سەنبى, 8 تامىز 2020
COVID-19 قازاقستاندا. جۇقتىرعاندار — 97829. جازىلعاندار — 71609. قايتىس بولعاندار — 1058
بۇ نە مازاق؟ 6455 0 پىكىر 25 تامىز, 2014 ساعات 23:54

قۇرمانعازى - پۋشكين: بۇگىنگى ءىس

1. تۇسكى 13.00 الەتىندە قۇرمانعازى-پۋشكين كوشەلەرىنىڭ قيىلىسىنداعى گەي-كلۋبتىڭ الدىنا "الاشۇلى" توبىنىڭ ءانشىسى ماقسات راحمەتتىڭ شاقىرۋىمەن 40-50-گە تارتا ونەر ادامدارى، اكتەرلەر جينالدى. ولاردىڭ ىشىندە ساكەن مايعازيەۆ، ارتۋر تولەپوۆ، اسىلحان تولەپوۆ سەكىلدى بەلگىلى تۇلعالار دا بار.
ولار نارازىلىعىن ءبىلدىردى. "ەگەر 1 اپتانىڭ ىشىندە وسى كلۋبقا قۇلىپ سالىنباسا، ورتەپ جىبەرۋدەن دە تايىنبايمىز" دەگەن ۋلتيماتۋم قويدى.

2. ءتۇس قايتا 15.30 الەتىندە باقىتجان بۇحارباي، رۋسلان جەلدىباي، ياكوۆ فەدوروۆ، نۇركەن حالىقبەرگەن باستاعان الماتىلىق بلوگەر، جۋرناليست جاستار الماتى قالالىق ءىىب-نا ارىزدى تاپسىردى. ەندى ءدال وسى ارىزدىڭ نۇسقالارى پروكۋراتۋرا مەن اكىمشىلىككە تۇسىرىلەدى. ەرتەڭ تەرگەۋشى بەكىتىلەدى. جاۋاپ كۇتىلەدى.

3. ءتۇس قايتا وسى بالەكەتتى جاساعان Havas Worldwide Kazakhstan اگەنتتىگى كەشىرىم سۇرادى. ازىرگە فەيسبۋكتەگى بەتىندە. "مى رازرابوتالي ەتۋ يدەيۋ دليا ۋزكوگو كرۋگا ليتس، دليا تسەنترالنوازياتسكوگو فەستيۆاليا رەكلامى Red Jolbors ۆ بيشكەكە ي پولۋچيلي زا نەە برونزۋ. مى نە وجيدالي، چتو پرينت ۆىزوۆەت تاكوي نەبىۆالىي رەزونانس ۆ سوتسيالنىح سەتياح ي پرەسسە. ۆيجۋال نە يسپولزوۆالسيا دليا نارۋجنوي رەكلامى ي نە بىل پرەدنازناچەن دليا رازمەششەنيا گدە-ليبو. سام جە ون كوممۋنيتسيرۋەت پەرەسەچەنيە ۋليتس، گدە راسپولوجەن ەتوت تەماتيچەسكي كلۋب. مى پرينوسيم يسكرەننيە يزۆينەنيا تەم، كوگو وسكوربيل يلي پوكوروبيل ەتوت ماكەت. پريزناۆايا بەستسەننىي ۆكلاد ۆ كۋلتۋرۋ ۆەليكوگو رۋسسكوگو پوەتا ي ۆەليكوگو كازاحسكوگو كومپوزيتورا، مى وفيتسيالنو سووبششاەم، چتو داننىي پرينت نە بۋدەت راسپەچاتان، رازمەششەن يلي وپۋبليكوۆان ۆ پلاتنىح مەديا".

جوسپار

ەندى بۇل شارانى استانالىقتار ءىلىپ اكەتىپ، ارىزدى جەرگىلىكتى اكىمشىلىككە، پارلامەنت دەپۋتاتتارىنا، ادام قۇقىعىن قورعاۋ جونىندەگى كوميسسيا سەكىلدى قۇزىرلى ورگاندارعا جولداۋ كەرەك.

وركەن كەنجەبەكتىڭ فەيسبۋكتەگى پاراقشاسىنان الىندى.

 

الماتى قالالىق ءىىب باسشىسىنا
الماتى قالاسىنىڭ پروكۋرورىنا


ارىز

23-24 تامىز ارالىعىندا Red Jolbors Fest جارناما بايقاۋىندا قازاقتىڭ اتاقتى كۇيشىسى قۇرمانعازى مەن ورىستىڭ ۇلى اقىنى پۋشكيننىڭ سۇيىسكەن سۋرەتى جارناما بايقاۋىنان قولا مەدال الدى. بۇل جارنامانىڭ اۆتورى - "Havas Worldwide Kazakhstan" جشس، تاپسىرىس بەرۋشى - لگبت قاۋىمداستىعى. جۇمىس توبى مۇشەلەرى: رومان ستراتيچۋك، بوريس كليموۆ، كسەنيا بەرەزوۆسكايا، سەرگەي ستارىح، ۆالەري ۆولودين، ولجاس يسەنوۆ. بۇل جارنامالىق سۋرەت الەۋمەتتىك جەلىلەردە كەڭىنەن تارالىپ، حالىقتىڭ نارازىلىعىن، اشۋ-ىزاسىن تۋدىردى.

بىرىنشىدەن، بۇل جارنامالىق سۋرەتتە قازاق جانە ورىس حالقى ءۇشىن قۇندىلىق بولىپ تابىلاتىن ۇلى تۇلعالاردى وسىنداي كەيىپتە سۋرەتتەۋ، ياعني ۇلى تۇلعالاردى گوموسەكسۋاليست كەيپىندە بەينەلەۋ تىكەلەي ۇلتتى قورلاۋ، الاۋىزدىق تۋدىرۋ بولىپ تابىلادى. سوندىقتان، قر كونستيتۋتسياسىنىڭ 14-بابىندا، ياعني «تەگىنە، الەۋمەتتىك، لاۋازىمدى، مۇلىكتىك جاعدايىنا، جىنىسىنا، ناسىلىنە، ۇلتىنا، تىلىنە، دىنگە كوزقاراسىنا، نانىمىنا، تۇرعىلىقتى جەرىنە بايلانىستى نەمەسە كەز كەلگەن وزگە جاعداياتتار بويىنشا ەشكىمدى ەشقانداي كەمسىتۋگە بولمايدى» انىقتالعان جايت بويىنشا تەكسەرىس جۇرگىزۋ قاجەت.

ەكىنشىدەن، اتالمىش سۋرەت تىركەلمەگەن لگبت قاۋىمداستىعىنىڭ تاپسىرسىن ورىنداۋ بولىپ تابىلادى. ابتك 374-بابىنىڭ ءبىرىنشى تارماعىندا «تىركەلمەگەن قوعامدىق ۇيىمدار جۇمىسىنا قاتىسسا، اەك ەلۋ ايىپپۇل سالۋعا اكەلىپ سوعادى». سوندىقتان، وسى تىركەلمەگەن ۇيىم مۇشەلەرىن تاۋىپ، انىقتاۋدى، زاڭدىق تۇرعىدان قاراستىرۋدى سۇرايمىز.

ۇشىنشىدەن، بۇل قازاقستان رەسپۋبليكاسىنىڭ «جارناما تۋرالى» زاڭىنىڭ 6-بابىن، ياعني «جارناما قازاقستان رەسپۋبليكاسىنىڭ كونستيتۋتسيالىق قۇرىلىسىن كۇشتەپ وزگەرتۋدى، تۇتاستىعىن بۇزۋدى، مەملەكەت قاۋىپسىزدىگىنە نۇقسان كەلتۋرىدى، الەۋمەتتىك، ناسىلدىك، ۇلتتىق، ءدىني، تەكتىك-توپتىق جانە رۋلىق ارازدىقتى قوزدىرۋدى، قاتىگەزدىك پەن زورلىق-زومبىلىققا باس ۇرۋدى، پورنوگرافيانى ناسيحاتتاۋعا نەمەسە ۇگىتتەۋگە پايدالانىلماۋعا، سونداي-اق قازاقستان رەسپۋبليكاسىنىڭ مەملەكەتتىك قۇپيالارىن قۇرايتىن مالىمەتتەردى جانە زاڭمەن قورعالاتىن وزگە دە قۇپيالاردى تاراتۋ ءۇشىن پايدالانىلماۋعا ءتيىس» جانە 7- بابىن، ياعني «جەكە تۇلعالاردىڭ ناسىلىنە، ۇلتىنا، تىلىنە، كاسىبىنە، الەۋمەتتىك جاعدايىنا، جاسىنا، جىنىسىنا، ءدىني، ساياسي جانە وزگە دە نانىمىنا قاتىستى قورلايتىن سوزدەردى، تەڭەۋلەردى، بەينەلەردى پايدالانۋ ارقىلى جالپىعا بىردەي قابىلدانعان ىزگىلىك پەن مورال نورمالارىن بۇزاتىن ماتىندىك كورىنىستى، دىبىستىق اقپاراتتى قامتيتىن; ۇلتتىق نەمەسە الەمدىك يگىلىك بولىپ تابىلاتىن ونەر، مادەنيەت وبەكتىلەرىنە، تاريح ەسكەرتكىشتەرىنە نۇقسان كەلتىرەتىن جارناما ادەپسىز جارناما بولىپ تابىلادى» دەگەنىن ورەسكەل بۇزىپ تۇر. ال ابتك 349-بابى بويىنشا «قازاقستان رەسپۋبليكاسىنىڭ زاڭدارىمەن جارنامالاۋعا تىيىم سالىنعان تاۋارلاردىڭ جارناماسىن شىعارۋ، تاراتۋ، ورنالاستىرۋ جانە پايدالانۋ جەكە تۇلعالارعا اەك ەلۋدەن جۇزگە دەيىنگى مولشەرىندە، شاعىن جانە ورتا كاسىپكەرلىك سۋبەكتىلەرى جۇزدەن ءجۇز ەلۋگە دەيىنگى مولشەرىندە ايىپپۇل سالۋعا اكەلىپ سوعادى» دەپ كورسەتىلگەن. سوندىقتان، اتالمىش جارنامالىق سۋرەت اۆتورلارىن، تاپسىرىس بەرۋشىلەرىن زاڭدىق جاۋاپقا تارتۋدى سۇرايمىز.

وسى كورسەتىلگەن جايتتار بويىنشا تەز ارادا زاڭدىق تەكسەرىس جۇرگىزىپ، شارا قابىلداۋدى سۇرايمىز.

0 پىكىر