1 ماۋسىمعا دەيىن ارمەنيا رەسپۋبليكاسىنىڭ ەۋرازيالىق ەكونوميكالىق وداققا قوسىلۋى تۋرالى كەلىسىم جوباسى دايىندالماق. بۇل تۋرالى AGRONEWS ەۋرازيالىق ەكونوميكالىق وداقتىڭ دامۋ جانە حالىقارالىق بايلانىستار دەپارتامەنتى باسشىسى انتون ازاروۆتىڭ سوزىنە سىلتەمە جاساپ حابارلادى.  ول ءوز سوزىندە:  «ارمەنيا كەدەندىك وداققا كىرۋ تۋرالى ءوتىنىش بەرگەن سوڭ، ەۋرازيالىق كوميسسيا ماماندارىنىڭ قاتىسۋىمەن ارنايى جۇمىس توبى قۇرىلعان بولاتىن. توپ جۇرگىزگەن بەلسەندى جۇمىس ناتيجەسىندە ارمەنيا رەسپۋبليكاسىنىڭ كەدەندىك وداققا قوسىلۋى تۋرالى جوعارى دەڭگەيدە ماقۇلدانعان جول كارتاسى دايىندالدى»، - دەگەن. 

ازاروۆتىڭ ايتۋىنشا، بۇگىندە بۇل جوبانىڭ جۇزەگە اسىرىلۋى تۋرالى سەنىمدى تۇردە ايتۋعا بولادى. ايتا كەتەتىن بولساق ەۋرازيالىق ەكونوميكالىق وداق قۇرۋ تۋرالى كەلىسىمگە 29 مامىر كۇنى، استانا قالاسىندا قول قويىلادى دەپ جوسپارلانۋدا.

اباي-اقپارات