بەيسەنبى، 12 ماۋسىم كۇنى سپورت الەمىندەگى جىلدىڭ ەڭ باستى وقيعاسى - 2014 FIFA World Cup باستاۋ الادى. برازيليانىڭ سان-پاۋلۋ قالاسىنداعى «ارەنا كورينتيانس» ستاديونىندا فۋتبولدان XX الەم چەمپيوناتىنىڭ اشىلۋ سالتاناتى ءوتتىى.

«قازاقستان» ۇلتتىق تەلەارناسى وسىمەن ەكىنشى رەت الەمدىك دەڭگەيدەگى فۋتبول جارىستارىن ەفيردە كورسەتىپ كەلەدى. وتكەن جىلى «قازاقستان»، «KazSport» جانە «ەۋرازيا» ءبىرىنشى ارنالارى بىرلەسىپ ۋكراينا مەن پولشادا وتكەن فۋتبولدان ەۋروپا چەمپيوناتىن كورسەتكەن بولاتىن.

«قازاقستان» جانە «KazSport» تەلەارنالارىن بىرىكتىرەتىن «قازاقستان» ۇلتتىق تەلەراديوكورپوراتسياسى ۋەفا (ەۋروپا فۋتبول اسسوتسياتسيالارىنىڭ وداعى) تاراپىنان جوعارى باعاعا يە بولدى.

قازاقستان ءۇشىن فۋتبولدان الەم چەمپيوناتى سەكىلدى وقيعانىڭ ماڭىزى وراسان زور. بيىل وتاندىق كوممەنتاتورلار مەن تىلشىلەر قازاقستان جۋرناليستيكاسى تاريحىندا العاش رەت وقيعا بولعان جەردەن تىكەلەي ەفيرگە شىعۋ مۇمكىندىگىنە يە بولىپ وتىر. جاقىن ارادا، 1 شىلدەدە تۋرا 1 جىلدىعىن اتاپ وتەتىن «KazSport» تەلەارناسى ءۇشىن بۇل جامان باستاما ەمەس.

FIFA World Cup-تىڭ اقتىق ويىندارى 4 جىلدا 1 رەت وتكىزىلىپ تۇرادى. الەم چەمپيوناتىنىڭ ايماقتىق ىرىكتەۋ ويىندارى 3 جىلعا سوزىلادى. وسى جىلعى ىرىكتەۋ جارىستارىنا 204 كوماندا قاتىستى. ال ءبىر اي بويى اقتىق ويىندار وتەتىن الدىن الا تاڭدالىپ الىنعان ەلدە 32 كوماندا باق سىنايدى (ىرىكتەۋ ويىندارىنىڭ ناتيجەسى بويىنشا 31 كوماندا جانە قابىلداۋشى ەلدىڭ قۇراماسى وسىنداي قۇقىققا يە بولىپ وتىر). وسى جىلى قابىلداۋشى ەل - برازيليا، ول ءوز كەزەگىندە FIFA World Cupتىڭ ەڭ كوپ رەت جەڭىمپازى اتانعان ەدى – 5 رەت.

تەلەكورەرمەندەر «قازاقستان» تەلەارناسىنان تىكەلەي ەفيردە 33 فۋتبول ويىنىن تاماشالاي الادى. ال «ەۋرازيا» ءبىرىنشى ارناسى مەن «كAZsport» جارىستىڭ 32 ترانسلياتسياسىن كورەرمەندەر نازارىنا ۇسىناتىن بولادى. الەم چەمپيوناتىنىڭ اشىلۋ سالتاناتىن «قازاقستان» جانە «كAZsport» ارنالارىنان ماۋسىمنىڭ 12-سىنەن 13-ىنە قاراعان ءتۇنى استانا ۋاقىتى بويىنشا 00.15-تە تاماشالاي الادى. ال سالتاناتتى جابىلۋ ءراسىمىن «قازاقستان» جانە «ەۋرازيا» ءبىرىنشى ارناسى ارقىلى شىلدەنىڭ 13-ىنەن 14-ىنە قاراعان ءتۇنى استانا ۋاقىتى بويىنشا 01.00-دە تاماشالاۋعا بولادى. ويىنداردىڭ تولىق تىزبەسى «قازاقستان» ۇلتتىق تەلەراديوكورپوراتسياسىنىڭ سايتىندا (www.kaztrk.kz) ورنالاسقان.

فۋتبولدان الەم چەمپيوناتى شەڭبەرىندە «قازاقستان» ۇلتتىق تەلەراديوكورپوراتسياسى ءوزىنىڭ تەلەكورەرمەندەرى اراسىندا ۆيكتورينا وتكىزگەن بولاتىن. قازاقستاندىقتار فۋتبولدان الەم چەمپيوناتىنىڭ تاريحىنا قاتىستى سۇراقتارعا دۇرىس جاۋاپ بەرۋ ارقىلى باعالى جانە ەستەلىك سىيلىقتارعا يە بولۋ مۇمكىندىگىن پايدالاندى.

اباي-اقپارات