الماتى قالاسىندا كوبەلەك سۋرەتى سالىنعان جانە ۇگىت جۇرگىزگەن انايى ءماتىنى بار پاراقشالار جەر استى وتكەلدەرى مەن ايالدامالاردا جانە ترانسفورماتور جاشىكتەرىندە جاپسىرىلعان. «ەكسپرەسس ك» گازەتىنىڭ جازۋىنشا، وندا «مەن گەندەركۆيرمىن»، «مەن وسى اۋماقتا جۇمىس ىستەيمىن»، «مەن بيسەكسۋالمىن جانە وسى ساياباقتا كەشتەردە قىدىرامىن»، «مەن قىزتەكەمىن جانە وسى ءدامحانادا تۇستەنەمىن» دەگەن سياقتى جازۋلار جازىلعان. وسىنداي حابارلاندىرۋلار جازىلعان پاراقشالار الماتىنىڭ قوعامدىق ورىندارىندا پەريودتى تارتىپپەن جاپسىرىلىپتى. وكىنىشتىسى: وسىنداي اشىق جارنامالارداعى بەيادەپ قاتىناستار بۇگىندە ەشكىمدى تاڭقالدىرمايتىن بولىپ بارادى.  

گەندەركۆير تەرمينى العاش رەت 2001 جىلى ينتەرنەتتە  پايدا بولىپتى. بۇل تەرميندى تۋعىزۋشىلار تولقۇجاتتا ەر نەمەسە ايەل زاتى ەكەندىگىن كورسەتۋگە قارسى.  سەبەبى ولار ادام تۋىلا سالا ءوزىنىڭ كىم ەكەنىن ايىرۋعا قابىلەتسىز دەپ سانايدى ەكەن. العاشىندا گەندەركۆيردى تالقىلاۋ بارىنە كۇلكىلى بولعانىمەن، كەيبىر ەلدەردە ولاردىڭ يدەياسى ءوز ومىرشەڭدىگىن كورسەتە باستاپتى. ەۋروپادا ءتىپتى گەندەركۆير بالاباقشاسى اشىلعان، بالالار وندا ءوز جىنىستارىن ايتپايدى جانە قىز بالا بولىپ نەمەسە ۇل بالا بولىپ وينامايدى ەكەن. ءبىر جىنىستىلاردىڭ نەكەسى باتىستا ارنايى مويىندالدى. ادامداردىڭ ازعىنداعانى سونشا، ادامدى حايۋانمەن نەكەلەستىرەتىن دە جاسىرىن ۇيىمدار بار كورىنەدى.

گەندەركۆير ەندى قازاقستانعا دا جەتكەن سياقتى. ولاردىڭ ەستافەتاسى قىزتەكەلەر مەن ءبىر جىنىستى قاتىناستى قالايتىنداردى شىرعالۋمەن توقتاماق ەمەس.  «ەكسپرەسس ك» گازەتى گاگارين كوشەسىندەگى (الماتى قالاسى) اللەيادا جينالعان جاس انالاردىڭ الگى  پاراقشالارعا قارسى بىلدىرگەن نارازىلىقتارى تۋرالى جازدى. ولار كوشەدە ىلىنگەن  گەندەركۆير پاراقشالارىن جىرتىپ، بۇنى جاي قالدىرۋعا بولمايتىنى ايتقان. وتباسىلىق پسيحولوگ سوفيا كيم بولسا: «بۇل قالجىڭ ەمەس، بۇل اشىنعان ادامنىڭ ايقايى. بۇل ءبىزدىڭ قالىپتى، تابيعي ءومىرىمزدى بۇزۋعا ارنالعان ءناسيحات. بۇنداي پاراقشالاردىڭ مەكتەپ توڭىرەگىندە ءىلىنۋى كوڭىل اۋىرتاتىن، جاي قالدىرماۋعا بولمايتىن جاعداي. ادام ومىرگە ەر نەمەسە ايەل بولىپ كەلەدى. جىنىس انىقتاۋدان باس تارتۋ دەگەنىمىز – اقىلعا سيمايتىن  ساندىراق. بۇنداي اشىق ۇگىت پاراقشالارىنا ايىپپۇل سالىپ، تاراتۋشىلاردى تۇرمەگە قاماۋ كەرەك»، -دەپ پىكىر ءبىلدىرىپتى.

قۇلاق ەستىگەندى كوز كورەدى دەگەن راس ەكەن، بۇرىن دا اتىس پەن شابىستى، جارىلىس پەن تەررورلىق شابۋىلداردى الدە ءبىر قياندا، كوز كورمەس تۇگىلى وي جەتپەس الىستا بولادى دەپ ەستيتىنبىز. سول تەرروريزم سوڭعى جىلداردا قازاقستاندا ءبىر نەشە رەت بولدى. جەتى اتا تولماي قىز الىسپايتىن، جەتىمى جىلاماعان، جەسىرى جىل وتىرماعان قازاق دالاسىنا ەندى گەندەركۆير دەيتىن ازعىندىقتىڭ ءناسيحاتى جەتىپتى. كىنىدىگى تۇگىلى جىقپىسى كورىنىپ جۇرەتىن قىزدارعا كوزىمىز باياعىدا ۇيرەندى، قىز تۇگىلى جىگىت ءتانىن ساتقان، ءتىپتى سونداي ازعىندار ىستەگەن ىسىنە  ەش ۇيالمايتىن، ۇياتىمىز ابدەن اشىلعان جاعدايعا جەتتىك.   عالامتور بەتتەرىندە قازاق قىزدارىنىڭ پورنوگرافيالىق بەينەلەرى كۇن ساناپ كوبەيىپ كەلە جاتقانى دا جاسىرىن ەمەس. قىمتانا كيىنگەن قىز كورسەك شۋ ەتە قالاتىن مىنا ءبىز كۇننەن كۇنگە جالاڭاشتانىپ بارا جاتقان قوعامعا شاراسىز عانا كوز تاستاپ وتىرمىز. ەندى كەلىپ گەندەركۆير پايدا بولىپتى. ءبىزدىڭ قۇقىق قورعاۋ ورگاندارىمىز قانداي ءىستى بولسا دا الدىن الماي، زاردابى ءدۇيىم جۇرتقا تيگەن سوڭ عانا كۇرەسىپ جاتادى. بىرنەشە جاس انانىڭ عانا الاڭعا شىعىپ، پاراقشا جىرتقانىمەن جوعارىداعى قاۋىپتى ءۇردىستىڭ بەتى قايتا ما؟ ەل بولامىز دەسەك ەڭ الدىمەن ۇياتمىزدى بۇتىندەۋىمىز ءجون ەدى.

نۇرعالي  نۇرتاي

Abai.kz