قازاق بالاسى قۇتقارۋ بىلەزىگىن ويلاپ تاپتى.

«نۇر» دەپ اتالاتىن الگى بىلەزىكتى اقتوبەلىك ونەرتاپقىش اسقار قادىروۆ ويلاپ تاۋىپتى. ول بىلەزىكتى مەملەكەتتىك زياتكەرلىك مەنشىك ينستيتۋتى مويىنداپ، تىركەگەن. بۇدان بىلاي بۇل بىلەزىك الەمدەگى ىڭعايسىز ءارى سۋعا باتقان ادامنىڭ جۇزۋىنە كەدەرگى بولىپ كەلە جاتقان قۇتقارۋ كەۋدەشەسىن الماستىرۋى عاجاپ ەمەس.

«نۇر-بىلەزىكتىڭ» قۇرىلىمى قاراپايىم عانا. ول قولساعات سەكىلدى ادامنىڭ بىلەگىنە تاعىلادى. ادام سۋعا باتا باستاسا، بىلەزىكتىڭ باتىرماسىن باسا سالۋى كەرەك. سول بويدا پلاستماسسا قابىققا جاپسىرىلعان گازدى باللون شاردى ۇرلەيدى دە،باتقان ادامدى سۋ بەتىنە يتەرىپ شىعارادى.

بۇل بىلەزىكتىڭ ەرەكشەلىگى مەن كەمەلدىگى – قاراپايىمدىعى مەن يكەمدىگىندە. ادەتتە بىلەزىك بولا تۇرىپ، باتقان ادامعا قىزمەت ەتىندىگىندە. اسقاردىڭ ايتۋىنشا، «كازىرگى قۇتقارۋ كەۋدەشەسى ادامدى سۋ بەتىندە تىرپ ەتكىزبەيدى جانە قوزعالۋعا مۇرسات بەرمەيدى».

 ونەرتاپقىشتىڭ ايتۋىنا قاراعاندا،  «بىلەزىكتى قولدانۋ مەن جازدا سۋعا تۇسكەن ادامداردىڭ قاۋىپسىزدىگىن ساقتاۋ مۇمكىندىگى بيىلدىڭ وزىندە جۇزەگە اسپاق. تەك قانا ينۆەستورلار تاراپىنان بەلسەندى تۇردە قولداۋ مەن قارجى سالۋ جاعى قالىپ وتىر».

اۆتوردىڭ ەسەبىنشە، عاجاپ-بىلەزىك جاپپاي ءوندىرۋ قولعا الىنسا، اركىمگە دە قولجەتەرلىك نارسەگە اينالىپ، بار بولعانى 550-950 تەڭگە شاماسىندا ساتىلماق.

اباي-اقپارات