتۋتىنىڭ قىزمەتكەرى كومەك كورسەتكەن.

اباي-اقپارات