جەكسەنبى, 5 ءساۋىر 2020
COVID-19 قازاقستاندا. جۇقتىرعاندار — 531. جازىلعاندار — 36. قايتىس بولعاندار — 5
وسى عوي ەندى... 6802 0 پىكىر 11 شىلدە, 2014 ساعات 10:00

«ساپسەم»، «داجە»، «ۆولنوۆاتسا ەتىپ»...

ءتىلىمىزدىڭ تازالىعى تۋرالى اڭگىمە سوڭعى ۋاقىتتاردا نازاردان تىس قالىپ بارادى. ويتكەنى، مۇلدە سويلەمەيتىندەرگە نازارىمىزدى كوپ اۋدارىپ، قازاقشا سويلەۋگە ءتيىستى ازاماتتارىمىزدىڭ ءوزىنىڭ  دۇرىس سويلەۋى، ءتىل تازالىعى جايلى اڭگىمەنى ىسىرىپ قويعاندايمىز. بىراق بۇل ەشقاشان دا ەستەن شىعارىلاتىن ماسەلە ەمەس. اۋىزەكى تىلدە ورىس سوزدەرىن ورىنسىز قولدانۋ ءتىلىمىزدى جۇتاڭداتىپ، ءتول سوزدەرىمىزدىڭ قولدانۋ اياسىن تارىلتا تۇسەدى. بۇرىننان ەنىپ، ءسىڭىستى بولىپ كەتكەن «ساپسەم»، «داجە» دەگەندەر تۇگىلى قازىر قازاقتىڭ «ەتىپ» دەگەن ەتىستىگىن قوسىپ الىپ، ورىس سوزدەرىن قازاقىلاندىراتىن «مودا» شىقتى. مىسالى، «ۆولنوۆاتسا ەتىپ»، «وپازدات ەتىپ» ت.ت.س. ونىڭ ۇستىنە قويىرتپاق ءتىلدى قويۋلاتا تۇسەتىن ءبىر تەلەجۇرگىزۋشىلەر شىعىپ ءجۇر. وندايلار وزدەرىنىڭ قويىرتپاق تىلىنە وزدەرى ءماز بولىپ، جۇرتتى كۇلدىرمەك بولادى.     

         وسى، ورىستان ەنىپ، قۇلاققا ءسىڭىستى بولىپ بارا جاتقان جوعارىداعىداي سوزدەردى تەرىپ، ولاردىڭ قازاق تىلىندەگى قىسقا دا، نۇسقا سوزدىگىن قامتىعان ماقالا جازۋدى قولعا الماقپىز. ماسەلەن، وندا جوعارىدا ايتىلعان «داجەنىڭ» ء«تىپتى»، «سوۆسەمنىڭ» «مۇلدە» دەگەن سياقتى قازاقشا جەڭىل اۋدارمالارى بارىن كورسەتۋدى كوزدەيمىز. سوعان، ءتىل جاناشىرلارى، سىزدەردىڭ كومەكتەرىڭىز قاجەت. كۇندەلىكتى ومىردەگى سويلەمدەرىمىزگە «باسقىنشىلىقپەن» ەنىپ بارا جاتقان ءوزىڭىز بىلەتىن ورىس سوزدەرىن «ەگەمەننىڭ» سايتىنا سالىپ تۇرۋلارىڭىزدى وتىنەمىز. ال ءبىز «ەگەمەننىڭ» بەتىندە شىعاتىن بولاشاقتاعى ماقالامىزدا سولاردىڭ قازاقشا جەڭىل بالاماسىن كورسەتەر ەدىك. ەگەمەننىڭ سايتى: «egemen.kz» ەكەنىن ەستەرىڭىزگە سالامىز.

 

قۇرمەتپەن جاقسىباي سامرات، شولۋشى

Abai.kz     

0 پىكىر