«مالەفيسەنتا» ءفيلمىنىڭ قازاق تىلىندەگى تۇساۋكەسەرى ەلىمىزدىڭ بارلىق كينوتەاترلارىندا 29 مامىردا وتەدى

«مالەفيسەنتا» 2014 جىلى قازاق تىلىنە تارجىمالانعان ەكىنشى گولليۆۋدتىق فيلم بولادى.

27 مامىردا استانادا «بولاشاق» قاۋىمداستىعى «نۇر وتان» پارتياسىنىڭ قولداۋىمەن قازاق ءتىلىن ۇيرەنۋ مەن دامىتۋ جونىندەگى ءىس-شارالاردى جۇزەگە اسىرۋ اياسىندا Disney بلوكباستەرى «مالەفيسەنتانىڭ» الدىن الا كورسەتىلىمى ءۇيمداستىرىلدى. فيلم دۋبلياجىنىڭ باس دەمەۋشىسى – «سامۇرىق-قازىنا» ۇاق» اق.

مۋلتيمەديالىق تەحنولوگيالاردى پايدالانۋ – تىلدەردى ۇيرەنۋدىڭ ءتيىمدى ءتاسىلى. ايگىلى الەمدىك فيلمدەردىڭ دۋبلياجى قازاق ءتىلىن تانىمال ەتۋدىڭ ىقپالدى جانە دە ءونىمدى قۇرالى بولىپ تابىلادى. «بولاشاق» قاۋىمداستىعى 2011 جىلدان باستاپ وتباسىلىق كورسەتىلىمگە ارنالعان گولليۆۋدتىق تۋىندىلار دۋبلياجى بويىنشا جوبانى ىسكە اسىرادى.

اعىمداعى جىلى جاڭا زامانداعى قازاقستاندىق پاتريوتتىقتى قالىپتاستىرۋعا باعىتتالعان گولليۆۋدتىق فيلمدەردىڭ قازاق تىلىنە دۋبلياجى بويىنشا جوباسىنا  «جاستار – وتانعا» جوباسى اياسىندا «نۇر وتان» پارتياسى  قولداۋ ءبىلدىردى. پارتيا دوكتريناسىندا بەلگىلەنگەن مادەني جانە رۋحاني قۇندىلىقتاردى ارتتىرۋ ماقساتىندا، «نۇر وتان» پارتياسى «ايتىس»، «بۇركىتشىلەر فەستيۆالى»، «كوكپار»، «قازاقشا كۇرەس»، «جايدارمان»، «قازاقستان بارىسى» سەكىلدى جوبالاردى قولداپ كەلەدى.  

قازاق ءتىلى اعىلشىن، فرانتسۋز، نەمىس، يسپان، پورتۋگاليا، ورىس جانە باسقا تىلدەرمەن قاتار، «مالەفيسەنتا» ءفيلمىنىڭ كەيىپكەرلەرى سويلەگەن الەمدەگى             19-شى تىلگە اينالدى. باستى كەيىپكەرلەردى دىبىستاعان اكتەرلەر: گۇلناز اۋەسباەۆا (مالەفيسەنتا), گۇلنارا قۇرمانبەكوۆا (حانشايىم اۆرورا), ازامات قاناپيا (پاتشا ستەفان) جانە ت.ب. فيلم دۋبلياجىنا شامامەن 20 اكتەر قاتىستى.

ۇيقىداعى ارۋ تۋرالى ەرتەگىنى جاڭاشا تۇسىندىرۋدە باستى ءرولدى تانىمال گولليۆۋدتىق اكتريسا، «وسكار» سىيلىعىنىڭ يەگەرى اندجەلينا دجولي ويناعان. اكتريسا ۋيلل سميت، دجونني دەپپ جانە توممي لي دجونسپەن قاتار العاش رەت قازاق تىلىندە سويلەدى. 3D گرافيكاسىنىڭ نەگىزىندە  تولىق قالپىنا كەلتىرىلگەن ويدان شىعارىلعان ەرتەگى الەمىنىڭ اسەرى «اۆاتار»، «اليسا عاجايىپتار الەمىندە»، «وز: ۇلى جانە جالماۋىز» كينوكارتينالارىن جاساۋعا قاتىسقان شىعارماشىلىق توپ جۇمىسىنىڭ ناتيجەسى بولىپ تابىلادى. فيلم اعىلشىننىڭ بەلگىلى Pinewood Studio ستۋدياسىندا ءتۇسىرىلدى – دەكوراتسيالار،  ونىڭ ىشىندە ەسكى قورعاندى ديزاينەرلەر سول قالپىنداعى كۇيىندە جاڭادان جاسادى، ىشكى كورىنىسكە نەگىزىنەن سيرەك كەزدەسەتىن زاتتار پايدالانىلدى. «مالەفيسەنتا» ءفيلمى ەكى «وسكار» سىيلىعىنىڭ يەگەرى سۋرەتشى-قويۋشى روبەرت سترومبەرگتىڭ («اۆاتار»; «اليسا عاجايىپتار الەمىندە») رەجيسسەرلىك دەبيۋتىنە اينالدى. فيلم بيۋدجەتى – 200 ملن. دوللار.

الدىن الا كورسەتىلىمگە «نۇر وتان» پارتياسى توراعاسىنىڭ ءبىرىنشى ورىنباسارى، «بولاشاق» قاۋىمداستىعى كەڭەسىنىڭ توراعاسى باۋىرجان بايبەك، جوبانى ۇيىمداستىرۋشىلار مەن سەرىكتەستەر، «بولاشاق» باعدارلاماسىنىڭ تۇلەكتەرى، بالالار ءۇيىنىڭ تاربيەلەنۋشىلەرى، مەكتەپ وقۋشىلارى، بلوگەرلەر، بۇقارالىق اقپارات قۇرالدارىنىڭ وكىلدەرى، رەسپۋبليكالىق جاستار ۇيىمىنىڭ، «بولاشاق» قاۋىمداستىعىنىڭ مۇشەلەرى قاتىستى. 

استانادا الدىن الا كورسەتىلىم كەزىندە فيلم سيۋجەتى مەن ارنايى اسەرلەر زالداعى بالالاردىڭ نازارىن جاۋلاپ الىپ، كورسەتىلىمگە قاتىسۋشىلاردى  قۋانتتى. اندجەلينا دجولي اكتريسا گۇلناز اۋەسباەۆانىڭ داۋىسىمەن سويلەدى, ول ءوز كەزەگىندە العان اسەرىمەن ءبولىستى: «مەن ءۇشىن اندجەلينا دجولي كەيىپكەرى مالەفيسەنتانى دىبىستاۋ – زور جەتىستىك. دىبىستاۋ اكتەر ءۇشىن – بۇل جاڭا تولىق قۇندى ءرول سەكىلدى. مەن «بولاشاق» قاۋىمداستىعى جانە «نۇر وتان» پارتياسىنىڭ قولداۋىمەن قازاقستاندىقتاردىڭ بەلگىلى گولليۆۋدتىق بلوگباستەردى مەملەكەتتىك تىلدە كورۋ مۇمكىندىگىنە يە بولعانىنا  ريزامىن».  

«سامۇرىق-قازىنا» ۇلتتىق ءال-اۋقات قورى» اق ءۇش جىلدان بەرى فيلمدەردى قازاق تىلىنە دۋبلياجداۋ بويىنشا جوبالارعا قارجىلىق قولداۋ كورسەتىپ وتىر. بۇرىن قوردىڭ دەمەۋلىك قولداۋىمەن «قارا كيىمدىلەر 3/ليۋدي ۆ چەرنوم 3» جانە «جالعىز رەيندجەر/ودينوكي رەيندجەر» فيلمدەرى اۋدارىلعان.

«بولاشاق» قاۋىمداستىعى مەن «MARWIN» كومپانياسى سەرىكتەستەر مەن دەمەۋشىلەردىڭ قولداۋىمەن 4 جىلدان بەرى رەيتينگىلىك جانە كۇتىلەتىن فيلمدەردىڭ دۋبلياجى بويىنشا جوبانى ىسكە اسىرادى، بۇرىن دۋبلياجدانعان فيلمدەر:

تاچكي 2/كولىكتەر-2, 2011ج. 

«ليۋدي ۆ چەرنوم III»/قارا كيىمدىلەر-3, 2012ج. 

حرابرايا سەردتسەم/باتىل جۇرەك، 2012ج. 

نوۆىي چەلوۆەك پاۋك/جاڭا ورمەكشى-ادام، 2012ج. 

ۋنيۆەرسيتەت مونستروۆ/مونسترلار ۋنيۆەرسيتەتى، 2013ج. 

ودينوكي رەيندجەر/جالعىز رەيندجەر، 2013ج. 

جاڭا ورمەكشى-ادام: كەرنەگەن قۋات، 2014ج. 

انىقتامالىق:

زۇلىم جالماۋىز مالەفيسەنتا تۋرالى ەرتەگى 400 جىل بويى ءتۇرلى اتاۋلارمەن باياندالىپ كەلەدى (كەيبىر ورتاعاسىرلىق نانىمداردى قوساتىن بولساق شامامەن 1000). ونىڭ كەيبىر بەلگىلەرى  بەلگىسىز اۆتوردىڭ 1527 جىلعى پروزالىق رىتسارلىق رومانىندا جانە يتالياندىق جازۋشى دجامباتتيستا بازيلەنىڭ «كۇن، اي جانە تاليا» ەرتەگىسىندە كورىنىس تاپقان، ول «ەرتەگىلەر ەرتەگىسى» جيناعىنا («پەنتامەرون») كىرگەن. وسى جيناقتىڭ تاراۋلارى العاش رەت ەرتەگى رەتىندە باسىپ شىعارىلدى. 1697  جىلى شارل پەررو ءوزىنىڭ «انا قازدىڭ ەرتەگىلەرىندە» وقيعانى ءوز  نۇسقاسىندا باياندادى. 1812 جىلى اعايىندى گريممدەر پەررو سيۋجەتىن تولىعىنان وزگەرتتى. زۇلىم كۇشتىڭ قاھارىنا ىلىككەن  سۇلۋ حانشايىمنىڭ تاريحى «شيپوۆنيچەك» دەپ اتالدى.

XX عاسىردا ەرتەگىمەن «ۇيقىداعى ارۋ» ءفيلمىن شىعارعان Disney ستسەناريستەرى مەن انيماتورلارى اينالىستى، ول 10 جىل تۇسىرىلىمنەن كەيىن 1959 جىلى ۇلكەن ەكراندا كورىندى جانە سول كەزدە ۋولت ديسنەي ستۋدياسىندا تۇسىرىلگەن ەڭ قىمبات فيلمگە اينالدى.

2014 جىلعى «مالەفيسەنتا» ءفيلمىنىڭ سيۋجەتى الەمدىك Disney ستۋدياسىنىڭ «ۇيقىداعى ارۋ» اتتى كلاسسيكالىق ءفيلمىنىڭ كەيىپكەرىنىڭ، انيماتسياداعى ەڭ بەلگىلى جاۋىزداردىڭ ءبىرىنىڭ وسى ۋاقىتقا دەيىن بەلگىسىز تاريحىن باياندايدى. 

اباي-اقپارات