اتا مەكەننىڭ توپىراعىن الشاڭاداي باسىپ، قازاقستان مەملەكەتىنىڭ ازاماتى اتانۋعا نەيەتتى قانداستارىمىز كوپ شەتەلدە. سولاردىڭ ءبىرى رەجيسسەرلىگىمەن اتى الەمگە تانىلعان، كينو جانە جارناما سالاسىنىڭ مامانى - ەرزات باتايۇلى دەپ حابارلايدى «قازاقستان» تەلەارناسىنىڭ بەيجىڭدەگى ءتىلشىسى داۋرەن ومارۇلى. قىتايداعى قانداستارىمىزدىڭ اراسىنان ونەرى ورگە وزعان قانداسىمىز ەرزات “Nokia”، “Mersedes-benz”، “BMW”، “Nike”، “Adidas” سياقتى تانىمالى برەندتەردىڭ جارانامالارىن ءتۇسىرىپ، ءتۇرلى حالىقارالىق فەستيۆالدەردە توپ جارىپتى. 2009 جىلى فرانتسيادا وتكەن كان فەستيۆالىندە باس جۇلدە - “التىن ارىستاندى” يەلەنگەن “Nokia N96” سمارتفونى جارناماسى اۆتوررلارىنىڭ ءبىرى وسى قانداسىمىز ەرزات باتايۇلى.

2007 جىلدان بەرى ەلگە بىرنەشە رەت كەلگەن ول، ازاماتتىق الۋ ءۇشىن قاجەتتى قۇجاتتاردى دايىنداپ جۇرگەنىندە، ەلىمىزدىڭ كوشى- قون تۋرالى زاڭىنا ەنگەن وزگەرىس جولىن بوگەگەنىن ايتادى. جاڭا زاڭعا سايكەس قازاقستان ازاماتتىعىن الۋ ءۇشىن قانداستارىمىز قىتاي ازاماتتىعىنان شىعۋى، ول جاقتاعى تىركەۋدەن ءوشىرىلۋى كەرەك. ال قىتاي مەملەكەتى ءوز ازاماتتارى باسقا ەلدىڭ ازاماتتىعىن قابىلداماي تۇرىپ ونداي تالاپتى ورىندامايدى. قازاق كوشىنە كەرەعار كەلگەن وسىنداي زاڭنىڭ كەسىرىنەن تاۋى شاعىلعان ەرزات: ء“وز ەلىڭە ورالا الماي جاتقانىڭ قيىن ەكەن، جوعارىداعى كىسىلەر ءىس بىتىرە الماي ما، الدە ءبىزدىڭ تالانتىمىز، ۇسىنىسىمىز جەتپەيمە، تۇسىنبەيمىن”- دەپ كەيدى.

اباي-اقپارات