پرەزيدەنت وركەسترىنىڭ ورىنداۋشىلارى اقبوپە ابىلبەكوۆا، گۇلشات بەكىشوۆا، ءاليا بەيسەن جانە ايجان جۇماباەۆا «كوركەم» اتتى ەتنو-اسپاپتار توبىن قۇردى. استانا، الماتى، كوكشەتاۋ، قاراعاندى قالالارىنىڭ تۋمالارىن تاعدىر تابىستىرىپ، ونەر جاقىنداستىرىپتى. اقبوپە قۇرمانعازى اتىنداعى قازاق ۇلتتىق كونسەرۆاتورياسىن، ال گۇلشات، ءاليا، ايجان بۇرىنعى قازاق ۇلتتىق مۋزىكا اكادەمياسىن اياقتاپتى. توپ مۇشەلەرى كىلەڭ قىزداردان قۇرالعاندىعى جانە كۇي تارتۋ بارىسىندا حورەوگرافيالىق قويىلىم قوياتىندىعىمەن ەرەكشەلەنەدى ەكەن. «كوركەم» توبىنىڭ مۇشەلەرى ونەر جولىنىڭ اۋىر ەكەنىن ءبىر كىسىدەي بىلەدى. سوندىقتان، تالماي، تانباي ەڭبەك ەتە بەرەدى. «تىڭدارماندار سىناسا دا، ماقتاسا دا سالقىنقاندىلىق تانىتامىز. سەبەبى، سىنادى ەكەن دەپ سىنىپ قالۋعا، ماقتادى ەكەن دەپ كوكىرەك كەرۋگە بولمايدى» دەيدى توپ مۇشەلەرى. بۇگىنگە دەيىن قىزدار بىرنەشە كۇي جازدىرىپ، بىرنەشە ساحنالىق كيىم تىكتىرىپتى. «كوركەم» ەتنو-اسپاپتار توبىنىڭ مۇشەلەرى دومبىرا، قىلقوبىز، پريما-قوبىز جانە سازسىرنايدا وينايدى.

اباي-اقپارات