پرەزيدەنت­تىڭ ماسكەۋ مەملەكەتتىك ۋنيۆەرسيتەتىندە سويلەگەن ءسوزىن تەلەارنالاردان كورىپ،

تىڭداعان قازاقستاندىق-تاردىڭ ورتاق ويى وسىنداي

بىرلەسكەن ۇمتىلىس

قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ ماسكەۋ مەملەكەتتىك ۋني­ۆەر­­سيتەتىندە سويلەگەن تەرەڭ ما­عىنالى ءسوزىن ۋنيۆەر­سي­تە­تىمىزدىڭ وقى­تۋشىلارى مەن ستۋ­دەنتتەرى ارناۋلى اۋديتوريا­دا زور ىقى­لاسپەن تىڭدادى. اتاقتى ءبى­لىم ورداسى ۇجىمى الدىندا ەل­باسىنىڭ ءسوز ارقاۋىن ەۋرازيالىق ەكو­نوميكالىق وداق قۇرىلۋىنا ارناپ، بۇل كۇندەگى وسىناۋ وزەكتى ماسەلەگە بايلانىستى بولۋى ەرەكشە ىنتا تۋعىزدى.شىندىعىن ايتقاندا، بارشا قازاقستاندىقتاردى تول­عانتقان ويلار بۇكپەسىزدىگىمەن دە، ساليقالى سالماقتىعىمەن دە كوڭىلدەن شىقتى. سوزدە نازار اۋدارتىلعانداي، ەۋرازيالىق ەكونوميكالىق وداق ەركىندىك پەن تەڭدىك ۇستانىمدارى نەگىزىندە قۇرالۋى تيىستىگى وتە ورىندى ۇسىنىس دەپ ەسەپتەيمىز. وداق­قا مۇشە ءۇش ەلدىڭ وزىندىك ەكونوميكالىق ەرەكشەلىكتەرى ەسكەرىلىپ، شارۋاشىلىق بايلا­نىستارعا بىردەي جاعداي جاسالۋ قاجەتتىگى دۇرىس تالاپ.

بۇگىنگى دامۋعا، ينتەر­گراتسيالىق قارىم-قاتىناستى تەرەڭدەتۋگە ەۋرازيالىق كەڭىس­تىكتەگى جاڭا باعىتتىڭ كەلەشەگى كەڭ بولماق­تىعى انىق. ول ەلىمىزدىڭ ەكونوميكاسىن ودان سايىن العا باستىراتىن جول. وسى ورايدا بىرلەسكەن ۇمتىلىس تاعى ءبىر ەكشەلىپ، ساراپقا سالىنۋى ءوز ۇستانىمىمىزدىڭ بەرىك­تىگىن كورسەتتى.

ارىستان عازاليەۆ،

قاراعاندى مەملەكەتتىك

تەحنيكالىق ۋنيۆەرسيتەتىنىڭ رەكتورى، ۇعا اكادەميگى.

ادامگەرشىل سيپاتتا اتاپ كورسەتىلدى

پرەزيدەنت نۇرسۇلتان نازار­باەۆتىڭ م.ۆ.لو­مونوسوۆ اتىنداعى ماس­كەۋ مەملەكەتتىك ۋني­ۆەر­سيتەتىندە سويلەگەن تاماشا دا تارتىمدى ءسوزى ەۋرازيالىق ەكو­نوميكالىق وداقتىڭ بۇعان دەيىن كوپ­شىلىك ءۇشىن بەي­مالىمدەۋ بولىپ كەلگەن گۋمانيستىك قىرلارىن اشىپ بەرۋىمەن ەرەكشەلەندى. اي­تالىق، ماسكەۋ مەم­لە­كەتتىك ۋني­­ۆەر­­­سيتەتىنىڭ اس­تا­­­­­نا­دا اشىلعان فيليا­لى قازاقستان مەن رە­سەي­دىڭ عىلىم مەن ءبىلىم سا­لاسىنداعى ءوزارا باي­لا­نىستارعا سەپتىگىن تيگىز­گە­نى، وسى ارقىلى في­ليال­دىڭ قىزمەتى جاڭا ماز­مۇنعا يە بولعانى اتاپ اي­تۋعا تۇ­رارلىق جايت.

ال الداعى ايلاردا قول قويىلادى دەپ كۇتىلگەن ەۋرا­زيالىق ەكونوميكالىق وداقتىڭ وزگە ەلدەرگە ۇل­گى بولا ءبىلۋى كەرەكتىگى جو­نىندەگى ەلباسى تالابى دا وتە اسقاق. بۇل، ءسوز جوق، ۇلكەن جاۋاپكەرشىلىك. مۇنداي ىستە ۇساق-تۇيەك اتىمەن بول­­ماۋعا ءتيىس. ويتكەنى، كەز كەلگەن بولماشى قا­تە­لىك نەمەسە تۇيمەدەي كەمشىلىك ورتاق ىسكە وراسان زور نۇقسانىن كەلتىرۋى مۇمكىن. ەۋرازيالىق ەكو­نوميكالىق وداقتىڭ قا­تارىنا كىرۋ سول مەملەكەت ءۇشىن ءتيىمدى بولاتىنىن دالەلدەۋ دە وڭاي ءىس ەمەس.الايدا، سوعان قاراماستان، ەۋرازيالىق ەكونوميكالىق وداق قاعيدالارى ءوزىنىڭ تولىققاندى ءبىتىم-بول­مىسىن تانىتۋى ءۇشىن ءبىز وسىلاي ىستەۋىمىز كەرەك، دەدى ەلباسى.

ەۋرازيالىق ەكونو­مي­كالىق وداقتىڭ ار­عى استارىندا تازا ەكونو­ميكالىق ينتەگراتسيا زاڭدىلىقتارى تۇرعانىمەن بۇعان قا­تى­سۋشى مەملەكەتتەر ءبىر-ءبىرىنىڭ تاريحىنان، ادە­بيەتى جانە مادەنيەتىنەن تۇسىنىك-حابارى از بولسا ەۋرازيالىق ەكونوميكالىق وداق تالاپتارى تولىققاندى كۇيىندە بولا الماس ەدى. ياعني، ينتەگراتسيا ۇردىسىنە قاتىسۋشىلار ءوزارا ءبىر-ءبىرىنىڭ مەملەكەتتىك تىل­دەرىن قولدانۋى كەرەكتىگىن دە ەسكە سالدى ەلباسى. سون­داي-اق، نۇرسۇلتان ءابىش­­ۇلىنىڭ سوزىندە ايتىلعان بۇل قاعي­دالار دا ماسكەۋلىكتەر تارا­پى­نان تۇسىنىستىكپەن قابىل­دانعانى قانداي عانيبەت.

مەملەكەت باسشىسىنىڭ قازاق جانە ورىس، اعىلشىن تىلدەرىن ءبىرىنشى سىنىپ­تان باستاپ وقىتۋ، ەۋرا­زيا­لىق حابار تاراتۋ قۇ­رىلىمدارىندا مەم­لە­كەتتىك ءتىلدى قولدانۋ قا­­جەت­تىگى جونىندە ايت­قان­دارى دا جاڭا ەكونومي­كا­لىق وداقتىڭ ادامگەرشىل سي­پاتىن ودان ءارى ايعاقتاي تۇسەدى.

اقسەرىك ءايتىموۆ،

قازاقستان  رەسپۋبليكاسىنىڭ قۇرمەتتى ينجەنەرى.

 ورال.

ۋنيۆەرسيتەتتەر بايلانىسى نىعايادى

قازاقستان مەن رەسەي ەجەلدەن كورشىلىك حاقىمەن الىس-بەرىس، بارىس-كەلىستى تەرەڭدەتكەن ەلدەر. ەكى ەلدىڭ اراسىندا اۋەلدەن ارىپتەستىك، ىسكەرلىك بايلانىس ورنىققان بولسا، ەندى مىنە، سول اراقاتىناسىمىز ەۋرازيالىق ىقپالداستىق تۇرىندە بۇرىنعىدان دا تەرەڭدەي تۇسكەلى وتىر. ەلباسى نۇرسۇلتان نازارباەۆ بۇل يدەيانى بۇدان 20 جىل بۇرىن كوتەرىپ ەدى. كوپتەگەن ساراپشىلار مەن ساياساتكەرلەر سول كەزدىڭ وزىندە ەۋرازيالىق ىقپالداستىقتىڭ ومىرشەڭدىگىن ءار قىرىنان سارالادى.

ەۋرازيالىق ىقپال­داستىقتىڭ جەمىسى ەكو­نو­ميكانىڭ ءار سالاسىندا عانا ەمەس، سونىمەن بىر­­گە، عىلىم مەن ءبىلىمدى بىر­لەسە دامىتۋدا دا كورىنە باس­تاۋى ءتيىس. نۇرسۇلتان نازارباەۆ بۇل ماسەلەگە م.ۆ.لومونوسوۆ اتىنداعى ماسكەۋ مەملەكەتتىك ۋني­ۆەرسيتەتىندە سويلەگەن سوزىندە جانە ءبىر رەت نازار اۋداردى. ەلىمىزدىڭ جاڭا ەلورداسىندا 2001 جىلدان بەرى ممۋ-دىڭ قازاقستاندىق فيليالى جۇمىس جاسايتىنىنا توقتالعان پرەزيدەنت: «سونىڭ ارقاسىندا بۇرىننان تاريحي بايلانىسى بار قازاقستان مەن رەسەيدىڭ عىلىمي ءبىلىم بايلانىستارى بۇگىندە جاڭا مازمۇنعا يە بولدى»، دەپ اتاپ ءوتتى.

ەكى ەلدىڭ جوعارى ءبىلىم بەرۋ جۇيەسىندەگى بايلانىس­تار شەكارالاس وڭىرلەردە دە قارقىن الىپ كەلەدى. سونىڭ ءبىر دالەلى رەتىندە رەسەي فەدەراتسياسىنداعى استراحان مەملەكەتتىك تەح­نيكالىق ۋنيۆەرسيتەتىمەن سۋ رەسۋرستارىن جانە ەكو­لوگيالىق ماسەلەلەردى تە­رەڭدەتە زەرتتەۋ جۇر­گى­­زۋ جونىندە كەلىسىم­شارت جاسادىق. استرا­حان مەملەكەتتىك ۋني­ۆەر­سي­­تەتىمەن دە تى­عىز باي­لا­­نىس ورناتقا­نىمىزدى ايتا الامىز. كەيبىر ما­مان­دىقتار بويىنشا ما­گيسترلەردى ەكى جوعارى وقۋ ورنىندا دا وقىتۋ جونىندە ورتاق مامىلەگە توقتادىق. سونان سوڭ ماگيسترانتتارعا قوس ديپلوم بەرىلەدى. جانە بىلتىردان بەرى ءبىزدىڭ ۋنيۆەرسيتەتىمىزدە رەسەيدىڭ عىلىمى مەن مادەنيەتى ورتالىعى جۇمىس جاساي­دى. ال الدىڭعى جى­لى قازاقستاننىڭ ما­دە­نيە­­تى مەن عىلىمىن رە­سەيلىكتەرگە كەڭىنەن تانىتاتىن ورتالىق رەسەيدىڭ قالماق مەملەكەتتىك ۋني­ۆەرسيتەتىندە اشىلعان بولاتىن. ەكى ەلدىڭ وقۋ ورىن­دارىنداعى ورتالىقتار ءوزارا عىلىمي، مادەني بايلانىستاردى نىعايتۋعا باسىمدىق بەرۋمەن بىرگە، ۋنيۆەرسيتەتتەر اراسىنداعى وقۋ ۇدەرىسىنىڭ ۇتقىرلىق، بىرلەسكەن عىلىمي جوبالار جاساۋ باعىتىنداعى زامان تالاپتارىنا ساي جۇ­مىستاردى جانداندىرۋعا ىقپال ەتەدى.

شەكارالاس وبلىستارداعى جوعارى وقۋ ورىندارىنىڭ ارىپتەستىك بايلانىسى اياسىندا ستۋدەنتتەر الماسۋ جولعا قويىلدى. عىلىمي جوبالاردى ىسكە اسىرۋداعى تاجىريبەلەرىمىزبەن دە ءبولى­سىپ تۇرامىز. بۇل باسەكەگە قابى­لەتتى ماماندار دايىنداۋ­دا ءوز جەمىسىن بەرەتىندىگى داۋسىز.

بەيبىت مامىراەۆ،

ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ رەكتورى، پروفەسسور.

اتىراۋ.

بايىپتى باعدار

بۇگىندە ەلىمىز ءۇشىن حالىق­ارالىق قارىم-قاتىناستاردى دامىتۋ وتە وزەكتى بولىپ وتىر. ونىڭ ىشىندە كەشەگى تاريحي كەزەڭدەر قالىپتاستىرعان، بۇ­رىننان ءبىر-ءبىرىمىزدى بىلەتىن مەملەكەتتەر اراسىنداعى الەۋ­مەتتىك-ەكونوميكالىق ارىپ­تەس­تىكتىڭ ورنى ەرەكشە.

ەلباسى نۇرسۇلتان نازار­باەۆتىڭ ماسكەۋ مەملەكەتتىك ۋنيۆەرسيتەتىندەگى ستۋدەنت-جاس­تار الدىندا سويلەگەن سوزىندە قوعامدا كوپتەن بەرى ءتۇرلى پى­كىر تۋعىزعان ەۋرازيالىق ەكو­نو­ميكالىق وداق اياسىنداعى ينتەگراتسيا جان-جاقتى ايتىلدى. مەملەكەت باسشىسى رەسەي فەدەراتسياسىنىڭ استاناسىندا اتالعان وداقتىڭ نارىقتىق-ەكونوميكالىق تۇرعىدان تيىم­دىلىگىن جان-جاقتى تالداپ بەردى. سونداي-اق، بۇرىنعى كەڭەس ودا­عىنىڭ «جاڭعىرۋى» تۋرالى الىپقاشپا سوزدەردىڭ نەگىزسىز ەكەنىن جەتكىزدى.

مۇنىڭ ءبارى ءبىزدىڭ ەكى ەل اراسىندا قالىپتاسقان دوستىق بايلانىستاردى ودان ءارى نىعايتا تۇسۋگە سەپتىگىن تيگىزەدى. ويت­كەنى، رەسەي مەن قازاقستان جوعارى وقۋ ورىندارىنىڭ اراسىندا تىعىز بايلانىس بار. شىعىس وڭىرىندەگى وقۋ ورىندارى دا رەسەيدىڭ وب­لى­سىمىزبەن شەكتەسەتىن سۋبەك­تىلەرىندە ورنالاسقان وقۋ ورىندارىمەن ءوزارا تاجىريبە الماسىپ، ەكى ەل جاستارى تاڭ­داعان ماماندىقتارىندا ءبىلىم الىپ جاتىر. ياعني، شىعىس­قازاقستاندىق جاستار التاي ايماعىندا، رەسەيلىك جاستار شىعىس وڭىرىندە ءبىلىم الۋىنا بارلىق مۇمكىندىكتەر جاسالعان. بۇل – ەلباسى نۇرسۇلتان نازار­باەۆتىڭ باستاماسىمەن قۇرىلىپ جاتقان ەۋرازيالىق ينتەگراتسيانىڭ ءىس جۇزىندەگى تيىمدىلىگىن كورسەتەدى.

سونداي-اق، پرەزيدەنت سو­زىندە عىلىمي-تەحنيكالىق ارىپ­تەستىكتى جەتىلدىرۋ، نانوتەح­نو­لوگيا، گەندىك ينجەنەريا سياق­تى ماڭىزى زور جەتەكشى عى­لىمداردىڭ ەلىمىزدىڭ ين­دۋس­تريالاندىرۋىنىڭ جاڭا كەزەڭىن جۇزەگە اسىرۋعا مول پايداسى بار ەكەنىن ەرەكشە اتاپ ءوتتى.

2007 جانە 2009 جىلدارى ۋنيۆەرسيتەتىمىزدە ءبىر توپ عالىمداردىڭ قاتىسۋىمەن «تاۋەلسىز قازاقستاننىڭ تۇڭعىش پرەزيدەنتىنىڭ كەلبەتى» اتتى قوس تىلدە جارىق كورگەن جيناق اۆتورلارىنىڭ ءبىرى رەتىندە ەلباسىمىزدىڭ ەلىمىزدى بايىپتى باعدارمەن بولاشاققا باستاپ كەلە جاتقانىن بايقاۋعا بولادى.

فارزانا احمەتجانوۆا،

س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ پروفەسسورى.

جاڭا كەزەڭدەر باستاۋى

مەملەكەت باسشى­سى نۇرسۇلتان نازار­باەۆ­تىڭ رەسەيلىك عى­لىمي قوعامداستىقتىڭ بيىك مىنبەرىنەن «مەم­لەكەتتەردىڭ ەۋرا­زيالىق وداعىن قۇرۋ تۋرالى» جو­بانى ۇسىنعانىن قا­زاق­ستاندىقتار ۇمىتا قويعان جوق. سول كەزدەگى تاريحي وقيعالارعا كۋا­گەرلەردىڭ ءبىرى رەتىندە مەن پرەزيدەنتتىڭ ممۋ-دەگى ءسوزىن زور ىج­داھاتپەن تىڭداپ، ەلدەر اراسىنداعى تۇر­پا­تى وزگەشە ساۋ­دا-ەكو­نو­ميكالىق ىنتى­ماق­تاس­تىقتىڭ مۇلدە جاڭا سترا­تەگياسىنىڭ وزگە­لەرگە ۇلگى رەتىندە ۇسى­نىل­عا­نىن ەرەكشە شابىتپەن ەستىپ-ءبىلدىم.

سوڭعى 20 جىل ەلبا­سىمىز بەلگىلەپ بەرگەندەي، ەۋرازيالىق ين­تەگراتسيالىق دامۋدىڭ جاڭا كوكجيەك­تەرىن اي­قىنداپ بەرگەن بەلەستى كەزەڭدەرگە تولى بولدى. وسى ۋاقىت ىشىندە پرە­زيدەنتىمىزدىڭ الىستى بولجاي بىلەتىن كورەگەندىك، سۇڭعىلالىق ساياساتكەرلىگى تاعى ءبىر قىرىنان تانىل­عانىن قالىڭ جۇرتشىلىق قاپىسىز ۇقتى. ءبىز بۇگىنگى كۇنى نۇرسۇلتان ءابىشۇلىن ەۋرازيالىق جوبانىڭ باس ارحيتەكتورى رەتىندە زور ماقتانىش تۇتامىز. ويتكەنى، ءبىر كەزدەرى ماڭگى ايىرىلماستاي، ىدىراماستاي كورىنگەن كەڭەس وداعىنىڭ ودان ءارى پوست­كەڭەستىك كەڭىستىكتىڭ سايا­سي جانە ەكونوميكالىق ورنىقتىرۋدىڭ ينتە­گرا­تسيالىق يدەيالارىن اي­قىن باتىلدىقپەن ۇسىنعان ەەو جوباسى ءبولىنۋدىڭ ەمەس، كەرى­سىن­شە، بىرىگۋدىڭ باسىم قاعيداتتارىن بەلگىلەپ بەر­گەنىن قازىر الەمدىك قاۋىمداستىق مويىنداپ وتىر.

ەلباسىمىزدىڭ سول كەزدەگى باتىل باستاماسى بۇگىندە ءومىر شىندىعىنا اينالىپ، ينتە­گراتسيالىق مودەلدىڭ جاڭا ۇلگىسىن ءتۇزىپ بەردى. ونىڭ اي­قىن مىسالىن كەدەن وداعى جانە بىرىڭعاي ەكو­نوميكالىق كەڭىستىك جۇ­يەسىندە ءبىر-بىرىمەن تىعىز ارىپتەستىك قارىم-قاتىناستا، ءبىرتۇتاس نا­رىق كەڭىستىگىندە ساۋدا-وندىرىستىك ۇدەرىستەر باعى­تىندا ءوزارا تۇسى­نىستىك، جاۋاپكەرشىلىكتىڭ قولجە­تىمدى ۇلگىسىن تانىتىپ كەلە جاتقان ءۇش مەملەكەتتىڭ جەتەكشى رولىنەن ايقىن اڭعارۋعا بولادى.

مەنىڭشە، بۇگىنگى كۇنى جوعارى دەڭگەيگە كو­تەرىلگەن ەۋرازيالىق ينتەگراتسيا مودەلىنەن ساياسي استار ىزدەۋدىڭ ەش قاجەتى جوق. ەلىمىز ءوز ىرعاعىمەن دامىپ كە­لەدى. ونىڭ جارقىن ۇل­گىلەرىن بارلىق سالادان كەزىكتىرۋگە بولادى. ەل­باسىمىز ماس­كەۋدىڭ تو­رىندە سويلەگەن سوزىندە اتاپ وتكەن­دەي، ەۋرازيالىق ەكو­نو­­­ميكالىق وداق قۇرۋ­دىڭ باس­تى ماق­سا­تى ەگە­مەن­دىككە قول سۇعىل­ماي­تىن، ەر­كىن­­دىلىك قاعي­داتتارىنا نەگىز­دەلگەن وي-پى­كىر­لەر­دىڭ ۇندەسۋىمەن ەرەك­شە­لەنەدى.

كارىباي مۇسىرمان،

قازاقستان حالقى اسسامبلەياسىنىڭ مۇشەسى،

سولتۇستىك قازاقستان وبلىستىق ءماسليحاتىنىڭ دەپۋتاتى.

 پەتروپاۆل.

تۇيتكىل تۇستاردىڭ ءتۇيىنىن شەشىپ ايتتى

ەلباسى نۇرسۇلتان نازارباەۆ م.ۆ.لومونوسوۆ اتىنداعى ماسكەۋ مەم­لە­كەتتىك ۋنيۆەر­سيتە­تىن­دە سويلەگەن سوزىندە جۇرت­شىلىق كوڭى­لىندە جۇر­گەن كۇردەلى ماسەلەلەردىڭ ءتۇيىنىن شەشكەندەي بولدى. وندا كەڭەس وداعىنا قايتا ورالۋدىڭ بولمايتىنى قاداپ ايتىلدى. ويتكەنى، كەدەن وداعى قۇ­رىلعان كەزدە بۇل كەڭەس وداعىن قايتا قۇرۋعا اپا­راتىن جول دەگەندى ايت­قاندار از بولماعان. ەلباسى ماسكەۋلىكتەردىڭ الدىندا بۇرىنعى قامىتتى قايتا كيۋدىڭ بولمايتىنىن اشىپ ايتتى. تاۋەلسىزدىك بار­لى­عىمىزعا دا قىمبات.

ەكىنشىدەن، نۇرسۇلتان ءابىشۇلىنىڭ ەۋرازيالىق وداقتىڭ باسقارۋشى ورگاندارىن استاناعا ورنالاستىرۋ تۋرالى ايتقان ويى دا بۇرىن قۇرامىندا بولعان ەلدەردىڭ ەشقايسىسى دا كەڭەس وداعىنا قايتا ورالمايتىنىن دالەلدەيدى. ەۋرازيالىق ەكونوميكالىق وداق تۋرالى باستاما كو­تەرگەن كەزدە-اق مۇنى سايا­سي وداق دەپ تۇسىنگەندەر بولدى. بۇل ساياسي ەمەس، تازا ەكونوميكالىق وداق، تەڭ، تاۋەلسىز ەلدەردىڭ ينتەگراتسياسى. كورشىلەرمەن، جالپى الىس-جاقىن شەت ەلدىڭ قايسىسىمەن بولسا دا الىس-بەرىس جاساۋ كەرەك. حالقىمىز «ادامنىڭ كۇنى اداممەن» دەگەن ەمەس پە؟ مەملەكەتتەر دە ءبى­رىنىڭ كەرەگىن بىرىنەن الىپ، قارىم-قاتىناس جاساسا، ەكى جاقتىڭ دا جوعى تۇ­گەندەلەدى. بۇل ولاردىڭ ەكو­نوميكالىق-الەۋمەتتىك دامۋىنا جول اشادى. ەلباسى ءاردايىم ايتىپ جۇرگەن «الدىمەن – ەكونو­ميكا» ۇعىمى بۇل جولى تا­عى دا دالەلدەدى.

مەملەكەت باسشىسىنىڭ ۋكرايناداعى جاعدايعا بايلانىستى ويلارى ونى تىڭداعان كىمنىڭ دە بولسا كوكەيىندەگىنى ءدوپ باستى دەپ ويلايمىن. ول ۋكراين حالقىنىڭ تاعدىرىن تەك ۋكرايندار عانا شەشە الاتىنىن، وعان سىرتتان ەشكىمنىڭ ارالاسپاۋى كەرەكتىگىن ايتتى. بۇل ناعىز ادىلەتتى تۇجىرىم ەمەس پە؟ ءداستۇرى، ءتىلى، ءدى­لى، جەرى، سۋى بولەك ەلگە سىرت­تان قالاي ءوز دەگەنىن تاڭۋعا بولادى؟ ەلباسىنىڭ سوزىنەن بىرەۋدىڭ ىسىنە ارالاسپا، تەك ۇلگىڭدى كورسەت دەگەن حالىقتىڭ دانالىق ەمەۋرىنىن تۇسىنگەندەي بولدىم. پرەزيدەنتتىڭ بۇل ويى قازاقستان ۇستانعان ساياسات دەپ تۇسىنگەنىمىز ابزال.

ەركىن ءابىل،

قوستاناي مەملەكەتتىك پەداگوگيكالىق ينستيتۋتىنىڭ  پرورەكتورى،  تاريح عىلىمدارىنىڭ 

دوكتورى.

قوستاناي.

"ەگەمەن قازاقستان" گازەتى